Search
話說我有晚半夜睇返 #超感應學園 羅教授果一集。
睇到喊，然後我老公返到屋企打開門，嚇一跳，問我咩事，我唯有忍住啲眼淚講返個劇情俾佢聽：「個教授嘅老婆同女女車禍走咗，隔幾年媽媽都走埋，得返佢一個，佢有開心嘅事想分享、有傷心嘅事想分擔已經無人可以搵…」講到呢度我就爆喊，我老公都R爆頭。
我話：「我成日send啲無聊嘢搞笑嘢俾你，如果無咗你，我點算？」
佢話：「老婆我同同事食飯遲咗返咋，唔洗咁呀。」
他果種驚慌同手忙腳亂，令我破涕為笑。
之前有個留言話我成日淨係po老公老公老公，好似好嬲我有老公咁，希望你明白，呢個男人真係好值得我去炫耀、曬命，佢會喺我無啦啦跳掣嘅時候幫我啪總掣，喺我飛出外太空嘅時候拉返我落地球，雖然佢好叻潑冷水，但實際上佢無阻止過我任何crazy ideas，每日放工返嚟都會帶啲嘢俾我，有時係雪條，有時係檸檬茶，佢會用佢嘅方法話我知佢心入面有我。
所以，如果你follow我，sorry，我真係忍唔住會po我老公，頂唔順嘅可以走先，唔送，bye❤️
#sorry我又放閃 #唔知我老公今晚會帶咩俾我呢
#同場加映我個新髮型 #清爽嘅短短地
話說，我唔見咗八達通。
搵咗幾日，無論係衫袋褲袋手袋，定係書枱書櫃衣櫃，我連梳化底同埋洗衣機都搵過，始終搵唔到。於是哈士彬開始幫我搵，佢搵返曬我搵過嘅地方，然後不停問我之前去過邊，最後見到嘅時間地點？問問吓，佢開始「提醒」我，唔應該將八達通同銀包分開，唔應該成日順手執屋執到啲嘢唔見咗，唔應該一返到屋企就拎曬啲嘢出嚟。
我哽咽：我唔見咗嘢，心情已經好差，你仲要話我。
然後，佢就唔出聲。
過咗一陣，我問：老公你想唔想飲杯暖水呀？
3秒，我手上已經有一杯佢倒俾我嘅暖水。
所以啲人問我婚姻點樣維繫，我真係答唔到你實質嘅籠統答案，我只能夠喺唔開心嘅當下表示我唔開心，然後靠對方發現如果佢再唔停止一啲負面嘅說話，我就會更唔開心。當然，喺開心嘅時候，我都會俾佢知道我開心係因為佢，咁大家開開心心，唔洗刻意維繫都得啦。
BTW首歌好好聽。
叫做Dancing in the rain-馮允謙 @jayfungmusic ❤️
#sorry我又放閃了
#今日落雨我哋又出咗街跳舞😆🙈
#我句口頭禪又出嚟啦
#開心
#dancingintherain
#只需要一見到
#唔小心拍咗50秒MV🙈
許靖韻Angela Hui《I'm Sorry 》[Official MV] ... 更卑鄙將所信諾言亦背棄解釋也沒餘地而相戀卻非演戲恨纏住你亦連累你仍不想放開你我任性太愛工作又 ... ... <看更多>
... Leung (Sorry, 我payme爆左, 如果你用payme要選透過轉數快我先收到 ❤️) ... 19/9 限時優惠Live (Part 2) 必需直播期間公開 分享直播say hi & cap圖俾我每 ... ... <看更多>
sorry我又放閃 在 丁國琳Sorry我不在家官方完整字幕版 - YouTube 的推薦與評價
本專輯音樂乃為印度風格。濃郁香料、婆娑紗麗、華麗飾品，乃至歌舞俱作的寶萊塢電影，印度種種透過衣食育樂等不同形式，既鮮明地深植人心， ... ... <看更多>