關於 tivoli意大利餐廳 ，我們在網路上蒐集到這些相關的討論、資訊與評價

【懶人文字版食評 😋 第14回】🍽 Tivoli italian restaurant
地址：尖沙咀柯士甸道130號地下
價錢︰午市套餐最平$49 ，外賣免+1
人均消費：$60
時間：星期三中午
人流: 全院滿座
入座方式：walk in

💡只有中午堂食一段時間，真係差唔多忘記了晚間出去搵嘢食嘅心情。今日中午出來搵食，去到柯士甸道一間老牌意大利餐廳。之前曾經到訪過一次，當時做緊最平晚市$79套餐。現在午市最平$49有交易，仲平過快餐店，即入！

🍲食物
依間餐廳其實係走高級路線，當然係十幾廿年前。晚市過來質素都不錯，午市$49當然抵食不過只有兩個選擇，包括俄國牛柳絲和蒜蓉雞扒飯或意粉。不過亦有其他套餐，價錢大概$60 至$70。月尾手緊，點了解兩份特價午餐。不要忘記套餐仲包括餐湯及餐飲。餐湯方面都係基本嘅羅宋湯，不會有什麼驚喜。較為特別就係紅菜頭忌廉湯。感覺幾健康。我嗰份牛柳絲意粉其實味道及牛柳絲質素都不錯，比茶餐廳質素好一點。不過有啲失敗就係牛柳絲不夠熱，只有微溫。太太嗰份蒜蓉雞扒就真係超抵食，塊雞扒成隻手咁大，雞肉都幾嫩，蒜蓉控一定欲罷不能。絕對完勝我嗰份了

🏠環境
香港好多時都講集體回憶，呢間餐廳裝修基本上幾十年冇變，晚上過來仲會點蠟燭，做到真正嘅燭光晚餐。情人節將，想試吓一個懷舊平民版浪漫式晚餐可以考慮。

🤷🏻‍♀️服務
我覺得晚上服務會好一點，主要因為經理在中午沒有出現。記得上次來，經理擅長交際應酬，喜歡和客人交流。中午服務不是太差，但就比較普通，沒什麼特別，但整體上都係可以接受嘅。

🌟總分4/5
$49 加一 $55 落到樓，有得座，仲有人招呼。特價午餐有麵包，餐湯，凍熱飲不需加錢。聽到呢一度，相信應該冇乜投訴。我就覺得幾抵食，絕對可以過嚟試吓！

#真實食評
#吃喝玩樂

📢懷舊西餐廳😳
➖➖➖➖➖➖➖➖➖➖➖➖➖➖➖➖➖➖
同朋友係尖沙咀兜嚟兜去都諗唔到食咩😣諗住去返韓國街搵嘢食嘅時候經過呢間餐廳，見到好似ok咁就入咗去啦😆
點解叫意大利餐廳🤔？我都唔知，因為佢係咁寫😂
呢度要裝修好懷舊，入到去燈光昏暗，每一枱都有支蠟燭喺度🕯店員仲要係著住好整齊嘅西裝🤵🏻
今次同朋友嗌咗Set dinner，有餐湯同飲品😚
啲湯好稠，同朋友研究咗好耐到底係咩湯🤔(應該就係南瓜湯🎃) 一邊有啲煙肉碎喺度。 另外呢度啲牛油都幾得意，形狀就好似通粉咁， 不過略厭麵包烘得唔夠熱，所以搽牛油嘅時候有啲難融🤔

#燒牛柳 ($138)
😋好味指數：(7/10)
小編就嗌咗六成熟，朋友嗌咗五成熟。我哋兩份牛都係一份淋而一份比較韌😢應該因為係啲根位嚟🤔食落去肉味都幾香😚
不過佢嘅汁都幾得意，係蘑菇汁嚟嘅，有超多蘑菇係面😱
今次叫咗薯菜，係一舊薯蓉嚟嘅😆另外配紫椰菜，都幾特別😚

