話說芊嶠1月生日，我哋約咗一班好友，齊齊去南丫島魚排玩，疫情過後，我都推介大家帶埋小朋友一齊去玩！我哋一早係網上已經買咗套票，小朋友我哋買$88套票，大人就買$80套票，已經包埋導賞團！而唔同就唔同在，小朋友$88套票係包試玩一次無鈎釣魚遊戲，村內活動遊戲券4張 (可以揀餵魚，或者玩多幾次無鈎釣魚)，仲有漁民特色小食1份。大人$80套票就包無鈎釣魚遊戲一次。
時段佢哋就有3個唔同時段，10:15-12:30 / 12:30-14:30 / 14:30-17:00，我哋就揀咗14:30嗰個時段。係中環4號碼頭搭船去索罟灣，再搵返南丫島漁民文化村舖頭，之後同佢講上網訂咗門票，佢就會比你，再幫你安排船隻入去！我見佢現場都有售門票，但我哋一大班人去，上網訂咗票，我哋就優先上船，呢個安排唔錯！
去到我哋就等埋另一班參加者，之後就開始導賞團，雖然小朋友細，但大人聽都幾有趣，真係可以認識漁村文化，都幾特別。仲可以上漁船，睇下舊時嘅人住係漁船係點嘅。導賞完咗，大家就可以自由活動！我哋就去咗餵魚，不過由啲魚都應該係太飽，都唔係好食😂不過志在體驗下啦！
跟住最刺激嘅就係無鈎釣魚遊戲，平時釣魚一定用鈎釣，但因為用鈎釣咗上嚟你哋又唔要，條魚都會死！所以先設有呢個無鈎釣魚遊戲，其實都真係好難，但真係會有人釣到，咁如果你咁幸運釣到，就可以拎走條魚！但如果你去到都有諗住買返條魚返屋企，咁你都可以參加有鈎釣魚🎣，釣咗上嚟嘅魚再磅下幾錢，比咗錢就可以帶走㗎啦😍
魚排上面仲有好多影靚相位，仲有鞦韆玩，芊嶠劻霖同成班朋友仔都玩得好開心🥳放完電，跟住就梗係醫下肚啦！我哋買套票嗰陣小朋友包漁民小食1份，我哋就去換，小食店嗰到有寫唔同食物需要嘅小食卡數量都唔同，我哋就換咗燒賣同魚蛋比小朋友食，食飽就周圍影下靚相！不得不提，魚排個廁所真係好乾淨👍🏼
💡離開魚排方法好簡單，就係預先同佢哋講準備走，佢哋就會安排返船載我哋出去索罟灣，但行去碼頭都有一段路，大家最好預返足夠時間行去碼頭，記住睇返船期表幾點有船呀！
南丫島漁民文化村 Lamma Fisherfolk's Village
#南丫島漁民文化民文化村 #南丫島一日遊 #lammaisland #lammafisherfolksvillage #芊嶠生日活動 #好有意義嘅活動 #好朋友齊齊旅遊 #下次我哋要再約 #芊嶠與霖成長日記
lammafisherfolksvillage 在 南丫島漁民文化村Lamma Fisherfolk's Village - Facebook 的推薦與評價
南丫島漁民文化村Lamma Fisherfolk's Village， 索罟灣。 3505 個讚· 2 人正在談論這個· 3764 個打卡次。「南丫島漁民文化村」 是一個全新意念的旅遊景點， ... ... <看更多>