Search
【上天很公平】
我不怕唱歌因為接受現實
【我不怕唱歌】又到星期四，又有得估歌仔！
提示：呢個人相當有嫌疑，平時大癲大肺，又鍾意扮鬼扮馬，仲有啲橙皮添！
全文：http://bit.ly/2fOvZyY
相關文章：
【我不怕唱歌】前無綫主播開金口 棄小花光環：又不是做一世
http://bit.ly/2fQGBk5
【我不怕唱歌】《幕後玩家》靚聲巨肺 坤哥：唱得好smooth!
http://bit.ly/2fU4zNy
Miss Hunny Ming仔 司徒夾帶 薑檸樂 gingerlemoncola 高登討論區 HKGolden 香港討論區 #01娛樂 #香港01
-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-\-
即like 01娛樂，最有共鳴的娛樂資訊
【中伏系列】同女神上大帽山睇雪，幾乎無命落返嚟…
「阿ming～聽講大帽山今晚可能會落雪，不如我地上去睇囉？」
一收到女神呢個訊息，本來仲喺被竇玩緊 Monster Hunter 嘅我立即九秒九衝落床換好成套上山裝束。心諗終於可以向女神證明自己係真高登仔，禦寒能力勁過西伯利亞人。順利嘅話，分分鐘可以藉住呢個機會由兵仔升格做大將軍。
「好好好，咁邊到等？」
「佢地約咗半個鐘後荃灣地鐵站等呀～」
但一見到「佢地」兩個字，我個心馬上又沉一沉。咁又係，女神身邊咁多狗公，約嘅又點會得我一個？但我並無因此放棄，正因為有競爭對手，先更加應該去表現自己。
唔洗半個鐘我就趕到去荃灣，喺約好嘅地點就好快就搵到女神。今日佢上身著住粉紅色羽絨，下身竟然係熱褲加黑絲襪，再配對 vans。睇落配搭好正，但諗落…呢套衫行街就得啫，真係適合上山咩？
「我地行囉。」女神一見到我，立即不悅咁講。
「其他人呢？」望一望周圍，根本就無其他人。
「全部放飛機呀！真係無鬼用！」
「即係得我地兩個？」我唔敢相信再問。
「係呀長氣！行啦！」
原本都想提醒女神呢套裝未必夠上山，但一諗提完佢可能會放棄。我就唔理咁多，可以同女神獨處嘅機會實在可一不可再。
然而，我地好快就遇上第一個挑戰，就係喺山腰撞到警察嘅封鎖線。
「你地唔好再上去啦！危險呀上面！」警察一見到我地即刻阻止。
原本我已經打定輸數，但女神竟然開始同佢地嘈起嚟。
「真係有危險我地自己會負責架囉！條命係我地自己架嘛！你地救人係你地嘅職責！係你地嘅職責！」
難得見到仙氣女神如此霸氣嘅一面，我一於喺旁邊食花生…
結果，女神足足同班警察嘈咗半個鐘，最後都係無結果。
「實有第二條上去嘅，大不了咪爬山。」但佢並無放棄。
「但真係會有咩？」就喺我疑惑嘅一瞬間。如同奇跡一樣，我地旁邊竟然出現一條疑似直通上山頂嘅梯級路。
唔單止咁，一路上都唔見有其他封鎖線。我地好順利就去到視野良好嘅觀賞點。最正嘅，係附近竟然一個人都無。
「好正呀呢到！」女神興奮起嚟，馬上拎起部手機準備打卡。
「係呀真係好正。」一諗到可以整晚同女神獨處，真係不枉此行。
就係咁，漫漫長夜開始。
第一個鐘，女神基本上都係維持住興奮狀態，不停影相上傳到instagram，向身邊朋友炫耀自己成功登頂。
「我地不如合照放上去囉？」喺心裡面默念咗半個鐘，我終於鼓起勇氣問女神。
「合照？」女神即刻一秒變臉，「唔好啦，一陣佢地亂諗就唔好啦…下次先啦。」
「吓…呢次寒潮百年一遇喎…」
女神無理我。
第二個鐘，我地開始欣賞周圍嘅結霜環境，葉好樹枝好石頭好，一發現到有趣嘅又係瘋狂影相…
第三個鐘，開始攰嘅我地搵咗個較少風嘅位置坐低。肩貼肩咁吹水，生活咗二十二年，都係第一次可以同陌生女仔貼得咁近。
第四個鐘，女神開始話雙腳俾風吹到冰咁。我後悔自己無準備多啲，不過至少有一杯保溫熱水…
