關於 imax laser 3d眼鏡 ，我們在網路上蒐集到這些相關的討論、資訊與評價

【突然記起，你幾耐冇睇過3D片？】

當大家喺度倒數緊，戲院好大機會今年內成為歷史遺物，但就算呢一日真係來臨，相信IMAX、4DX、Dolby Vision等配備戲院，應該可以撐到最後一刻。

但係，呢樣就唔同喇。

話說喺《神奇女俠1984》「願望成真」海報－－唔知幾時成真啦，見到原來套戲同時有3D格式，真心堅似久違嘅歷史陳蹟咁，喂幾耐冇見過？

3D呢樣嘢由《阿凡達》開始後，往後果幾年咩戲都走去3D，文藝片可以3D、愛情片可以3D、經典修復都可以3D，更唔好話一大堆「字幕3D片」，曾幾何時，大家屋企可以儲到一堆3D眼鏡，然後去戲院都永遠唔記得帶，咁又俾佢掠一筆。去到後期，IMAX 3D眼鏡都要收你錢，據聞香港係全球獨家創呢個先河，然後Laser IMAX 3D又再收多你一筆錢。當你以為3D可以有排玩時，點知買完副Laser IMAX 3D眼鏡，就再冇乜3D戲出現咁。

事實上，唔止香港，全世界都開始覺得3D呢樣嘢多鬼餘，3D版本票房收入反不如2D，除咗Marvel或Transformer一類超級大片同部份動畫外，講真3D冇乜作為，都唔會為套戲帶到更多觀能刺激，最後3D電影好似愈做愈衰，就算有3D版本，香港都唔係套套上。

我唔肯定2020年香港上過幾多3D版本嘅戲，印象中好似唔多甚至冇，對上果次睇3D戲，已經係《星球大戰：天行者崛起》，2020年一套都冇睇過。

戲院消失大家都唔想，3D電影消失（其實唔關疫情事），我諗唔係好多人覺得可惜，只係望住屋企十幾副3D眼鏡，會覺得無奈😂

🏆2020年我的十大電影名單現已公佈，有咩最愛最差電影，一文盡看：http://bit.ly/3igsQKl

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://bit.ly/3a9wOzy
或使用Payme link：https://payme.hsbc/jackyhei
或透過Paypal捐款：paypal.me/jackyhei

【MeWe請Follow】：mewe.com/p/travelerwithmovie
【IG請follow】www.instagram.com/travelerwithmovie

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【不如搵佢同我Blog慶祝生日🥳：你仲記唔記得當年睇《蝙蝠俠：黑夜之神》IMAX嘅震撼？】

見到呢張海報，講真我諗返好多嘢。下個月就係我開Blog 12週年，佢又12週年，不如我寫夠12點。

1. 一年前睇過《哈利波特：鳳凰會的密令》IMAX，然後唔知做乜要買幾個月飛先買到嘅我，淨係記得畫面清到毛孔都睇到，同埋最後一場戲要戴3D眼鏡，好難想像呢套點解可以咁勁。果時嘅我覺得《俠影之謎》係比以往《蝙蝠俠》好睇，呢套外評事先吹到影史留名，咁勁？

2. 當年預售都係一個月，我喺第一日預售一個月後Megabox IMAX嘅飛（Isquare IMAX仲未開），講緊已經要側邊位，我心諗做乜睇戲睇到買演唱會飛咁？

3. 為隆重其事，記得開場前有「老蘭」介紹乜嘢係IMAX鏡頭、IMAX鏡頭同普通IMAX電影有乜分別，我睇完都唔係好明

4. 點知，一開場果幕打劫銀行，喺當年仲係70mm IMAX下睇，睇到覺得有離心力，我知咩事喇。就係另一幕光影邂逅，我從此同IMAX結下不解緣，乜D物D乜視界物巨幕都好，我依然最情繫IMAX。

5. 當年好睇到我未識分咩係IMAX鏡頭，只係覺得重要場面特別震撼，尤其蝙蝠俠IFC跳落嚟果吓，IMAX鏡頭原來可以將香港影得咁靚，事後變形噹噹之流只係整爛香港嘅姐

6. 唔係第一次睇戲拍手，但呢套散場一刻全場起立拍手，講緊唔係首映唔係傳媒優先場唔係電影節，係香港普通場次會全場起立拍手，而果下你自己都係從心而發起立拍掌，成件事好感動。

