乘風破浪的姐姐💦
兩星期前同幾個好朋友第一次去玩SUP, 我哋全班同學一共六人都係初次體驗, 由未出海已經落勁大雨成個天黑晒又雷暴警告再加上附近又有少少水浸, 我哋縱使每人擔住遮都由外到內全身濕晒! 本來諗住嗰日嘅活動一定會取消啦, 點知等到最後都成功可以出海, 因為落完場大雨嘅關係海面比較平靜, 而且一啲都唔曬, 對我哋初學者嚟講絕對係一個優勢, 多謝Missy嘅耐心教導, 成個過程比我想像中容易平衡, 基本上一開波跟足晒instructions都唔會企唔到起身玩, 當然如果你本身係有kayak或者撐龍舟底就更易上手啦, 我自己就覺得好好玩好chill, 成程鍾意企又得坐又得跪又得瞓又得, 仲可以同啲friend傾吓計, 食吓零食, 做吓yoga, 好熱嘅話又可以跳落水浸吓, 我仲好忙負責幫各位影相拍片打卡添! 之前一直期待未玩先興奮, 試完之後即刻愛上好鍾意!! 水上活動嚟講舒服得嚟又能夠超級消耗體力～ 玩過嘅人當然就會即刻講, 係咁好彩你嗰日唔曬又風平浪靜啫, 係嘅都想像到咁樣喺水面乾曬又大風浪嘅話一定會好攰熱到中暑, 但起碼喺我人生第一次嘅經歷係愉快同舒服, 感恩! 希望喺夏天嘅尾巴來臨之前可以試多一次啦!
呢條片正正記錄住當日尾聲要撐返去岸邊嘅不捨心情, 企咗幾個鐘好攰, 尾段索性坐喺度enjoy～
@supway_naturehk
#ididitfinally
#standuppaddleboarding
#乘風破浪的姐姐
#濕住嚟SUP
#事前天氣惡劣狼狽到冇搽防曬
#遺憾冇機會帶Yuji去一齊玩
#帶Polar又會太吃力
#佢一定超級淆底
#成程最辛苦係搬呢塊板落海同上岸
#好重
#當然最後有人幫我啦
#同好朋友一齊去學新嘢真係好開心
#一定有下次
#SUP
帶polar又會太吃力 在 一個初跑者的跑步歷程和Coros Vertix運動手錶實用心得分享 的推薦與評價
... 我發現英國國家保健網站的那個5K計畫最適合我，而且整個內容看起來最適合我這種體重快破百的胖子來跑，跑起來也不會太吃力而放棄。5K計畫參考： ... <看更多>