［埃汾說買垃圾，於是便有了垃圾］雖然錢少，但好玩。真人show，唔造假。家庭觀眾切勿模仿。
TLDR：話咗買3000，就買3000。已買晒。十隻。係喎，擺明係click bait，你訂Patreon咪會知係邊十隻。幾錢買都話埋你知。
＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
1. 高盛的電梯話齋，Don't gamble if losing $100 is going to piss you off。我呢度3萬港紙，預輸晒。咁如果輸3萬蚊會令你叫救命，就唔好試了
2. 留意，「輸3萬蚊就叫救命」呢樣嘢本身冇乜好羞愧，冇咪冇。我都經歷過要兩個銀行戶口轉埋一齊先夠100蚊開飯嘅日子。咁如果你係呢個階段嘅，咪努力啲搵收入。本身呢樣嘢唔可恥，但你唔去面對佢，走去充大頭鬼，甚至妄想點樣「拿我唔貪心1 萬蚊本想一年炒上3萬」，就有問題了。
3. 講返社會實驗。一個字，言—出—必—行。「出黎行，最緊要就講口齒。我話左係冚家剷，就係冚家剷」（https://bit.ly/3yDVmgq）
4. 真喎，昨日同你講十隻白股。幾時買得？開市咪買得。就買咗啦。
5. 講明每隻3000港紙，就係每隻3000港紙。有圖為證
6. 仲有，咩叫言出必行？話星期一晚買，就星期一晚買。你見有一隻升咗10%，我照掃落去的。唔會話咩「等跌下先」，等等等等到幾時？你等美股跌10%，等咗一半年都未有。等5%都差不多一年都未有了。唔好咁縮骨，你以為慳，根本因小失大，錯失更多。
7. 況且，下星期即跌10%，我保證你一樣係唔敢買。拿，又要講啦，「舊年3月美股一個月跌30%」，好似見底前幾日，我質疑「真係大鑊得過金融海嘯？」，叫人可以開始諗買股票。結果？呢度啲友屌到我九彩，「嘩死緊好多人呀」（事實）「嘩百年一大災難呀」（事實）「你啲仆街財演仲叫人買股票有冇良心」（唔知係咪事實呢）
8. 實情我今次已好克制，因為寫Patreon一定四點美股收市後先瞓，又咁啱好早醒起要買垃圾。所以今次係擺盤，主要放mid，睇下打唔打中。咁半個鐘內10隻已經掃中9隻。剩返嗰隻唔生性打唔中，個幾鐘後我再放高個價，都係擺mid，好快握中埋。反正個市唔算特別強。
9. 應該聽過，我買股票，係從撚來都係 market order，見價就掃。講真，大家唔好咁啦，你買1億定5000萬港紙？以閣下嘅嘥屎，根本唔會推郁價。如果美股更唔使講，呢堆垃圾都絶大多數一日過億港紙成交。當然你話你買理文化工746就惡搞啲，有時一日得幾皮嘢成交（所以我從來冇買，唔係我在乎呢樣嘢，而係費事有人覺得我自己買完沽畀人）
10. 即係，我買親股票都係market價掃。我先唔撚會婆仔到仲要貪個bid ask，古惑仔烏鴉投長紅定阿仙奴雲加買蘇亞雷斯呀？我隨手望隻盈富基金，26.76 -26.80。0.1%嘅spread．如果美股更加低。
11. 咁除非你日日炒出炒入幾百次，否則點會理呢啲嘢？咁一係你係嗰啲買完升10%就走5%又止蝕嘅友咯。但本人係small dick, dream big．撚頭細細，諗頭大大（呢句抄人的）。買股票梗係望佢升一兩個開起碼，最低限度都四五成啦。咁我就唔會去理呢啲咩bid ask．
12. 對，even呢堆垃圾都係，3000蚊買，梗係望佢升幾倍啦。唔通升10%我沽走佢呀？當然，個市場唔會理你「望」乜，你話升幾倍就升幾倍咩。冇錯係可能一隻都冇得升，甚至全數都仆晒街。咪一早話咗預輸晒。
13. 雖然講出嚟自己都笑，但啲venture capital 都係咁玩，「李嘉誠孫正義都係咁玩」。寫過的，你個個講李嘉誠買Zoom勁賺，但換著係普通人，你咪又可以抽鳩佢水話間乜鬼植物蛋公司total loss，「買埋啲廢嘢做水魚」。同樣地，孫正義一樣畀WeWork條大麻成敗晒佢啲錢，仲有啲咩機械人pizza都死晒咁滯。但，人地中嗰啲幾十倍，甚至幾百倍嘛！
14. 又，「蝕佣都蝕死你」。其實唔係，你估仲獅子銀行咁硬堀你咩。IB（睇個介面認到啦）收得平，呢度…..佣金3蚊有找，夾埋都唔使30蚊。港紙呀！
15. 係喎，擺明係click bait，你訂Patreon咪會知係邊十隻。幾錢買都話埋你知。「知咗又點？」。冇呀，得個知字，冇叫你跟。高風險玩意，唔好話啲公司我唔知做乜，絶大多數我連聽都未聽過！
＝＝＝＝＝＝＝＝＝＝＝＝＝＝
一週年！月頭訂最抵！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1800人訂！ 畀年費仲有85折，20/40年費VIP 送本人著作一本。
＝＝＝＝＝＝＝＝＝＝＝＝＝＝
spread金融 在 金融概念整理——信用利差（credit spread） 的推薦與評價
金融 概念整理——信用利差（credit spread） ... 不同债券的利率是不一样的，为什么呢？想想如果5年国债的收益率是3%，那么一个企业发行一种5年的债券，它的 ... ... <看更多>