Search
【#Patreon人物誌🇫🇷🇭🇰】法國軟實力專家Frederic Martel：
「我很難給出預測，但我確信香港人應該不惜任何代價，繼續爭取自由，捍衞他們的獨特性。我個人很喜歡混雜文化，譬如《哲古華拉少年日記》這電影，由巴西導演執導，主角來自墨西哥，配角來自阿根廷以及其餘多個拉丁美洲國家。香港電影也能傚法這種模式，集合中國大陸、台灣、印尼、韓國等等的演員和製作單位。假若香港因為面積太小，無法獨立地生存，就應該發展更大的想像空間，連結其他亞洲國家，構築共同文化認同，而非僅僅依賴中國大陸。香港不應侷限於反映中國大陸，而應成為整個亞洲，包括泰國、印度、日本、台灣等地的樞紐......」
⏺全文見Patreon
https://www.patreon.com/posts/51176263
▶️捷克香港藝術家Loretta：為香港海外發聲，而不能見祖父最後一面
https://www.youtube.com/watch?v=CahOLSnNbn0
運動至今其實發生左好多事，大家見步行步嘅抗爭方式好多花款，我地既然行左咁多步，係時候了解一下各個抗爭方式帶來的效果，並且嘗試整理一下部份的抗爭所帶來的成效吧：
首先，係各種遊行的抗爭方式。基本上係耗費人力成本最高的抗爭方式，亦唔能夠每日都做，呢個係佢最大嘅問題。但係，大家有冇留意到一樣野，其實呢種18區遍地開花式的遊行，並唔係和理非咁簡單，佢係可以有感召敵對陣營的可能——屯門公園趕走大媽一役，大家發現藍絲都隱約出現變節，那怕在各個紅底的媒體裡，都唔再跟主旋律去鬧廢青（這部份是因為鍵盤戰士成功滲透了他們的媒體去輕輕帶風向），這是建制媒體始料不及的。換句話說，只要往後18區的遍地開花活動，能夠同時包括到淺藍絲的利益時，我們就能感召對方變節，當然，這不會一下子將他們拉成淺黃，但起碼可以讓他們有一個想法：其實黃屍都衰唔晒，咁呢粒種子就可以慢慢發芽，終有一日可以將他們由淺藍拉做中立派。很可笑吧？我們之前成日話地獄最炙熱的位置是留給在重要時刻選擇中立的人，但技術上，只要拉走一個淺藍，對方就會被削弱一點。
另一方面，遍地開花的遊行有另一個意想不到的作用——它將警察瘋狂的一面暴露在一眾街坊的眼前。大家在中環在灣仔抗爭，其實住在屯門的師奶係感受不到多少的，如果佢地睇CCTVB新聞仲會覺得廢青搞事，警察很可憐。但好似早兩日咁，有個師奶同呀叔去旺角飲，飲完俾班警渣兇過呢？佢地就會有另一番體會了。你要知道師奶最鍾意就係講人是非同埋睇戲，有六國大封相唔睇才不是師奶，以警察好似high大左咁情緒失控，佢地一定會忍唔住去兇啲師奶，然後呢？然後班師奶就會不停咁唱佢地。你要記住，社運最難搞就係呢啲政治冷感嘅師奶，但如果我地可以借警察之力，去兇醒呢班被建制變左做羊廿二年嘅師奶，此消彼長，這數字就很可觀了。
所以，遊行抗爭係可以做，做之餘仲可以順手解埋兩條副本任務：找出共同利益感化藍絲、借黑警兇醒啲羊。
呢一場係公關戰，而所謂的公關，並唔係講緊同警隊鬥公關，而係向更多的市民做公關。
除了遊行抗爭呢波公關戰，另一方面就係資源戰。
打仗係要錢的，尤其是感謝港獨之父689的教導，佢每日都恥與為伍蘋果，搞到肥佬黎冇廣告好頭癢。如果無佢每日出文提大家要玩抵制紅色媒體廣告商呢招，我地仲每日都傻傻地不斷咁叫罷睇CCTVB，然後罷睇十幾年都仲繼續罷睇緊。既然係咁，就唔好罷睇，反而大家要金睛火眼咁睇——見到有咩廣告商，就去佢啲社交媒體facebook度瘋狂派嬲，係呀，你無睇錯，我叫你派嬲就ok，留言就睇你得唔得閒啦。點解？好簡單，因為marketing要交report架，你留言鬧佢，佢block或刪除左你就唔需要計算你在報告之內，甚至佢可能交個留言總數上去，仲可以話今次個活動好有noise。但如果係嬲嬲icon呢？咁佢就無得呃，呢個世界冇得delete嬲架，一定要原個like同嬲數咁交晒上去。然後，搵．相．熟．的．媒．體．報．導．公．關．災．難。
你記住，大家出黎都係打份工，無人想爆隻鑊出黎，online俾人鬧都算了，如果上埋media，我倒想看看隔離PR呀姐會唔會擸刀砍你marketing花開富貴。只要無利可圖，對方就會唔肯落廣告了。
我知，你會話咁到時候會有紅色資本黎賣廣告倒水俾佢架。係架，你睇返上兩段我講咩——呢場係資源戰。紅色資本當初唔喺佢度賣廣告當然係商業考量，佢地一定係認為呢個媒體唔係一個有效嘅媒體先唔會落。咁就更好，迫佢地燒銀紙去用一個無效嘅媒體，幫人放血最開心，資源戰除了搶人資源外，燒人資源也是個好方法。所謂紅色資本，就算再紅，佢始終都係資本，每一個marketing都有自己的預算，爆左就乜都做唔到架啦。當佢地揼水救CCTVB的時候，我們才施施然去「追捧」其他紅色媒體，到時佢救得邊一個？Be water, my friend.
