返工返到好攰，所以決定食餐好啲嘅，老公話想食日式串燒，咁就去搵間特別啲嘅居酒屋嚟食啦🤗
呢度係用日本紀州備長炭嚟燒烤嘅🍢，咩話？室內用炭火燒串燒？聽講舖頭老闆用咗6位數字嚟淨係做個通風系統同個牌，可見誠意十足🤩
另外，呢度嘅牛舌都幾出名，啱晒我喇！
一坐低就有一小碟前菜炆牛舌，係用牛舌尖嚟炆幾個鐘，淋得嚟又好入味
之後老公叫咗雞泡魚干🐡，一於啤啤佢先🍻
好喇，鍾意食沙律嘅我就叫咗個雜錦刺身沙律🥗，入面有三文魚，𩶘魚，仲有海葡萄，一次滿足晒想食刺身同沙律嘅我。
另外，前菜仲叫咗胡麻菠菜🥬同吉列蠔，菠菜加埋麻醬，味道好夾，吉列蠔都好鮮味
好喇，炭燒出場喇，我地叫咗炭燒上牛舌串，炭燒極上牛舌串，燒雞皮餃子，原塊炭燒豬頸肉，炭燒白鱔串同炭燒日本蕃薯
炭燒嘅係唔同啲，因為好考廚師嘅技術㗎，同機燒係食得出個分別㗎！
牛舌同上牛舌分別嘅地方就係上牛舌即係我地食嘅牛舌芯，好淋好入味，燒雞皮餃子好特別，係用一塊雞皮包住豬肉嚟燒，呢個要襯熱食喎，如果唔係雞皮就無咁脆㗎喇！
燒豬頸肉火喉啱啱好，有少少乾身，好好味，白鱔同蕃薯係為我而設嘅，雖然白鱔只係得一舊，但係厚身又夾口，燒蕃薯方面，餐廳經理同我地講呢度嘅日本蕃薯🍠係原條切片嚟燒，唔同其他餐廳打蓉再搓成細細粒，食落果然唔同，特別好味。
另外我地仲叫咗個法國芥末籽醬牛柳，將牛柳燒至4成熟，加上Zucchini同埋芥末籽醬一齊食，直頭係perfect match呀🤗
最後仲叫咗士多啤梨大福做甜品，大滿足！
叫咗咁多野食，係咪以為好貴呢？sorry喎，埋單都唔洗$800！抵到想馬上食多次 LOL🥰
#日本紀州備長炭 #牛舌 #炭燒 #雞泡魚干 #胡麻菠菜 #吉列蠔 #炭燒極上牛舌串 #燒雞皮餃子 #原塊炭燒豬頸肉 #炭燒白鱔串 #炭燒日本蕃薯 #法國芥末籽醬牛柳 #士多啤梨大福 #一杯屋 #hkfoodies #hkig #couple #yummy #japanesefood #foodies #ippaiya #hkinfluencer
