港島人福利 -「La Rotisserie」正宗既外賣傳統法國菜🇫🇷
．．．．．
呢間主打傳統法式烤肉既外賣店，唔知點解全部分店都淨係開係港島區，最新分店係銅鑼灣利園一期。有別於其他分店，銅鑼灣利園店有位堂食之餘，營業時間亦都比其他分店長，亦有提供早餐。
．．．．．
La Rotisserie主打兩款烤肉：烤雞/烤鴨胸。餐廳用既原材料都係直接由法國買返黎，問左餐廳，佢地話兩款烤肉都無用糖或者Carb-related成分既野去醃製過 (即刻心心眼😍)。餐廳有全隻/半隻法式烤雞，或者全份法式烤鴨胸選擇，另外，我見好多客人都係叫「經典一人套餐」，套餐包括1/4法式烤雞或者烤鴨胸、一份時日熱菜或者沙津、一份自家製餐湯或者冰茶，其實都幾豐富。
．．．．．
烤肉係用佢地特製既烤爐烤製，烤製過程令肉既每一個位都受熱平均。法式烤雞肉質嫩滑，唔鞋口，有少少juicy咁；烤鴨胸亦都好香好嫩！唔講唔知呢度仲有甜品食，佢地自家製既海鹽朱古力蛋糕原來好好味！
—
La Rotisserie(銅鑼灣)
銅鑼灣希慎道33號利園一期地下G12號舖
・
🥑生酮友好食品：法式烤雞、法式烤鴨胸
—
#small銅鑼灣
#small外賣店
#small西式
銅鑼灣生酮外賣 在 foodlover_ash - 銅鑼灣新開咗間專做外賣嘅健康素食&生酮餐廳 的推薦與評價
銅鑼灣 新開咗間專做外賣嘅健康素食&生酮餐廳 @our_healthy_mission 食物款式多元化， 有素食餐單 、生酮餐單 和增肌餐單 無論係咩類型餐單，都係以健康為大前 ... ... <看更多>