不幸的人一生都在治癒童年，
幸運的人一生都被童年治癒。--Alfred Adler
有好多人問我尋日篇文講緊邊本書
係呢本由讀者推介我睇嘅《童年會傷人》
誠品有得賣。好適合各位新手父母睇，
本書主要係想教人點樣停止複製原生家庭帶來嘅傷害
唔好將你父母對你嘅傷害，帶畀你嘅下一代。
//
之前已經好想同大家分享一件事
我有個幾歲嘅表弟，有次一班親戚一齊食飯
唔記得表弟做咗啲咩「曳事」畀我阿姨鬧佢
然後佢問「點解唔可以」我姨答「因為媽咪唔鍾意」。
我同麥仔都不約而同將呢句說話聽咗入耳。
我哋嘅上一代好多呢種「權威式父母」
所謂嘅對與錯、是與非都只係父母說了算。
基本上無咩依據，將父母嘅價值觀直接移植到小朋友身上
於是父母就好似金正恩一樣，係小孩心中嘅紅太陽。
諗起上年好多藍絲父母指責讀大學會讀壞腦
其實講呢啲說話嘅父母多數都係呢種「權威式父母」
由細到大都係以自己套價值觀為中心
壓制小朋友嘅獨立思考，只希望小朋友盲目聽話。
於是小朋友長大後去到中學、大學，又識得上網
眼界大開，自然唔會再盲目複製父母嘅價值觀
仔女有咗獨立思考，有咗自己嘅價值觀
喺呢種父母眼中就係唔聽話，就係被教壞。
呢種父母好怕自己嘅仔女脫離自己嘅價值觀
因為佢哋仲以為父母永遠是對的，父母永遠高高在上
自己嘅權威被挑戰，對於佢哋嚟講係件好羞辱嘅事。
如果鍾意我嘅文字，支持我嘅寫作：
https://www.patreon.com/hkgirlfriend
（Patreon收入會將一半捐出）
IG：@hkgirlfriend
FB：港女友
父母永遠是對的 在 父母永遠是對的？ - 心情板 的推薦與評價
對如你所看到的標題我媽永遠秉持他是對的因為他是長輩因為他是媽媽甚至認為小孩是他的所有物？ 因為是她生的這我不能否認我是妳親生的事實只是當妳在 ... ... <看更多>