7. 當你以為呢下好感動，幾年後喺澳洲睇《蝙蝠俠：夜神起義》，唔止全場起立拍掌，係全場起立拍掌拍足半段字幕！我成日話人生最難忘最癲一次睇戲，就係呢次坐通宵巴士即日來回，呢下感覺，一世都未必有機會再拎到。我當年咁搞法用千幾蚊港紙睇場戲值唔值？值。

8. 對「老蘭」嘅鍾情，我相信係我搵電影場景，搵得最多嘅導演，作為超級影迷，我喺芝加哥搵得返《黑夜之神》開場打劫銀行果個鏡頭，電影史上第一套商業電影嘅IMAX鏡頭，你知唔知可以有幾感動？

9. 雖然，之後睇過好多套有IMAX鏡頭戲，甚至去到近年成套戲都IMAX鏡頭，但要講震撼嘅話，第一次睇果種激動狂喜，真係可以影響一世，你永遠都唔會忘記。唔似近年一年有幾套IMAX鏡頭戲，當年講緊係「老蘭」咁玩起，得佢有，精不貴多呀！

10. 成日話「老蘭」嘅戲唔睇IMAX不如唔好睇，雖然今日香港已經冇一間係「真IMAX」，但如果當年曾經錯過IMAX版，請唔好放棄今次機會。係，或者你喺香港已經睇唔返70mm IMAX果種質感，我相信「假Laser IMAX」效果都好震撼。

11. 《蝙蝠俠：黑夜之神》係我開Blog第一篇文一週過1,000點擊，今日一週1,000點擊好少啦喂，但當時俾我好大鼓舞。我開Blog 12年，套戲都係12週年，想當年我仲讀緊書唔知自己做緊乜，今日... 我都好似唔知自己做緊乜，但突然覺得自己好鬼老添。

12. 喂啱數喎，我開Blog 12週年正日，應該可以入場賀一賀佢喎。10週年搞包場冇人理我，12週年你包唔包得起？隔位包場，唔知我係咪都要俾足成間戲院錢？老老實實，如果我搞（事先講明要俾錢呀吓）有冇人嚟先，留言討論下😂

相關文章可看留言連結。

📣文字工作者也得要吃飯，你的支持是我的原動力。請給點心意，給小弟寫更多好文章，歡迎透過payme課金以作支持🥳：https://payme.hsbc/jackyhei
或使用QR code：https://bit.ly/3a9wOzy
或透過Paypal捐款：paypal.me/jackyhei

🙏感謝各位支持，小弟執筆之原創小說私人貨存已全部售罄，有意者可到此文章內的連結購買：https://bit.ly/3dRuUWu

【IG請follow】www.instagram.com/travelerwithmovie

有幸去左尖沙咀iSQUARE新開嘅英皇戲院，可以去體驗佢哋嘅貴賓影院the CORONET😍 同埋佢哋嘅IMAX with Laser！第一次係戲院差啲飲醉😂
🔸酒吧區
一向大家都知我唔飲酒，但係佢哋嘅手工啤酒「友」，有3款口味，真係好特別💕令到我忍唔住試，我仲有杯即場調製嘅手工Cocktail「Perfume & P」個樣好靚好特別好濃厚嘅花香💕原來用咗本地GIN酒「白蘭樹下」調製，佢哋嘅酒吧區令我逗留左好耐😂
🔸貴賓影院the CORONET
佢哋貴賓影院嘅皮沙發真係好舒服， 唔可以好似屋企咁樣伸直隻腳好嘆咁睇戲😍如果唔記得帶嘢食嘅話仲可以㩒佢哋嘅服務鐘，搵職員幫手order嘢食💕果然係貴賓式享受。佢哋嘅嘢食香噴噴，冇諗過戲院嘅嘢食都有咁嘅質素都好有驚喜。
🔸IMAX®️ with Laser 影院
另外一樣野最驚喜嘅係佢哋嘅IMAX with Laser，佢係新一代嘅4K鐳射放映系統，仲係全港最大嘅IMAX銀幕。我諗你要親身去現場先感受到，帶住3D眼鏡嗰種震撼。加上佢哋嘅12.0聲道音響系統😱令到成個場面真係好震撼。
我諗文字已經表達唔到😂你自己快啲去親身試吓啦！

#英皇院線 #EmperorCinemas #iSQUARE #IMAXwithLaser #IMAX #網上買飛免手續費 #theCORONET #NowOpen #Foodie #movie #tst #bar #chillout #happyhour #MerryChristmas#Zolar #Zolarshare #zolarxemperorcinemas