應該無人會好似米媽咁拎住袋龍蝦去行樓梯😂
今日初七，終於安排到時間俾自己去gym 一陣。先黎40分鐘stepper,再去推胸4組，其他機難得地俾人用曬，所以今日就再跑機30分鐘，就完成今日既運動。
行去街市買龍蝦🦞，唔夠喉，爭取多啲運動量，就由街市行去牛頭角，再行極斜既樓梯上山返屋企。😊
每個人都有每個人既難處，對於米媽黎講，爭取到運動，令自己身體好啲，健康啲，就係對自己對家人好。
年三十前，忙到而家，每天都有不同既客人黎拜年，我地都要陪老爺奶奶出去年長既長輩家拜年，每次幫忙招呼，幫忙打點飯餸，整糕煎糕，話話埋埋今日已經唔知炒左第幾十斤既糕。
老老實實，有人話家嫂辛苦了，無錯。呢個新年係辛苦啲，但奶奶都辛苦，奶奶都有幫忙張羅，落手落腳，但始終老人家年紀都大，咁多人客，親戚黎拜年，都係尊重老爺奶奶，熱熱鬧鬧，一年一次，唔好話心抱，做師奶既，都應該顧好，招呼好親戚同客人。 黎得屋企既都係客人，呢個係自己爸爸教的。
幸好，係一年一次，大家都開開心心最重要😊😊
不過，米媽都真係忙到手震，斬龍蝦時又唔小心俾佢鬚插親，手指損左。 😂😂
#做人正面啲樂觀啲人都開心啲
#做到就做
#今日有時間運動好開心😊
#各位家嫂加油～
