陳廣偉，你個 IG 做咩變咗做黑白色呀？
幾個月無見嘅陳柏宇爸爸，早前嚇到唔少粉絲個心離一離，因為佢個 IG 好似做完激光脫毛咁，所有 post 剃光光！當大家以為佢 quit IG 之際，廣偉兄：「你聽我解釋先啦！」佢以濃烈佬味形象重新登場，穿上富有黑白懷舊50年代風味嘅老西，配以去仙后餐廳食飯會梳嘅蛋撻頭，一改近年「我現時自己肯做飯」嘅住家好男人歌路。據有歌迷透露，佢地嘅眼球同觀能都受到嚴重刺激。對於廣偉新 look，大家覺得如何？
講開刺激，之前都有樣嘢刺激到陳柏宇，就係佢囡囡無啦啦俾網民鬧！佬味全面升級嘅柏宇爸爸都感到莫名其妙，即刻 man 爆護囡：「佢攻擊我老婆就話姐！」
唔理 lu，廣偉今次除咗視覺衝擊，佢亦都帶埋新歌《感情這回事》MV 見見各位街坊，刺激大家聽覺，MV 入面仲有食煙嘅場口添，好壞呀！放心，只係男主角食姐，陳柏宇同凱婷都無食到。
除咗視覺同聽覺，聽聞喺觸覺上，柏宇都想搞搞新意思，不讓其異父異母弟弟胡鴻鈞專美，密謀推出「陳柏宇幸福攬枕」，全球只此一個，讓其女兒 Abi 獨享，可能附有愛囡口水。
#請支持黑白版陳柏宇
#stream佢首感情這回事 ：https://SonyMusicHK.lnk.to/LoveAsItIs
MV：https://youtu.be/rit5IXdj6vc
#感情這回事 #53FPS
stream佢首感情這回事 在 咁你地記住睇廣偉論賀下我啦！ #陳柏宇#jasonchan ... - YouTube 的推薦與評價
本週#廣偉論絕對唔恐怖！討論「#靈異這回事」！(畀我硬tag返# 感情這回事 首歌先) #陳柏宇#jasonchan. 陳柏宇Jason Chan•427 views. ... <看更多>