#西西里式大蝦意粉 ($208)
😋好味指數：(6.5/10)
試咗幾啖朋友嘅意粉，一共有4隻蝦，全部都好大隻😍食落口都幾彈牙，仲有小小膏😳
不過意粉就比較普通，只係類似茄汁意粉，冇咩配料😚
➖➖➖➖➖➖➖➖➖➖➖➖➖➖➖➖➖➖
📷賣相指數：(7.5/10)
🔎環境指數：(7.5/10)
💂服務指數：(7/10)
➖➖➖➖➖➖➖➖➖➖➖➖➖➖➖➖➖➖
🏡餐廳：#tivoli 意大利餐廳
🚶地址：尖沙咀柯士甸道130號
☎電話：2366 6424
➖➖➖➖➖➖➖➖➖➖➖➖➖➖➖➖➖➖
💡 #大食怪遊尖沙咀
💡 #大食怪西餐
💡 #大食怪意粉

倘若歲月無情，又何以歷久不衰？

位於柯士甸道，熙來攘往之間的一個綠燈箱。

它歷盡風霜，卻沒有因此而閃爍不定。

也沒有恃老無恐，爭艷鬥麗。

它只是靜謐地，泛着平庸的碧光。

訴說着，這兒有一家老餐館。

一雙木門仍在搖曳，剛進門的老人徐徐走到鏡前，繫上領帶，套上西裝，梳理一下稍稍見白的髮絲，隨即站到門後準備迎接客人。沒錯，這裏是一家西餐廳，而且是一家擁有將近四十年歷史的老店。

餐館的名字有點趣怪，「意大利餐廳」五個大字，簡單直接；英文名則是「Tivoli」，是羅馬一個小鎮的名字。眼前站立筆直的老人，正是餐館的老闆Henry。他做餐館有一個理念，就是希望客人能慢慢地享受一頓飯：「我有一次喺意大利食飯，個老闆兼廚師成個下晝淨係做我哋一枱客，一邊煮，一邊陪我哋傾偈，我好想將呢個文化帶嚟香港。」


把客人親自送到餐桌前，送上切好的法包及牛油，Henry開始說起意大利的餐飲文化。先是吃頭盤，接着是餐湯。喝畢餐湯後，一般會讓客人有十來分鐘的聊天時間，好作喘息，再上主菜。「意大利嘅餐點可以如法菜咁精緻，好似呢道燒羊鞍同牛扒咁，伴碟都要好細緻。」他為客人送上一碟繽紛的羊鞍後，又走到餐館前方的薄餅區，只見土耳其籍的薄餅師傅邊忙於搓皮塗醬，邊留意着焗爐內的薄餅有否燒焦。他拿起一份剛出爐的薄餅，又道：「以前意大利係窮人先食薄餅，但求食飽個肚，所以唔會刻意做到個餅好圓，但香港人唔鍾意。」餐館要屹立至今，當然要作出配合。

送上圓圓的薄餅後，Henry又被客人摧趕着下一道菜。他苦笑着，坦言這是他最煩心的事。

七、八十年代，吃一頓西餐是普羅大眾幾近一個月的薪水。故此客人都會放慢步調，好好享受這一頓飯。時至今天，到處都是西餐廳，吃西餐已成平常事。「有啲客食得好急，又鍾意一次擺晒所以嘢上枱，影完相先食。」他笑指這是香港的獨特文化。至於他，時而配合，時而開聲糾正，也因為如此，他曾經得失過不少客人：「九十分鐘限時對我哋做生意當然係好，但我覺得咁樣就浪費咗我哋嘅食物、環境同服務，我寧願佢哋慢慢食。」


如此用心，總有惜花之人。滿座的餐館內，九成都是熟客，不少客人見到Henry都會主動搭訕，好些甚至是第三代顧客。

細看店內的一桌一椅、一燈一鏡、一牆一地，都佈滿歲月痕迹，念舊的他卻自嘲落伍：「啲人入到嚟，好似返咗幾十年前咁，我覺得係特色啫，有啲客人唔認同㗎嘛。」不少客人曾經向他提議，添加新派菜，換換裝潢，他卻一口拒絕：「改改吓，就唔再係意大利餐廳，我會堅持，戰到最後一日。如果有一日我退落嚟，即係我哋畀時代淘汰啦。」臉上的笑容，夾雜着點點苦澀。

與其說歲月無情，倒不如說是無敵。

誰能阻止如梭之日月。

惟願，它洗滌不去，那點點初衷。

Tivoli意大利餐廳
地址：尖沙咀柯士甸道130號
電話：2366 6424
營業時間：11am-12mn