//本Page Patreon經已開通，請訂閱支持本Page運作，謝謝！ 連結： https://bit.ly/2TvzIaF //
【個重點從來唔係黃碧雲點解死都出黎選，而係點解飯民大台竟然會容許黃碧雲呢隻內鬼出黎選──咁個初選搞黎做乜？叫埋梁美芬參加丫笨！】
九西初選協調「初見成效」：被認為可以掙倒激進本土票源嘅區議員李傲雲，同埋被認為比較貼近年青人立場嘅公民黨余德寶雙雙宣佈退選；同一時間民主黨就決定推黃碧雲繼續連任九西一席。個感覺就好似啲人猛叫你去黃店消費又話幫倒手足又盛，然後間嘢煮碟屎出黎比你食一樣──都有個分別嘅，就係黃店老闆煮嘢難食比客屌至少內心有愧，唔會覺得「我煮碟屎出黎係為咗某啲客源」，又至少唔會惡到同你講「你唔食哂呢碟屎、共產黨最開心」、「唔食屎就係分化撚」。
但大家知唔知成件事最悲哀係咩？就係當人地煮碟屎、推個黃碧雲比你，班深黃傻粉仍然不停話「相比起以前，碟屎經已無咁臭，經已有進步」、「大家要學識欣賞碟屎有幾臭」，係咁幫個老闆兜，而唔走去諗──屎唔係應該用水沖走佢架咩？點解會擺咗響碟上面？
黃屍唔係唔明白黃碧雲係幾撚廢、幾似一舊屎，但佢地總係會千方百計諗辦法幫大台辯護，包括：
1. 初選機制唔代表係飯民最終推薦名單，所以大家仍然可以響初選過程入面篩走黃碧雲；
2. 九西有好多條名單可以選，唔鍾意佢可以選第個；黃碧雲嘅存在係為咗等啲保守溫和派多個選擇
講到呢度，我又要同大家重溫一下，點解會有初選、甚至點解會有飯民選舉大台嘅成立。
而家由沈國師去到戴妖去到黃之鋒，一眾黃屍領袖、「黃標KOL」不約而同吹噓嘅，都係35+，而35+個目標就係為咗癱瘓政府、製造財政懸崖。基於呢個構想，飯民一定要團結響初選名單之下，所有支持民主嘅選民一定要依循大台初選嘅協調名單投票，唔係就係分化就係鬼、分化民主運動、令建制派當選。
即係如果對選民咁撚嚴格，嚴格到「唔跟初選名單投票=益咗建制派」，咁點解去到你個飯民大台自己推候選人出黎果陣，可以求撚其到連黃碧雲都可以出選？喂，而家係你地吹到今次選舉係終極一戰，不容有任何錯失，咁篩走啲無能嘅候選人，唔係大台嘅責任咩？
我成撚日以為選民應該係響曾建超、李傲然呢啲最激程嘅候選人之間揀一個最適合響議會抗爭嘅人，點知你推個黃碧雲比我，然後串七七同我講「唔鍾意佢咪響初選跌走佢囉」──對無權力者嚴苛、卻對有權力者千般包庇縱容，呢個就係飯民大台永恆不變嘅定律。
再講一次，咩叫「議會過半不容有失」？唔單止係講緊飯民要有議席過半嘅35席咁簡單，仲要確保入去議會嘅人唔會出賣市民──後生嘅可能唔知，響香港回歸之前，其實飯民曾經擁有過一次可以擁有全民直選嘅機會，就係響1994年討論政改方案之時，劉慧卿提出60席直選政制草案。當日無「人大五部曲」、無「831框架」、無分組點票；只要民主派佔多數，香港就可以早26年有民主。
但結果呢？響呢個關鍵時刻，三名號稱「民主派」嘅匯點議員：李華明、狄志遠同黃偉賢突然轉投棄權票，令呢個香港人獲得全面民主嘅良機功敗垂成。呢三條民主派港奸始祖，狄志遠日後名正言順投共就人所共知，李華明亦因此事獲銀紫荊勳章，今時今日仍然以民主黨元老身份潛伏，幫共產黨做針。至於黃偉賢呢，仲包括，繼續做民主黨區議員做到今時今日可以被推舉為元朗區議會主席！
當日香港真普選點樣由有變到無我地仲歷歷在目，而響26年後嘅今日，你同我講為咗「爭取淺藍選票」，以民意為掩護，任由黃碧雲呢隻賣港劣跡斑斑嘅內鬼參選，係咪想複製當日香港人被出賣嘅慘劇呀？
初選機制本身就係一種剝削參選同投票自由嘅非常手段，理由只得一個，就係統一選一班人入去全面向政府施壓爭取雙普選；點知去到篩選候選人果陣，你大台無啦啦又話「要尊重民意」，我屌你老母啦，咁你有無尊重過我嘅民意呀？尊重民意，即係我鍾意投乜就投乜，咁我做乜撚要理你果份初選名單呀？
最後我想問一個問題：
如果有日有個候選人A無參加初選但承諾一定會反對財政預算案癱瘓議會製造財政懸崖，有個候選人B乜都唔肯應承但就贏出初選，咁究竟邊個係鬼？
作為支持民主嘅香港市民，係咪就一撚定要投B而唔可以投A？呢個問題好深，我諗深黃傻粉又會HANG機鳥～
民主黨區議員 名單 在 區議會選舉｜民主黨8人通過推薦包括現任、前任區議員｜01新聞 的推薦與評價
香港無綫｜7:30一小時新聞｜2023年9月21日｜ · 張曼玉59歲自爆想學做製作人大曬拍攝花絮爆喊拭淚多謝團隊｜01娛樂｜張曼玉｜凍齡女神｜香港藝人 · YouTuber ... ... <看更多>