［我有個崔大哥🌾］
https://m.facebook.com/travelwithmrchoi/
等足一年，泰國終於涼少少，一涼，我又掛住韓國發生嘅所有，尤其係人情味❤️
在家我係大哥，在外叫人大哥
韓國同泰國都有樣野似，鐘意叫人一聲阿哥(형hieng/오빠oppa)，喺韓國更加有種不明文規定「有大食大」，所以有韓妹叫你一聲oppa，千奇唔好淨係掛住FF，食完果餐飯你要識做呢😅💸
人在韓嘅短短日子裡，韓國朋友唔算識得多，但的確受過幾位韓大哥嘅照顧，其中一個就係「崔大哥원석형🤓」！
我同崔大哥結緣，係因為佢同我一位在韓港女好友(仙人掌🌵)係一對，老老實實，佢哋拍拖初期我都幾八婆👵🏼，成日提佢要睇清楚呀，出面咁多oppa，천천히慢慢揀都唔怕⋯⋯
果然，日久見”人蔘”👀
計我話，大哥直情係一條性溫補氣、久蒸久曬都仲係咁養生嘅高麗蔘🌾！平日佢一本正經，有啲似RunningMan入面個「國民MC劉在錫」，經常微笑，有時會好鬼馬爆兩句笑料，睇佢個尷尬樣先最好笑～
佢份人又愛屋及烏，本身係搞開在地遊One-day tour，知我窮書生，成日叫我跟車帶我周圍去玩，只要我唔係掛住媾女，基本上春夏秋冬都有我份🐿
記得有次去韓國民俗村🛤，佢成程無停口狂講故仔，側邊啲遊客以為佢係村內導賞員，仲拍晒手掌👏🏻，佢又做戲做全套，勁hyper，頂～笑死我哋🤣
🙃🙂🙃🙂🙃🙂🙃🙂🙃🙂
上次佢兩個傾開假期去邊玩，大哥諗都唔諗就話要嚟泰國🇹🇭，睇我熱死未，講完佢自己老牛聲乾笑咗兩下ㅋㅋ (原來個個都知我怕熱🙍🏻♂️💦)
🛫🇰🇷>>>few hours later>>>🇹🇭🛬
💁🏻♂️🌾💁🏻♀️🌵
全程佢哋同泰妹用韓文吹水吹得好開心，仲走去after you食甜品🍧，大哥食一啖就甜到喊咁口😫，仙人掌同泰妹食得鬼死咁開心；跟手去迫屍買手信，點知大哥埋完單，乘機塞袋零食畀我👶🏻 (原來做細佬係咁幸福，零食事小，情義難求😢)
我終於明白到，點解無論發生咩事，仙人掌都願意跟高麗蔘繼續種埋一齊🌵🌾，真係暖好多㗎～
我決定送返份禮物過佢🤫
我知韓國準備踏入滑雪好季節⛷️🏂，大哥係時候組團，不過我更加知道，佢真係當客人係新朋友嘅心態去經營，對於搞設計做宣傳之類未必咁主動。
份人太老實就係咁，唔識包裝下自己，係會有啲蝕底🤷🏻♂️。不過我又知佢性格，佢錫你就得，你開口問佢，佢實怕麻煩人，婆婆媽媽咁😒
所以今次我直頭同仙人掌夾計，雖則我哋有2個鐘時差，都捱兩晚通宵一齊砌靚咗佢個fb page，起碼畀足心思吖(會喺最底下放條link👇🏻)
大哥嘅反應好正😆ㅎㅎㅎ
仙人掌趁大哥擦完牙飲杯冰水(唔知點解韓國人鐘意一早飲凍野😅)，遞個ipad喺佢面前，大哥一望，差啲笑到成粒冰卡住喉嚨，明明好驚喜又扮晒無野問:「😀야~ 이게뭐야？(喂~ 尼個咩嚟？)」
其實我係惡搞佢個樣，仙人掌話返我知佢好鐘意個設計，我都好開心，做人唔可以下下都要人付出，有時都要令人有窩心嘅感覺，咁做朋友先有意思☺️
_ _ _ _ _ _ _ _ _
崔山先生遊韓.學.團 travel korea with mr choi https://m.facebook.com/travelwithmrchoi/
麻煩大家畀個真心like我大哥吖🙏🏻，佢有教初中高級滑雪🏂⛷️，有機會見到崔大哥真人，包你愛上佢😊
#要好好珍惜緣份同羈絆
#仙人掌係我幫佢改嘅花名
#點解可以全日唔飲水
#人在泰香港仔日記
#勿忘理工 #香港人加油
