沒有購買繁殖場就沒戲了
領養，代替購買！
其實我都唔知有咩想講，我亦都唔知到底個天想我係今次課堂上學到d咩野，Long story short, 佢地係中港走私繁殖場既'壞貨' 係今年最凍個日3隻比人放係街到等死，經過靚仔同細細之後其實我唔係好想理，心軟之過，接左返黎，3 隻貓B睇完醫生 ，1 隻已經抽筋暴斃。經個2 個星期隔離治療食藥，都算穩定落黎。
前幾天最活躍既小灰白突然唔食野，個肚變得好大，獸醫話係FIP，95% 死亡率，我唔願意相信。晚晚喊住做RESEARCH，上網搵成功案例，左問又問，港九新界終於搵齊所有我連個名都唔識讀既SUPPLEMENT，小朋友得2 個月太細，我太遲，病太狠，今晚佢連晚飯都食唔到，我都唔強求，抱住佢叫佢太辛苦就走啦，抱埋佢妹妹見佢一面，佢用最後既力抬頭望左佢妹妹同我地一下就係我懷裏與世長辭💔。
我想分享既，唔係要光環/安慰/溫暖，我係好想同大家講，唔好同有賣動物既寵物店買野，唔好同佢地買寵物，我以前唔識唔知，買左HUGO，或者今日既痛係一種"還"，到底佢地既媽咪一年生幾多胎，要生幾多年，有無出過籠玩？一胎接一胎既貓貓狗狗有幾健康？我接返黎既貓B全部都係皮包骨，嚴重營養不良貧血。如果你好想養寵物真係考慮一下領養，以前唔知唔緊要，我希望大家睇完LEE個POST係有得著，幫忙播善良既種子🙏🙏🙏🙏。#RIP #ifthereisnextlife #pleasecomebackagain #我未抱夠你 #💔 #多謝幫過手既朋友同醫生護士
