關於 紅花羊蹄甲 ，我們在網路上蒐集到這些相關的討論、資訊與評價

【#香港故事系列︱#香港獨一無二的洋紫荊】
問到大家最能代表 #香港 的花是甚麼花，相信非 #洋紫荊 莫屬了。大家只要細心留意身邊的植物，都能看到洋紫荊，而且作為香港市花，相信大家對它都不會陌生。不過其實我們看到的洋紫荊，原來都是來自 #同一棵。甚麼叫來自「同一棵」呢？

洋紫荊在1880年於香港第一次被發現，是由一名神父在香港島薄扶林 #鋼線灣 發現，當時利用插技的方式移植到位於薄扶林道的 #伯大尼修道院。後來這個獨特品種更成為了香港市花，所以今天你能在區徽、區旗及硬幣等不同地方看見洋紫荊的圖案。

洋紫荊是 #豆科蘇木亞科羊蹄甲屬 的有花植物，是 #紅花羊蹄甲 和 #宮粉羊蹄甲 兩個品種混種而成，屬於混種植物，不可以自行繁殖。這個情況就好像馬和驢混種而成的騾仔，並無生殖能力，所以不可以繁殖下一代；洋紫荊亦一樣，只有花但不會有果。所以說，現今在街上看到的洋紫荊，都是1880年發現的「#複製品」，全部也是由相同的一棵洋紫荊來的。

不過，自身沒有繁殖能力的洋紫荊又是怎樣遍地開花？就是靠 #插技方式 移植。不過由一棵複製成那麼多棵，再要令它成長成苗非常花時間，所以香港普遍的洋紫荊都採用 #嫁接法 來繁殖。即是將宮粉羊蹄甲的樹幹打橫切開，再在上面嫁接洋紫荊，情況就好像斬了他人的頭再將自己的頭接上去。

大家可以憑洋紫荊的樹皮顏色和質地找到嫁接繁殖的接合處呀！
------------------------
延伸閱讀：#香港故事系列
------------------------
<想每日閱讀冷知識？將專頁設為搶先看吧！>
◆ 每日分享知識、每月推出課程
◆ 網站：https://www.beginneros.com/
◆ Youtube：https://goo.gl/OEJrGt
◆ Instagram：@beginneros

《洋紫荊璀璨開放》陳心遙
《信報》2017年6月28日《視線所及》專欄

如果唔係特登去查，相信身邊大部分香港人都唔會去分清楚邊種花先係「洋紫荊」。即使你有好奇心，凡事都上網查吓了解一番，你一樣會俾華文世界入面，一串天花亂墜嘅名搞到一頭霧水。咩「羊蹄甲」、「紅花羊蹄甲」、「宮粉羊蹄甲」、「艷紫荊」，頭都暈埋。
混亂其實因為喺大陸、台灣同香港嘅名稱唔同，而且有重疊，所以你用中文搵一定會亂晒籠，用英文理解就易啲。大家上網圖文對照可以用英文，咁就唔會咁亂。第一種就係Bauhinia Purpurea，香港叫「紅花羊蹄甲」、台灣叫「洋紫荊」、 大陸叫「羊蹄甲」；同另外兩種最唔同嘅地方係花瓣比較幼身而狹長，花嘅顏色呈粉紅色。第二種係Bauhinia Variegata，香港叫「宮粉羊蹄甲」、台灣叫「羊蹄甲」、大陸又叫番做「洋紫荊」喎，問你死未？呢種花嘅花瓣會圓潤啲，顏色係淺紫，開滿棵樹嘅時候真係有櫻花咁靚。花瓣都係有五片，但其中一片會零零舍舍深色咗，咁理解會易認好多。第三種係Bauhinia×Blakeana，即係香港正宗市花「洋紫荊」、台灣叫「艷紫荊」、大陸叫「紅花洋蹄甲」，花瓣圓潤度介乎前兩者之間，顏色較為深紫。我唔係植物專家，如果解錯歡迎大家嚟指正。
咁睇，即係話大陸、台灣、香港三個地方嘅洋紫荊係講緊三種花。Bauhinia × Blakeana中間個「×」即係雜種咁解；其實係「紅花洋蹄甲」、「宮粉羊蹄甲」溝出嚟嘅，係香港獨有嘅花，又稱「香港蘭」。洋紫荊係喺1880年一個神父喺薄扶林發現嘅。另一特色，或者你話係缺陷都得，就係洋紫荊係冇果實嘅，即係唔能夠自我繁殖，而家全香港嘅洋紫荊都係1880年嗰棵嘅子孫嚟。
又因為佢係近親繁殖而成，所以洋紫荊亦都唔會好似其他花咁開得好茂密，開到成棵樹都係，用嚟鑑賞一定冇其他樹咁靚，而且棵樹嘅抵抗力好弱，如果唔好好愛惜同保育，好易玩完。但係惟有洋紫荊，先係香港獨有嘅花，所以當年先會被揀做香港嘅「市花」，寓意同香港一樣稀有同珍貴。
同紅花、宮粉撈亂都算，最離譜嘅就係同「紫荊花」混淆，因為兩者都係喺外形、顏色、品種、樹木形狀係完完全全兩回事嚟，打醒十二分精神，如果整吓整吓由錯變做啱， 咁就悲劇喇。
咁啱，我最近寫咗一首歌用咗「洋紫荊」呢個詞：「無論明天好與糟/留守先看到/洋紫荊璀璨開放。」係呀，如果你唔想要「紅花」、「宮粉」或者「紫荊花」，而堅持要「洋紫荊」嘅話，你要留番喺香港先會見得到……

#洋紫荊璀璨開放 #洋紫荊 #紫荊花 #羊蹄甲 #香港市花 #七一 #廿年 #太極 #信報 #陳心遙

美麗的粉紅花羊蹄甲和初春盛開的春櫻不相上下🌸