【土瓜灣重建小店調查報告-懶人包】
隨住近來土瓜灣老店因重建而光榮結業/即將結業，都多左朋友落來傾計問，重建係點㗎，小店又會點啊😢
宜家推出番個調查結果懶人包比大家了解多啲🙌🏼
上年11月，我地社區文化關注 聯同土瓜灣重建店舖租客關注組 舊區街坊自主促進組 - odaag 做左一個「土瓜灣重建店舖調查發佈會」🙌🏼
調查主要問番小店重建對佢地嘅影響，係土瓜灣開舖頭有咩優勢，對重建後嘅去向有咩諗法🙏🏼
—————————————————————-
《調查結果》
土瓜灣對於鋪戶黎講唔單只係做生意嘅地方，更加係同同行老友熟客敘舊嘅地點。
大家平時會互相幫手，赴湯蹈火💪。但係市建局壓迫底下，鋪頭一間一間咁消失，呢份人情味已經買少見少。😭
再加上租金壓力，好多鋪戶都好擔心佢地嘅將來去向😥
詳細內容可以參考返完整報告嘅第三部分－《問卷調查結果》
《相關個案例子》
喺市建局宣佈收購之後，業主就開始用盡方法趕走鋪戶，包括超大幅度咁加租，又或者縮短租約期。
而由於如果舖戶係市建局收購到業權前就遷離重建區，就會冇左『特惠津貼』（亦係佔賠償嘅大部分金額）。
所以好多鋪戶就算喺賺得勁少嘅情況下，都繼續硬食貴租。有業主更加唔續租，直接趕走鋪戶，令鋪頭被逼結業。😔
其中最常見嘅三類店鋪（食肆🥢、雜貨店🥫、車房🚙）都無一倖免
詳細內容可以參考返完整報告嘅第四部分－《質性訪談分析－4.1 重建期間店舖租戶面臨的加租及迫遷困境》
《復業困難》
雖然市建局會提供賠償同幫手搵鋪位俾被逼遷嘅鋪戶，但支援度非常唔夠。
例如係賠償方面，根據『應貨差餉租值』，津貼俾租客嘅金額只有60萬至80萬。而呢個價錢只係大概應付到買工具嘅支出，更加唔使講裝修費同牌照費之類嘅開支。💸💸
另外，市區重建中介服務有限公司（市建局旗下公司）幫鋪戶搵嘅鋪位相當唔適合。例如幫車房鋪戶搵左一個樓底好低嘅鋪位，或者係有路燈頂住門口嘅鋪位。😣
事實係市建局無就特定行業去作出支援，令復業更加困難。
詳細內容可以參考返完整報告嘅第四部分－《質性訪談分析－4.2 土瓜灣車房行業生態及復業困難，4.3 民生小店復業困難》
《意見及建議》
而家市建局所推行緊嘅計劃根本冇切實咁考慮到行業嘅需要，完全幫唔到鋪戶復業。🤬
我哋希望市建局可以重新檢討重建策略及規劃，並落實「先安置，後清拆」嘅計劃，等鋪戶可以搵到啱自己嘅鋪位，令佢哋嘅行業繼續經營🏪
詳細內容可以參考返完整報告嘅第五部分－《討論》
——————————————————————-
「#土家」土瓜灣故事館
🏡 街坊的家，包羅萬有的社區空間
⏳ 重建殺到，逐日倒數⋯⋯😿
🙌🏼 捐款支持我們搬舖，繼續深耕細作：
HANG SENG BANK：789-058682-002 (COMMUNITY C C)
（可作慈善扣稅，請inbox 聯絡）
共同營運土家：
社區文化關注 Community Cultural Concern
維修香港－關懷社區服務隊
市區重建局租客賠償 在 業主／租客670萬買入賠幾多？ 五街走一轉，兩項目地盤面積 ... 的推薦與評價
只要做12年半，就能拿maximum 30萬 賠償 。前後合共102萬！ 租客 前後賠合共83至102萬。 大約，今次 市建局 收購，業主賠賺約135萬， 租客 前後賠賺合共83 ... ... <看更多>