Seoulmate Cafe 以可愛小火山同一舊雲賣相主食做招來,
吸引唔少人去打卡, 但原來lunch-set亦相當抵食, 而且仲好大碟!!
每個set包餐飲 (轉其他飲品正價減$20)
加咗$26轉【紫薯拿鐵雪山】
芝士奶蓋瀉出杯外, 令賣相有如雪山般相似; 先啜一啖, 芝士鹹香幼滑, 相對紫薯味偏淡。
.
【炸雞配芝士唔辣咖哩蕃茄濃汁撈稻庭烏冬】HK$78
呢款味道偏重, 炸雞雖不是炸得金黃而是焦燶, 但炸皮極為香脆, 肉質不算嫩, 亦唔會太乾身; 面層大量已焗透芝士可以拉出芝士絲, 好邪惡啊! 不過芝士好快凝固成一塊, 只好一塊咁咬, 芝士味濃, 選用了幼身稻庭烏冬, 更能吸了咖哩汁, 啖啖充滿濃郁咖哩味, 但就唔太食得出有茄醬。整體味道不錯!🤤
.
【炸雞和紫菜飯卷配薯條】HK$78
份量同樣大碟, 同樣有炸雞, 額外加了韓式汁醬, 少少辣; 紫菜飯卷一夾好易散, 飯粒粒粒分明, 偏乾咗d, 卷住嘅應該係吞拿魚、黃蘿蔔, 點少少淡豉油, 微酸有層次。伴上大量脆薯條, 相當飽肚。
.
我地額外再單點咗款小食
【泡菜煙三文魚他他 配炸脆球】HK$88
雖然炸脆球中加入了配料, 但無損香脆口感; 煙三文魚碎混入了泡菜碎, 點少少淡忌廉, 食落唔覺辣, 淡忌廉更平衡了泡菜嘅酸, 層次口感取勝😋😋
.
📍Seoulmate (MONTEREY Place)
將軍澳唐俊街23號MONTEREY Place 地下G25B-G26A號舖
星期一至日: 11:30 - 22:00
.
#韓式餐廳 #seoulmate #TKO將軍澳 #Cafe #期間限定 #雪山飯 #特色Burger #打卡餐廳 #香港餐廳 #hkfoodie #foodie #hk #hongkong #hkblogger #香港 #香港人 #香港食評 #食評家 #香港美食 #美食推介 #美食分享
seoulmate cafe將軍澳 在 Seoulmate Cafe - Facebook 的推薦與評價
新推出嘅暖暖冬日期間限定芝士鍋，主菜可選擇炸雞或燒烤豬肋骨，連小食和主食都有不同選擇，仲必跟海鮮串和粟米單！ 將軍澳唐俊街23號Monterey Place 地舖G25B-G26A Menu ... ... <看更多>