關於 nee_eat_kwaifong ，我們在網路上蒐集到這些相關的討論、資訊與評價

💖 至愛火鍋火題之一！最強湯底，性價比高！葵芳新店好大間😍新淨好坐！💖
-
Hi，我返黎了！好耐無蒲頭…最近發生左好多事呢，為了保留精力而暫別了IG，不過有壓力就更加要食飽d！食飽先有力和心情面對挑戰。分享一下最近去新都會食的一鍋堂，呢間分店好大間啊！大到可以整個打卡位tim!

最喜歡一鍋堂的湯底和自家飲料😋值得一食再食。15款湯底各有特式，今次選了養生藥膳湯，好香藥材味，而且愈滾愈濃郁，連淥條菜都好吃！飲料有自家冰糖燉檸檬😋及洛神花茶等，比汽水吸引。

選了中價位120分鐘晚市放題b餐（7點前離座$198）（7-9:30pm入座$238），肉類可選美國安格斯牛肉、封門柳、美國安格斯精選牛板腱、西班牙栗飼豬、紐西蘭羊卷肉等，呢個價錢黎講質素都唔錯👍🏻 另外推介蟹子蝦膠釀冬菇、手作珍寶蝦丸、自家製鮮蝦雲吞！素類有野竹笙、紫淮山、日本紅心蘿蔔等少見的放題選擇！特別一提，海鮮新鮮有驚喜，尤其是蝦，肉質爽甜👍🏻👍🏻

PS, 自助區還有小食前菜，首推黃金魚皮😄

PS. 不過去廁所要行落一層，來回真係好遠

————
✅ #nee_eat_kwaifong
一鍋堂 (新都會廣場) (葵芳)
葵芳興芳路223號新都會廣場6樓601-610號舖
-
㊙️ 可能只能在記憶找12人圍埋打邊爐的日子
近門口位置有一人火鍋自閉位，好鍾意果度😂😂😂😂一個人食火鍋放題呢個諗法好好😍雖然一大班人食更好，不過短期內都睇唔到呢個可能性。
.
.
.
#新都會廣場 #葵芳美食 #一鍋堂 #放題 #打邊爐

💖初嚐外賣雞翼山！晚市只限外賣😍
-
葵芳雞翼山晚市只做外賣，慳返個出行賺了個安心。

一盒12隻雞翼可以揀3款口味，朋友話黑糖珍珠雞翼睇落好伏，於是我就點黎試伏🤣🤣🤣💀💀💀，其實心想，黑糖煮雞翼又會伏得去邊丫，熱辣辣炸雞翼coat上一層黑糖衣，甜甜脆脆其實幾好食！珍珠都係軟糯的！

另一款點了港呢d友情萬歲檸茶雞翼，睇落黑猛猛好似濃哂咁，原來是因為真係落左茶葉去醃！所以一炸就好似濃左咁。聞落食落都好有檸茶味！

最後就係不失敗避風塘雞翼🥳🥳不過呢款真係堂食最好食！

套餐加錢仲有蘋果山楂茶，好足料又唔會好甜，感覺好健康！

————
✅ #nee_eat_kwaifong
雞翼山 (新都會廣場) (葵芳)
葵芳興芳路223號新都會廣場1樓180號舖
-
㊙️my forever dream team
食完雞翼再去朋友屋企玩🤩🤩玩左幾個board game 勁開心！！！玩到1點！！I am so young 嘅感覺！是多年前一起做event的同事，那個team在我心中永遠是dream team，年輕的團隊，無人卸責，互相幫忙，人人優良的語文能力，雖然做到11pm好痴線，但現在剩低嘅都係開心嘅回憶比較多。
.
.
#雞翼山 #葵芳美食 #新都會廣場 #雞翼控

@ Chicken Wings Mountain-Kwai Fong 雞翼山-葵芳店

💖再訪豬門店！夠哂大份，多人分享之選😍
-
再次來到豬門店，食物份量一樣咁多！真係好啱4個人share食！今次唔想食太多炸嘢，就無叫小食拼盤，試咗辣肉腸炒八爪魚、薯仔、青醬莎莎（$138），好多八爪魚呢！好開胃嘅前菜。

我鍾意食salted pig嘅沙律！今次點了Skinny pig Salad 瘦豬豬菠菜藜麥沙律、西柚、菜頭、烤杏仁、橘子汁（$108）唔好比個名呃到，呢個沙律無豬嫁😆菜頭甜甜的，加埋脆脆杏仁，配脆嫩菠菜，好滿足👍🏻

黎到豬門店，當然要吃招牌德國鹹豬手！配菜有烤薯、酸菜、芥末籽忌廉汁（$298），份量驚人！呢度嘅鹹豬手肉質非常淋！仲有肉汁，唔係燒到乾硬的。

最後點了一客甜品share吃，紐約芝士蛋糕，工常水準，超級飽足的一餐！

飲品都有好多選擇，有酒精同無酒精都有，推介呢度嘅奶昔，因為而家唔係成日見到奶昔了，朋友有quota，斗膽點美祿香蕉水果乳酪奶昔（$68）！！！酸酸甜甜分量十足！給我飲的話，喝完一杯會飽了一半！所以我點的是Mocktail mint Orchard Tea ($68)😉清清新新，配德國鹹豬手不錯！

————
✅ #nee_eat_kwaifong
The Salted Pig (新都會廣場) (葵芳)
葵芳興芳路223號新都會廣場5樓531及540號舖
-
㊙️
這是我逼朋友同我一齊開binance逼我學習trade btc的一天！值得紀念！終於開到啦！
.
.
#thesaltedpig #豬門店 #葵芳美食 #德國鹹豬手
#新都會廣場

@ The Salted Pig-Kwai Fong