《WFH is not FUN》
其實日日睇新聞，睇政府人員update 新增個案真係好煩好悶好燥好唔happy，不如轉個話題啦。(有時睇睇下，真係好想用宣傳易學個套恒宇仁龍拳打爆個電視)
以前睇過一個未來科技嘅forecast，話未來人類係唔再需要出街，你可以住喺一座大廈入面，入面有空中花園，商場，農地，醫療服務同學校，咁你可以一世都留喺座大廈度，呢個未來科技係聲稱進求生活方便，efficiency, time saving，仲可以減少transport。我諗好多人呢個月都喺屋企home officce，呢個月大家都集體坐月咁，我諗大家都深深明白到呢個集N 樣野於一身嘅未來大廈，喺香港係唔work。香港啲樓真係好L 細，呢個月困喺個籠度，我成日都好想好似阿里山山歌咁鳩嗌過對面大廈，問吓對面個條友身體健唔健康？
喺個咁細嘅空間，如果你WFH，你會徹底咁感受到WFH is not FUN…..
home office 呢件事真係呀姐對你嘅信任UAT，唔知你地有冇呢個感覺，有啲呀哥呀姐係覺得home office 係益左你。當呀哥呀姐對下屬冇信任嘅時候，呢件事係好恐怖，佢會用懷疑老公出軌嘅疑心，試探你。assume 人人都係行山MT，唔自律，會懶。不停whatsapp/email 你，不停俾啲平時唔需要，根本唔重要嘅「小功課」你做，比平時對你交嘅野更demanding，覺得你而家得閒左，所以你做咩佢都更挑剔。
覺得home office 係益左你嘅呀姐唔係最可怕，平時冇咩做，呢排市道差，覺得自己人工高，驚俾人炒，冇安全感嘅呀姐更可怕...
朋友話最近公司呀姐叫佢做好多冇謂野，想刷存在感，想喺市道差嘅時間做啲野，prove到自己係值咁高人工。嗱，呢啲呀姐係唔明，呢個時間，出現得愈頻繁，remind boss 你做埋咁多無謂野，平時boss 覺得你存在唔係一個問題，而家不停衝出來柒嘅呀哥呀姐，係更加令boss印象深刻，喺炒人個時交你個名上去。根本而家就應該防止自己犯錯，而唔係做無謂野去remind boss 你咁無謂。
我諗大家都好熟子華個魚蛋論啦。A team 5個人，有10 樣野做，得3個人做，其餘兩個人係廢柴。B team 同樣5個人，有100 樣野做，但5個人都一齊咁忙。A team 冇咁忙，但佢個不滿一定大過B team，因為香港打工仔係好在意仆街有冇得到懲罰，多過在意做得出色嘅人有冇回報架。所以呢段時間，不停指指點點，又冇咩野做，但又check 住你有冇做野嘅free rider 呀哥呀姐，係令人更懷恨在心架。(即係等於前線dirty team 見到陳姑娘日日鳩up真係恨之入骨)
呢段時間係更加將啲科技廢柴逼哂出來.....
平時excel word 都搞唔掂嘅廢柴，home office 同con call 對佢地都係科技大考驗。真係好想同啲白痴仔講，con call 你唔講野，你就mute 啦,唔好將自己個咀巴對住個電話大聲呼吸啦，其他人好似拎住醫生個聽筒聽你個肺咁，我對耳真係好傷架。
#成個city都dying
#大家一齊坐月
#完了吧_好嗎
#我知好多人比WFH更辛苦但大家不如一齊呻下啦
#一齊呀呀呀呀呀呀呀呀咁嗌呀不如
#呀呀呀呀呀呀呀呀呀
#好想啲呀姐呀哥比人炒舉手呀不如
uat做咩 在 唔係賣廣告- 【UAT404】 好多唔識digital嘅客其實 ... - Facebook 的推薦與評價
UAT 首先要了解咩人係你user. UX UI 都要從user角度出發 ...... 講到呢度個客應該已經遊魂唔解釋咁多你預時間畀我做UAT得喇好多客連自己部iphone點用都未識好難令佢 ... ... <看更多>