［我搵到比特幣教父中本聰啦，不過唔話你知］
（彭博原文：https://bloom.bg/2GC0kR3）
John McAfee話已經搵到中本聰，仲同佢傾過計。不過就唔話得你知佢係乜水在邊度。哦。我尋日打電話比我契哥李顯揚，又係冇人聽喎，哈哈哈。
邊位中本聰？話係Bitcoin發明者，比特幣之父。自稱日裔美國人，但其實冇漢字名。真實姓名，年紀，性別，身份，背景全部唔知。當然冇上過鏡或接受訪問，甚至有冇呢個人存在，係一個人定一大班人，都係唔知。聽聞佢有100萬個Bitcoin，即使Bitcoin價大跌後都仲係好Q多錢—沽得到的話。
2014年都有人話起咗中本聰底，Newsweek封面故事，很爆。似層層，日裔美國人，出世嗰時就叫中本聰（但，用真名？）。仲搵到佢訪問。但後來當事人否認。「中本聰」本人亦都出嚟否認，但呢個係咪本尊都係冇人知，亦可能根本係記者根本搵到，但嗰位仁兄唔認。甚至有人話中本聰已經死咗
咁邊位John McAfee？個名好熟呀可？正係Norton 個朋友McAfee，防毒軟件嗰位。檔嘢一早賣咗，但仲掛住佢名。咁佢後來做乜？基本上唔使做，大把錢，近年變埋Bitcoin狂熱者，自己買，仲幫人宣傳，不過收錢。
McAfee原本話有勁料爆，比特幣Dr. Ng咁，好多嘢佢你地唔知，不過又唔會話你知係乜（即係，廢話）。佢話起咗中本聰底，見過真身傾過計，中本聰未死，在美國，McAfee仲話會公告天下。不過早兩日就縮沙，話都係唔講了
話唔講嘅理由係乜？律師叫佢唔好講喎。點解？話講咗的話佢有機會畀人引渡去第度，真係逃犯條例現眼報。去邊？去伯利茲Belitz。點解要捉佢？因為佢疑似在伯利茲殺人，但走咗佬返美國。而家佢應該住在巴哈馬。
當然大家都半信半疑，但呀McAfee先生好自豪，拿，大家低估我呀，我係勁人嚟的，我成世都起啲黑客底，專家嚟架，你地唔記得啦？搵中本聰，話咁易啦！
“My entire life I’ve been tracking people who are the best in the world, and hiding their identity,” he said in the interview. “Finding Satoshi was a piece of cake for me.”
但我就唔明佢爆料同佢會畀人引渡有乜關係，亦唔明做乜佢唔可以好似高登仔劇透 復仇者咁。例如在巴哈馬個海灘上面砌啲字出嚟呀咁。
McAfee本人，係唔用McAfee Antivirus的！佢話 too annoying。又，佢自己話有47個小朋友，明顯係唔會鍾意任何保護措施。而佢老婆係……雞。OK，係一個主動兜搭佢嘅性工作者。玩咗兩日兩夜後好有感情，拍拖結埋婚。果然唔係一般人作風
又係補多句時間：呢套戲應該好多人都知係賭俠。但有冇留意，背後掛嘅，正係巴拿馬國旗？侯賽因（單立文）契爺正係陳金城，同巴拿馬總統有啲交情嗰個。有理由相信佢都同巴拿馬總統有啲交情
