【慎入】懶感性長文
煞科了！見證著劇本上的文字，一幕幕地走出世界是一趟奇秒的旅程。
特別感謝愛愛愛多到滿瀉的劇組，大家的熱情、專業態度、效率，實在令片場處處佈滿洋蔥。
當中有一幕，劇組道具同事用魚絲拉動「一些東西」，突然想起兩年前自己和朋友三條友 @alun19 @sumiremak 夜媽媽晌公園拍成的鬼故事短片《鞦韆》，又係諗住用魚絲拉郁個鞦韆，點知…我地帶錯咗車衫用嘅線…即係針線…結果，一拉就斷一拉就斷…呢個係我對魚絲嘅情意結，而家拍嘢，一定帶標準魚絲，嗰人會定好多。
然後，遇上了非常出色的演員，是他們將劇本上的人物再昇華，令角色變變變出生命力。見識到了楊淇 @sheepskin_kateyeung 嘅急速應變能力，及超好的拍攝態度，除了演活自己角色外，仲會無私大方咁顧及所有對手。趙永洪 @raymondchiu ，除咗奸角之外，原來好有喜感好chok，好識得豐富角色，佢同梁曉豐 @anjoleung 撞埋，畀佢地d反應笑到hihi。另外，見識到「好想瘋狂畀佢西臉」嘅超級女生Yanny @yannyyc ，果然不負眾望成就獲得，全程畀佢black臉，到最後嗰日，竟然有一剎笑容，即刻唔慣，網友成日話佢好好J，我諗，套戲上嘅時候，一定更多nice J角度。moremore黃溢濠 @wongyatho 係堅靚仔，佢個角色好辛苦，都全無怨言，靚仔拼搏仲要熟讀劇本，係感動嘅。
最後喇，發現原來未有好好咁說句「感謝」，便已經要說「再見」。
雖然我好清楚，彼此都有些既定路程，我地係好應該學會灑脫好嗎，人生，本就是一場不斷說別離的旅程。
但實在希望再次鄭重的感謝 @mm2hongkong 大家庭，與及最重要的，是導演 @samloh 的信任、轄達及高效能，導演對影像的追求非常細膩及精準。有一嘢，anjo諗住搞9佢，話演員d拍攝時間掉亂咗，諗住佢會屌9助手們，點知，閃過一下怒意之後，即刻調節到，仲好好脾氣咁話：「咁今晚大家辛苦少少拍埋佢啦。」感激在他身上學到的一切。
一直維持著現場的超好拍攝氣氛， 團隊中的各人都展示出自己的專業，熱情，有血有汗。在沒有私心之下，大家都相信著同一件事，大家都為著同一目的，同一地方出發⋯您說，這不是夢會是什麼？
呢嗰地方，叫做《鬼地方》，2019公映，敬請期待。
#mm2 #hellhole #vv3 #鬼地方 #夢的解析 #scary #ghost #movie #hkig #hkwriter #screenplay
IG : donotsayhello
vv3 在 Moos vv3 的推薦與評價
Moos vv3 · Page · Retail company · tianhuixile.store · Rating · 5.0 (12 Reviews). ... <看更多>