我唔係介意 ＃妮歌潔曼 唔使隔離可以趴趴走，而係當我聽到電台節目主持話「＃香港唔適合同病毒共存因為香港老人家好多，＃英國可以共存因為要死既老人家都死得七七八八」，之後又有輿論成日提住「＃我地香港人好叻同心抗疫先至冇事」。
但係呢個「冇事」既成本，係由整個社會大部份工作人口，年輕人口付出； 呢個「清零」係由大部份染病致死率較低既年輕人既機會成本去維持，但有d人比第二d人可以擁有更多自由又活得更平等，我就想問，點解有d人可以唔戴罩周圍走，仲可以飛去香港唔使隔離，而我地就冇得去旅行？我會有d 唔舒服咁囉。不過我既感覺，係唔重要既。
而家 有d expat 圈子叫佢 ＃nicovidman ，NY Times 講果d anger 唔係假架。都唔係一句 ＃魚蛋論 可以概括。任何人話香港唔適合同病毒共存果一秒起，究竟有幾多行業既員工攬炒去維持新常態？如果係真係要「共渡時艱」，個「共」字係好緊要既。不過，共唔共，都唔到你果堆畀人沖走既人話事既。只要大家唔面對問題就ok啦。反正，解決提出問題既人呢招，係不分YCBC都係咁用既。
