呢日同Coins行完街😆
Shopping完大家都肚仔餓🙈
我就捉佢同我一齊食好野🤤
登燈登櫈‼️
係去 @mrkoreabbqhk 嘅「韓牛x 清酒晚宴」呀
平時我真係極少食韓燒，食放題、打邊爐多啲
因為我以前成日食完韓燒會搞到成面面油😣
食到熱辣辣🥵出曬汗，數下手指應該有4-5年冇食
今次會同大家分享韓燒🥰
係因為我發現原來而家嘅韓燒已經進步左好多😍
而且唔止淨係燒下啲醃肉食✨
.
一齊黎睇下我地食左咩好野😍
瑪姬兒同Coins的大食餐單：
1️⃣海鮮類
本身喺openrice見到有海鮮類已經覺得好吸引😆現場見到即刻忍唔住要合照📸因爲實在太靚太新鮮，以前食韓燒淨係燒肉食，舊舊都係紅色變啡色，唔會特別想同佢地影相，但海鮮就唔同，特別係呢類貝殼🐚類，可以放唔同嘅佐料如蔥花、辣椒🌶️、芝士等，色彩繽紛又香噴噴🤤作為頭盤絕對贏曬😍芝士辣汁扇貝食落唔算太辣，扇貝新鮮👍🏻而且微微嘅辣味刺激味蕾，開胃啊‼️之後食芝士烤帶子，好肥美好Juicy，雖然係用烤嘅烹調方法，但帶子中心嘅水份都仲保留到，而帶子嘅鮮甜味之所以唔會被芝士味蓋過，除左因爲新鮮，選用味較淡嘅芝士亦係原因👍🏻欣賞餐廳從小事亦咁細心；食完兩款鮮味海鮮😆可以燒鰻魚啊！呢個又係一個驚喜，燒饅魚都幾難，極易痴底！加上佢啲肉又軟身，揭起左少少想反已經皮同肉分開左...完全唔敢進一步去反佢...店員見我地雞手鴨腳咁😂忍唔住黎幫拖，佢一下兩下咁😳輕易就幫我地反左，只係得少少皮痴左底（我極懷疑係我地自己開頭亂黎開衰左個頭🙈）燒饅魚其實食落就唔太特別，因為其實好多餐廳都係來貨，個味唔會太大出入，係過下手癮咁😂
.
2️⃣肉類
我嘅固有觀念係，韓燒嘅肉係醃到、乸到唔知自己食緊咩肉嘅🙈😂（太耐冇食喇真係可能）原來韓燒有埋韓牛西冷🥩成吋咁厚啊仲要🤤肉同脂肪比例恰到好處，燒完啲牛油味勁香，而且肉質有咬口得黎仲唔會韌，絕對唔係乸到唔知自己食緊乜嘅肉；另一樣好得我歡心嘅係韓牛刺身😍之前去日本🇯🇵食和牛tartar都覺得好正，今次試埋韓牛刺身，大家一樣都係有生蛋，撈勻後令啲肉食落有啖啖蛋香之餘仲好滑嘟嘟👏🏻與別不同嘅地方係呢個韓牛刺身有雪梨🍐絲，令呢個滑嘟嘟刺身增添多個爽脆口感，而且清甜嘅雪梨肉亦令刺身增加一份清新感🍃另外仲有三花肉、護心肉、豬皮、雞腎等，同樣係新鮮好食☺️
.
3️⃣韓式魚糕湯
魚糕湯嘅脂肪含量低，對預防心血管疾病具有重要作用，我地食完咁多油膩野之後飲番一碗，感覺有解膩作用😆👏🏻我本身唔係太識咩係魚糕湯，上網一搵知道原來可以美容養顏、嫩膚😍即刻再飲多碗🥣飲落味道鮮甜，唔會有腥味
.
4️⃣醬油蟹（逢星期二，HK$130/隻）
醬油蟹係去韓國🇰🇷必食！估唔到韓燒都有😍開心到Coins見牙唔見眼，我對蟹敏感😭只可以食細細啖，蟹肉清爽清嫩，略帶甜味嘅醬油同蟹肉嘅鮮甜好夾，對於第一次試嘅我黎講，好食☺️
.
另外最正嘅係（對於中意肉酒嘅人黎講），呢度嘅清酒🍶任飲，有天之戶45%純米大吟釀、京姬匠純米大吟釀等，唔飲酒嘅都有多款韓式罐裝果汁，入面仲有果肉添😆
快啲同朋友黎試下啦
.
.
🍖Mr Korea BBQ（尖沙咀）🍶「韓牛x 清酒晚宴」
📍尖沙咀柯士甸道140-142號瑞信集團大廈一樓
💰每位$550（❌加一服務費）
.
.
.
.
#hkfoodie #hkfood #foodie #hkinfluencer #discoverhk #写真 #hkkol #portrait #portraitphotography #コーデ #モデル #おしゃれさんと繋がりたい #写真好きな人と繋がりたい #ありがとう #mrkoreanbbq
#microinfluencer #hkiger #hkgirl #hkgirls #discoverhongkong
@ Mr. Korea BBQ