「我而家先知你咁可靠。」女神飲咗啖之後笑住同我講。
我不禁沾沾自喜。睇個勢，經過今晚，我嘅地位或者可以提升到比大將軍更高嘅位置…
但惡夢而家先開始。
第五個鐘，我地講到無嘢好講開始沉默起嚟。女神企起身周圍行想保溫，但時間耐咗只係浪費體力…
第六個鐘，女神埋怨個天點解仲未落雪，結果嬲得制仲唔小心跣低咗一下。
第七個鐘，女神話隻黑絲腳開始凍到無哂知覺…
「不如…我地落山啦？趁仲有機會？」呢刻我開始慌張起嚟，周圍無人反而變成咗一件危險嘅事，有咩事都無人幫到手。
「都話隻腳郁唔到囉！估唔到呢到真係咁凍，不如…」女神突然望過嚟我身上。
唔通…佢想攬實我，用最原始嘅人體取暖？
「不如，你借件褸俾我冚腳囉？」
…
面對女神嘅無理請求，當刻嘅我係不顧一切咁接受，只要盡量滿足到女神，我做乜都願意。而結果，無咗件大褸，原本仲頂得順嘅我都開始感覺到凍…
第八個鐘，全身開始凍到僵嘅我再一次提議女神落山…
「唔落呀！要落你自己落飽佢！我一定要睇到雪！你真係無用架！咁大個男人都咁怕凍！」
「…」
第九個鐘，越接近天光反而越嚟越凍，連手機都凍到熄埋。如果真係出事，就連求救都做唔到。就喺我考慮緊乾脆唔理女神反對抱佢落山之際…
「嘩…好靚嘅雪呀…」側邊嘅女神竟然開聲咁講。
「雪？邊到雪，睇過？」我抬起頭，唔單止無雪，連天上面嘅雲都開始散緊。
原來女神早已經頂唔順，訓喺地上面恰埋咗雙眼，頭先句嘢只係佢發口夢。
「喂，唔好訓呀！」我開始不停搖想搖醒佢，估唔到，第一次同女神有親密接觸就係要搖醒佢，真係悲哀，「訓咗就醒唔到架啦！」
「真係好靚呀…靚過你個碎玻璃杯呀…柏豪…」
但搖極女神都係搖唔醒，慢慢連我都開始無力，仲越來越眼訓…
無啦無啦…
第十個鐘，終於連我都訓埋喺到，眼皮仲越嚟越重。望向天空，無飄雪，但可以見到好靚嘅星空，而且…星星仲變得越嚟越近，點解嘅…？
「哈…我捉到啦…捉到粒星星啦…好打耳呀…哈哈…」
我滿足咁慢慢恰埋雙眼，腦海開始有回憶嘅走馬燈不停閃過。最後一幕，係媽媽抱住我講：
「生得你咁肥肥白白，就叫你做家明啦，家明，家明…」
吓…家明…唔撚吉利呀…阿媽…
唔好叫家明呀…
*
*
*
*
*
意識返過嚟，我注意到自己竟然仲企喺人肉封鎖線隔離。原來女神同警察已經嘈咗差唔多兩個鐘，我係因為等得太耐所以凍到出現幻覺…
「總之我死都要上去咁又點先！？」女神繼續 loop 佢嘅論點。
「我地咪就係唔比你上囉！」
「喂！」終於，我忍唔住行埋去警察到喝佢，「咪阻住，俾我地上去啦！」
警察聽完有少少意外，大概係估唔到企咗兩粒鐘嘅我竟然識出聲。
「係囉阻頭阻勢！」女神乘勝追擊。
「你唔俾我地上去…」我舉起手用力指住女神。
「…呢到唔夠高俾我推條女落山呀！」
就係咁，我嘅當兵生涯告一段落，但我無悔。
（完）
＝＝＝＝＝＝＝＝＝＝＝＝＝＝＝＝＝＝＝＝＝
所以話，做任何事最緊要係量力而為。
FB： 有心 無默
個人ac：（歡迎 follow 或加好友）
https://www.facebook.com/myechoofheart
IG：
https://instagram.com/echoofheart/
今集同大家分享下五個溫書的貼士。雖然D貼士可能有少少...廢....，但志在比大家輕鬆下，搞笑下！雖然考試真係好辛苦，不過大家要撐著啊！祝大家考試成功同埋情人節快樂！全港學生加油啊！
Facebook關注我:
http://www.facebook.com/ChinglishVlogs
想找我拍片或其他事項：
aumanyick@gmail.com
music by http://www.danosongs.com
