#性事傳紙仔
前排有人問點用月經杯，趁呢個機會同大家講吓不同款式嘅月事產品，同埋選用產品嘅自主權。篇章所限，我就用點列式記錄。
市面上有好多月事產品店主都有心得文、介紹文，睇完呢篇，記得search下搵更多資料！
非置入式
共同點：容易上手、無法準確得知經血流量、使用時間長唔換嘅話，經血會混合細菌產生異味。
▼衛生巾、安睡褲、液體M巾
重點：容易買到、容易上手。用完即棄囉，一定唔環保。
▼布衛生棉
重點：用完要清洗血跡、晾乾透再使用。可能比衛生巾厚。
▼特別吸濕的內褲：吸收容量比內褲剪裁成正比
P.S. 同以前大大條衛生褲唔同！呢款唔淨係防水，而係直接吸液體
重點：用完要清洗。一條價錢會貴過衛生巾，但係可以用到布料開始有變化先揼，其實幾適合高流量人士做防漏褲。
置入式
共同點：如果對陰道冠型態存有**極大**疑慮，不建議使用。
需要有乾淨的空間+水清潔，需要時間練習置入時角度同埋手勢。
正確放置後幾乎不會有存在感（善忘人請set時間提醒自己清潔更換！）
可從事水上運動（上左水就要換）
▼衛生棉條（導管式和指入式）
重點：放喺陰道無感區、用完即棄，可以考慮用可重用款導管。
▼月經杯
重點：放喺陰道無感區，能更清晰量度經血流量，選購前需要知道陰道長度，順便可以了解自己身體。單個價格較高，因為每個牌子的軟硬度、設計、容量不一，可能需要買過多於一個杯黎試。每個廠牌宣稱的壽命不一，保養得好，應該可以用5～10年。
▼月經盤（menstrual disc）
重點：靠近子宮口（陰道穹），因為放入更入面嘅位置，正確使用後可進行插入式性交。
單個價格會比棉條貴，有分即棄款同重用款。
▼月經專用海綿
重點：放喺陰道無感區，有分即棄款同重用款。單個價格會比棉條貴。正確使用可進行插入式性交
=========
寫「單個價格」嘅原因，係因為每個人消費成本有唔同睇法，有人覺得買一個幾百蚊嘅杯自己又未必用得到，咁不如用着每個月可能洗幾十蚊嘅產品，亦都有人會覺得幾百蚊一個，攤翻開幾年每個月咁樣用嘅話就會抵好多。
亦有人知道有環保嘅月事產品，但係因為自己嘅生活習慣，或工作環境嘅原因（例如返工廁所長期污糟、冇辦法花長時間清理）而唔會用得到。
我哋可以諗吓一個會黎月經嘅人嘅自主權：面對環保、使用方便性、容量等種種因素，我哋係咪選擇到適合自己嘅月事產品呢？聽到坊間好多廣告嘅聲稱，到底黎M嘅人係咪能夠好透明咁樣知道佢可以點揀呢？
撰文 : 馬天娜 @mtna.sc
//
#月經 #月事用品 #periodpositive #menstrualcycle #pridelab
periodpositive 在 PeriodPositive The Period Positive Project - Facebook 的推薦與評價
PeriodPositive The Period Positive Project. 2329 likes · 1 talking about this. Founded by Chella Quint with pupils and teachers to campaign for... ... <看更多>