關於 湜澄媽心聲 ，我們在網路上蒐集到這些相關的討論、資訊與評價

【澄寶寶要上學了 之 N班面試 第3集】

今次呢間係屋企附近既全日制學校，鄰居小朋友讀得好好，所以我地都希望澄兄可以入到，除咗近屋企，仲希望幫輕一湊二既婆婆🙈

事前問咗鄰居面試模式，原來好簡單，老師會講故事同攞玩具問簡單問題。呢兩樣我對澄兄都好有信心，只視乎佢當日心情🤣

#過程
我地個時段大約十多個小朋友面試，我地果組6個。

🎶先熱身，老師唱早晨歌同「齊來拍拍手」，澄兄同大部分小朋友一樣都係發呆😯 仲未 warm up

📗 講故事時間，澄兄繼續發呆😯😯 有幾個女仔開始講野答問題，其實澄兄都應該識答，可惜心情未準備好🤷🏻‍♀

❓最後老師一對二咁問小朋友問題：
🚙 當隔離小朋友好活躍咁去伸手攞玩具（老師冇叫架），澄兄好乖咁坐喺度等，其實佢見到🚙🚙好想玩，佢有望望我地表示想玩，但佢知要等待👍🏼
🐶老師攞住隻狗仔手偶，問下「呢隻係乜？咀咀喺邊？（指住眼睛）呢個乜黎？」澄兄全部都答到曬👍🏼👍🏼
🍎跟著就有幾個水果，叫佢攞個🍌，攞個🍊俾爸爸，澄兄都做得到👍🏼👍🏼👍🏼

🎶 最後就 byebye 歌，又變返呆呆澄😯

離開課室有講拜拜👍🏼👍🏼👍🏼

#湜澄媽心聲
澄兄係慢熱型，加上一瞓醒就去面試，我地都唔太期望佢會好主動，所以表現算唔錯啦🥰

老師話，大約有15個位（媽媽內心立即😱），有兄姐讀緊/教職員子女/社工要求/雙職父母優先（都明白嘅～）

但係加上「#冇問過家長問題‼️」，我地冇機會表達我地需要，連份問卷都冇寫到（失策）🙈🙈

我個心已經知機會好微😞
睇下有冇幸運之神降臨，兩星期後就知。

#圖文不符
#專心刷牙但喺屋企唔刷
#面試

【澄寶寶要上學了 之 N班面試 第2集】

#後記：收到通知排waiting list😟 雖然預期之內，但都真係有d唔開心。收恰心情仲有一間機會！

------------------------------
#過程
聽過有學校要小朋友同家長等幾個鐘先面試，真係嚇襯我。呢一間安排得好好，每個時段只有一個小朋友，入到學校，喺大堂就有玩具枱同圖書，會有個老師陪小朋友友玩（我唔知係咪面試既一部分），爸媽就入房同校長傾計，主要都係了解「點解報呢間？」、「對校學期望？」，同介紹學校理念。15分鐘就會見完～

#湜澄媽心聲
呢間係媽媽首選，澄寶寶意外地好表現（雖然校長見唔到），如果唔收，應該係爸媽表現太差😔

😲 澄寶寶竟然肯留喺課室同老師玩，雖然中間有走入校長室搵我地，但老師請佢食餅佢又乖乖出返去；仲要我俾飛吻佢時佢有秒回🥰

😮 校長有讚佢可愛🤗

😲 老師有讚佢會聽指令 （咁佢心情好時真係好乖既😌）

😖 校長問我地點解選呢間校學，爸媽都答得好簡單 「全日制、蒙特梳利、自理⋯」好似只係答咗少少 keyword；好後悔冇好好溫書🙈

😖 校長見我地期望 K3 一星期5-7 份功課，話「咁多呀！」，媽媽個心離一離，覺得扣曬分啦😭 （呢個答案係參考媽媽細個情況😅）

😑 見完校長，老師話可以同澄寶寶玩多5分鐘先走。最後，好似玩咗15分鐘以上，因為澄寶寶睇中咗個轉盤，喪轉10分鐘都唔肯走🤦🏻‍♀️ 媽媽講到口水乾啦🙈

#圖文不符
#未寫第1集(間)
#得3間_好快大結局

#愛澄小手作
#太遲整好
#太間單唯有留俾細佬玩