《100 min燒肉放題🍖🔥任飲日本直送波子汽水🥤》
已經好耐冇燒肉🍖，妹妹燒肉癮起就陪佢去食一次😙。呢間牛太相信好多人都聽過，不過我哋自己就冇食過。今次去咗荃灣分店試一試，環境唔錯乾淨企理，而且裝修都算係新潮型格。等位期間店員仲俾我哋玩左個釣魚遊戲🎣，玩完仲會有小禮物送添🎁。
.
📍 華美清馥燒肉放題 ($288)
Great Beef Course
晚市放題有3款燒肉放題可以揀，今次我哋揀咗中間價位個款。一共有73款食物，肉類、海鮮、飯麵、前菜、甜品堂汽水都任食任飲。呢段時間做緊期間限定 ，日本直送嘅『波子汽水』都係任叫🤟🏻。
.
肉類有齊牛、豬、雞，分為鹽燒、燒汁同辛辣味。我哋重點食牛🐃，都叫咗好多款，不過食落冇想像中咁好， 醃得唔夠入味而且唔夠嫰滑油潤。海鮮選擇唔多，但帆立貝同蝦都唔錯🦐🐚。另外仲叫咗啲前菜、黑松露溫泉蛋飯🐣🍚同蕃茄冷烏冬🍅。主食另外仲有石頭鍋飯同拉麵🍜，選擇算喺唔少。蔬菜類方面🥬，蒜蓉牛油金菇真係必嗌。
.
甜品有燒香蕉🍌、蛋糕🍰、燒菠蘿🍍同棉花糖等等。另外就住舉行緊夏祭活動🎏，多咗2款新式甜品，分別係小丸子同鯛魚燒。兩款都要自己燒過先食得，小丸子🍡真係特別有驚喜，點埋佢比嘅沙律醬同章魚燒醬🐙，真係有啲去咗日本嘅感覺🇯🇵。最尾仲有movenpick食添！
.
整體嚟講燒肉嘅質素有啲失望，尤其牛肉未夠肥美🥩。服務方面人手雖然唔算多但係職員都好有禮貌，呢點值得讚下👍🏻。
.
牛太 (荃灣)
荃灣楊屋道1號荃新天地地下G48& G50號舖
@gyuta_wagyu
蒜蓉牛油金菇 在 蒜茸牛油燒金菇菜 - YouTube 的推薦與評價
金菇 洗淨切段, 豆腐切塊, 吸乾水份, 蒜頭切成蒜蓉, 下油熱鍋,將豆腐煎至金黃, 盛起! 原鍋下油將蒜蓉炒香, 加入金針菇炒, 下汁料(醬油, ... 金菇洗淨切段, 豆腐切塊, 吸乾水 ... ... <看更多>