//本Page Patreon經已開通，請訂閱支持本Page運作，謝謝！ 連結： https://bit.ly/2TvzIaF //
估唔到6月9日，我寫嘅第一篇長文唔係講69一週年、唔係講選舉，而係講國泰……
政府宣布注資拯救國泰，包括195億優先股同19.5億認股證，再加埋其他貸款，夾埋總共泵水273億。
花咗咁大筆錢，但最尾只係佔有6.08%股權，似乎特區政府就係要話比大家知，其實佢並無打算影響國泰股權分佈，大古仍然係最大股東，國航加特區政府持股量仍然只係限於34.25%，不及太古42.26%。所以「因航變黨航」呢個講法並唔成立。
另外坊間亦有兩種陰謀論，包括1. 香港政府注資國泰係為咗令日後送咗間公司比中共；2. 香港政府注資國泰係為咗令國航甩身。老實講，兩個講法都幾難講得通，因為要送資產比中共，香港大把嘢可以送，剩係間地鐵都已都成二千幾億啦，駛鬼咁迂迴收購國泰咩；另外特衰政府救國泰最大受益人係太古，其他得益者亦唔止國航一個，真係要救大撚把公司要救啦，點會獨獨救國泰一間呀。
其實我真係唔明點解咁多人覺得國泰比大陸控制係一件咩大不了嘅事：喂國泰一撚早跪低咗啦，比較有良心嘅高層炒哂、引入埋密告機制鼓勵員工檢舉同情抗爭者同事，乜你覺得呢間公司仲有救咩？再退一步，作為一間「香港人嘅航空公司」，主要航權都比特區政府揸住，唔似其他航空公司有當地政府支持，要作反亦無乜可能──所以大陸一收緊對香港控制，國泰亦順理成章變黨航，呢樣嘢同持股量無關。
所以我真係唔係太關心究竟國泰最終係由太古定共產黨控制，我關心嘅只係點解特區政府點解可以動用成273億去救一間本應執咗佢十世嘅公司：有無國泰，對我地香港人嘅生活根本毫無影響，因為總有其他航空公司會接手航線。
成日話航空公司嘅存在係一種國家主權、國力嘅展現；但既然大陸本身已有四大航空公司，從共匪角度睇香港又只係從屬大陸嘅一個城市，如果唔係搞港獨，國泰又有咩存在嘅必要呢？
知唔知273億係一個咩概念？就係平均分比每個香港成年人的話大家齊齊派$5000；而家同我地拎咗去買國泰股票，個政府係咪食撚咗屎？而家國泰市值只係343億，注資273億幾乎等於成間公司8成市值，但最尾政府持股量卻只係得6.08%，係咪痴撚咗線？即係你真係正式入主做大股東，「因航變黨航」我反而無咁嬲，而家就擺明係利益輸送益哂所有國泰股東！
仲有，件事仲未完架，因為政府由注資一刻起就洗濕咗個頭：邊撚個你講貸款一定有得還？而家國泰每季都幾十億幾十億咁蝕落去，去到洗哂你筆錢到時面對個困局就係：唔注資，你果二百幾三百億就連渣都無；注資呢，就係無底深潭永無供斷嘅一日，結果就變成另一個海洋公園迪士尼，成為庫房一個流血不止嘅傷口！
然後大拿拿273億，邊撚個拎出黎？而家謠傳係由金管局動用外匯儲備「購買資產」方式注資，換言之呢個只係金管局嘅投資決定，而唔係政府撥款──類似當日增持港交所股權──換言之係完全唔撚需要經垃圾會通過架！！！
跟住我又要問下沈國師同班35+信徒，比著你議會又唔過半數、或者又有飯怡倒戈出賣選民，係會議會抗爭迫政府收回成命，定係響fb貼圖抽下水、見下記者扑下咪扮下憤怒，然後繼續印印腳收十皮嘢人工呀？當然呢班垃圾會政棍質素咁低都仲有一個可能嘅，就係on撚99連發生咩事都唔知咁囉！
國泰股票 在 國泰證券| Taipei - Facebook 的推薦與評價
國泰證券 · 粉絲專頁 · 金融服務 · 106台北市大安區敦化南路二段333號, Taipei, Taiwan · cathaysec.com.tw · 目前非營業時間 · 查看更多有關國泰證券的資料 · 置頂貼文. ... <看更多>