一，今日，同事又再追殺我交稿。話說，又係我自己話要趕6月9日一周年寫起本新書，但根據原定進度，我大概脫咗 1/3 。
二，「假如我係上帝，我會用六日思考，半日休息，半日後悔太遲開工。」我當然唔敢兜口兜面對同事咁講；我驚佢會唔做。事實上，追我交稿可能係地球上最最最厭惡嘅工作。
三，如果大家記得，本書嘅主題係「危機」。咩危機？2020年6月9日，可以話係香港最新管治危機一周年，我好想個一日應市（本書呢，就一早諗咗 dedicate to Those who make Hong Kong Great, Again）
四，不過，本書其實唔單係講呢次管治危機，而係普遍咁講，何謂危機。
五，唔定義咩係危機之前，我想先講下點解寫呢個題目。我揀呢個題目嘅原因係：危機係歷史嘅轉捩點；改變唔到歷史走向嘅，就唔好叫危機。
六，更重要係，就算事過境遷，好多人仍然會對發生過嘅事有先入為主嘅觀點，就算印象中聽過嘅主流講法有好多盲點同犯駁，好多人都會搵個理由去穿鑿附會，都唔會去質疑，會唔會係主流歷史論述有問題。
七，歷史學嘅功夫，就係已經證的發生過嘅事，重新整理，透過邏輯推理，建立出一個觀點。
八，「咁，係咪知道歷史， 下次發生社會經濟危機嘅時候，自己可以避過一劫？」同事問我。
九，「唔係。唔係咁。我唔信趨吉避凶。」我咁回應，亦見到同事個背景有好多問號，佢亦都講咗句：「咁本書有乜價值？」
十，諾亞方舟嘅故事，聽過未？知唔知個教訓係乜？個教訓就係，諾亞畀人笑足一百幾十年，但笑佢嘅，浸死晒。即係點？邏輯上，唔係所有 Paranoids 都一定避得開最大嘅危機，但笑到最後嘅人，響太平盛世中，一定畀正常人視為癡線。
十一，避得過又點？過程中一樣 suffer；避唔過，又癲癲得得，就輸多一份。呢個，就係所謂危機管理嘅矛盾。
十二，大多數社會事件，都係經年累月先至形成到危機水平；大家竟然長期唔為意危機正在醞釀，最主要原因，係大家都對某啲事物有根深蒂固嘅信念。
十三，換句話說，危機就係好多人忽然發現自己同身邊嘅人， 一直都信錯啲嘢。
十四，呢本書，會講返過去幾十年，包括香港同世界其他地方，企業經濟社會等危機，最後會講當前我覺得大家深信不疑但好可能在可見將來會天翻地覆咁變嘅信念。無錯，最終我都係要做嘅預測。
十五，另一個我想帶出嘅訊息係，社會現象，公共政策，市場經濟等，固然有既定嘅學科界別研究，但歸根究底乜嘢係真、乜嘢係善，亦都係哲學範疇。
十六，我亦想分享另一個概念，就係不論物理世界到社會同心理，有啲事情係可以有規律但難以精準計算出結果；測試得越多，越易錯。又同時有啲事，可以用 the law of large number 去估；測試得越多，越準。
十七，社會系統，我經常話，唔係單因單果，而且互為因果；數學比較好嘅朋友，應該睇得出呢種 non-linear function 嘅圖可以好靚好得意，但個 initial condition 變少少，成張圖唔同晒。
十八，早幾日有位經濟學者前輩話，今次疫症幾時完，最終幾多人中招，可以用 Stochastic Analysis 去計。不過我睇法有少少唔同；我覺得疫情嘅擴展同控制，軌跡係非常之咁 Chaotic，事後孔明 model 到都算好勉強，仲要發展過程中估後面嘅數，實在少少超現實。
十九，話說回頭，學術圈裡面 complexity 都算係幾前衛嘅課題，前輩唔受落都情有可原；但學術就係應該響知識嘅邊緣打滾嘛，唔係有乜意思。再講，complexity 甚至連具體少少 testable 嘅 hypothesis 都冇乜；所以只可以話係一個觀點，一個方法，多於一個理論。
二十，當然，我本新書講「危機」，點都會有試下深入淺出從 complexity 嘅數理嘅角度分享。我只係諗緊，點樣唔悶又易明又唔失真⋯⋯所以結論係，我仍然思考緊⋯⋯
+++++++++++++++++
【版務】
一，2020年2月21日發送：1st Draft 二月號外 - 疫症？衰退？特區政府為何將再次退化？
二，2020年2月21日發送：2nd Opinion - 新搞作，將獨家由 FI Prime 提供，重點係本周精選主題文章撮要同再評論。
三，下周（暫時）預告：1st Draft - 雙城記：香港 vs 新加坡
最後，大家如果未訂閱 1st Draft by Simon，可以循下面連結免費登記： http://eepurl.com/gNP4Mj
prime number意思 在 質數- 六年級數學(Grade 6 Math - Prime Numbers) 的推薦與評價
質數- 六年級數學(Grade 6 Math - Prime Numbers ). 12,934 views12K views. Nov 23, 2015. 98. Dislike. Share. Save. GreatKidsLearning. ... <看更多>