而除了一般廣告外，更重要嘅係「追捧」紅色媒體嘅活動，而當中商場show呢一啲食水極深嘅活動，係必須要「事事關心」。marketing sponsor個活動出黎，其中一個原因都係想俾高層揸住枝咪巧威威咁上台講兩句過下癮咁解（正如點解死都要買塊billboard在自己公司樓下俾老闆睇）所謂高層嘛，都是貪生怕死之輩，依家隨時可以半小時內集結一兩千人「追星」，你估佢地個個係林鄭見到兩百萬人上街都唔怕死咩？你試下叫你老闆上台，而台下有兩千人對住佢唱sing hallelujah to the lord？佢唔駛見到國旗都失禁呀！你第二日真係唔駛返工了。而正如我上一篇文講過，由於大家都係打份工，唔需要同你搏命，所以只要大家睇住紅色媒體有啲咩活動，然後幫佢開event、大家瘋狂click出席，佢見到個數夠大就唔會同你搏，自然會取消個活動。我地出click，佢出銀紙，最緊要燒佢資源。
萬一如果對方真係迎難以上呢？loop返上去遊行抗爭的玩法，唔好犯法唔好衝突唔好死，有示威者就會有警察，到時唔需要我地出手，警察會自己拆左廣告商個活動，亦會在一眾街坊面前發癲，天口熱商場最多人涼冷氣，咪等警察兇下啲街坊、兇醒啲羊囉。
其實，重點係無一個抗爭方式係獨立運作的，大家可以試下自由組合，不停咁loop出一個套路，全方位360度攻勢，對方就好難見招拆招。作為一個抗爭者，與其看哲古華拉少年日記，還不如多讀《孫子兵法》，你讀完《九地》篇就不會走去圍將軍澳，甚至你會發現對日常生活以至工作都會有很不錯的影響。
延伸閱讀《孫子兵法》附白話翻譯：
http://www.cos.url.tw/sunzi/w_sunzi.htm
#圍將軍澳好易被將軍
#不受傷不被捕
#唔好死
#寫完呢篇到我要抖一抖
#唔好問我張圖發生咩事
#我一向都癡線架啦
#你點可能預我正正常常寫晒篇文
#我師奶仔發開口夢架ja
#婊揚好人好事
著名優質生活時尚雜誌U Magazine，難得一次唔抄唔偷，自行消化台灣觀光局的文件後，得出比起「民建聯成功爭取北極有企鵝」更爆的結論，掀起一場大波，搞到台灣觀光局都要即時出黎澄清，成功證明Old news 真係好exciting！
細個嘅時候，我以為「知識就是力量」；後來大個左出到黎社會，明白「姿色也是力量」；到依家上網玩facebook，我終於明白「智障才是力量」。
我唔係講笑，全香港有幾多個媒體、甚至係團體，可以靠一個Facebook post迫到一個國家級的官方機構凌晨都要衝返出黎開post澄清？香港政府咁大，陳帆咁勁嘅官威都迫唔到禮頓回應造假、反對派示威遊行遞信，叫到力竭聲嘶，政府所有機構一樣不聞不問。但U Magazine只需要輕輕出一個post，「他的寬袖一揮，港豬就醒了過來」仲要發功人tag人，迫到台灣觀光局親自回應。呢個智障唔係力量，仲可以係啲咩？
唔好講咁多，以後唔駛爭取咩BNO平權、叫英國政府回應中英聯合聲明，晒氣啦！叫U Magazine出個Facebook post，唔好話英國領使館，我肯定連英女皇都要半夜連滾帶爬落床一路講住「Oh! Bad luck」一路開電腦回應。
你班粉皮仲敢唔敢再話Facebook講廢話做鍵盤戰士無用？今日係所有鍵盤戰士最光輝的一天！我地終於成功靠打字迫使政權（雖然係人地嘅國家）回應我地嘅聲音！呢個係一個階段勝利，大家俾啲掌聲自己，人黎，奏樂！
Do you hear the people sing?
Singing the song of angry men...
你唔好以為成功迫使政權回應，U magazine 就會自我滿足，然後固步自封。佢仲乘勝狙擊，在各個留言裡，直線點名抽擊臺灣觀光局代表提供的訊息不夠清楚，並要求對方回應和確認，捍衛並行使基本法第七章第一百五十一條賦予的外交權利，可謂一洗特區政府多年只聽命中國之頹風！除了將責任八心八箭完美切割外，當中一劍破天之氣勢，比中國外交部發言人劍指台灣之檄文，更加慷慨激昂。若香港政客能從U magazine的神級編輯上學會一招半式，莫說光復議席及香港民主制度，我有信心甚至可以建設民主中華！
基於以上原因，U magazine呢本刊物已經和《哲古華拉少年日記》齊名，成為社運界人士必讀潮物。而小編及記者已經上左神檯，超出三界外、不在五行中，位列仙班之首，世稱「U Maga 仙」，而一眾善男信女，在參照Maga 仙神諭後中伏，史書稱為神蹟「U Maga 跣」。
#我寫完都有點崇拜U_Maga仙了
#Online瘋神榜
#遠離U字頭是智慧的開端
#Maga仙普渡眾生
#快啲跟佢啲攻略去台灣啦
#_出國際
#可唔可以𤓓少陣啊
#抄人文偷下圖咪算囉
#毋須列印過關隔離又有個X標記
#雙重否定
#仙喻果然玄奧
申延閱讀：
https://www.facebook.com/164406537002814/posts/1697941330315986/
