關於 foodiejobie日式 ，我們在網路上蒐集到這些相關的討論、資訊與評價

#foodiejobie小食 #foodiejobie網店 #foodiejobie日式 #foodiejobie #foodiejobie甜品
味道：🌕🌕🌕🌗🌑
抵食：🌕🌕🌕🌑🌑
.
《奢華矜貴的金箔蛋糕》
從前明月光，低頭思故香，相信日本係好多香港人懷念嘅故鄉。冇得去旅行嘅時候，又想應吓中秋節，可以考慮買呢款日本🇯🇵名店金澤萬久出品嘅「金箔蜂蜜蛋糕」嚟同親朋好友一齊品嚐，細味日本嘅風情。我打開個盒，畀佢鋪滿晒金箔嘅蛋糕嚇咗一跳，🌟點解可以咁奢華🌟，真係第一次見到全個蛋糕面都係😍鋪滿金箔！
仲要細緻到喺上面印咗一條條嘅金魚，感覺十分矜貴，呢啲拎嚟送禮一流🤣👍。
至於個味道呢，每一啖都係好甜嘅蜂蜜味道，真係好甜，但佢又唔係砂糖嘅死甜，真係有蜂蜜嘅味道，蛋糕好夠滋潤，再拌送一杯焙茶或者抹茶就Perfect啦。
.
📍網上超市：
@oisixhongkong

#foodiejobie銅鑼灣 #foodiejobie日式 #foodiejobie藍色線 #foodiejobie
.
❣️必食❣️😍食一次上癮🤪
如果你好鍾意日本生燒鰻魚飯，燒到鰻魚脆身果種，一定要去食！！！👍👍👍
.
🍴招牌脆皮鰻魚山椒燒飯（$258）
送迷你沙律🥗及甜品（我冇要到甜品，因為減肥）
味道：🌕🌕🌕🌕🌗
之前有見過人哋話呢一間嘅蒲燒鰻魚飯燒得好脆香口，話好食過炭家。今次去食，就問吓店員蒲燒鰻魚係唔係脆身，佢話唔係，佢話脆身嘅話係招牌脆皮山椒鰻魚飯。因為我真係太想食喺日本先食到嘅生燒鰻魚，咁我就叫咗呢個山椒鰻魚。嚟到見到個賣相好似好普通咁，點知一食，😱😱😱嘩，脆到呢！！！😍👏🏻成塊皮都脆卜卜㗎！脆得嚟佢又唔會乾柴喎，魚肉有魚味，配埋甜甜地嘅山椒汁同少少辣嘅山椒粒粒，好正！估唔到有驚喜，搞到我好想快啲下一次試吓佢個蒲燒鰻魚飯，估計都應該好食。
.
🍴溫泉蛋燒飛彈牛蓋飯（$268）
送迷你沙律🥗及甜品（我冇要到甜品，因為減肥）
味道：🌕🌕🌕🌕🌑
和牛肉味重，油分適中，油脂分布平均。
牛肉分量正常，不過稍為熟咗少少，但都幾好味。佢啲白飯好靚，好食😋。
.
環境：🌕🌕🌕🌑🌑
服務：🌕🌕🌕🌑🌑
衛生：🌕🌕🌕🌑🌑
抵食：🌕🌕🌗🌑🌑
.
📍餐廳：
Nikushou (銅鑼灣)
銅鑼灣耀華街38號Zing! 22樓

#foodiejobie中環 #foodiejobie日式 #foodiejobie藍色線
味道：🌕🌕🌕🌕🌑
環境：🌕🌕🌕🌑🌑
服務：🌕🌕🌕🌕🌑
衛生：🌕🌕🌕🌑🌑
抵食：🌕🌕🌗🌑🌑
.
🇯🇵有下次嘅中環人氣居酒屋❤️
佢嘅內外裝修都好有日本感覺，而裏面佢係黑蚊蚊嘅，有啲似酒吧，但又唔會好似酒吧咁嘈，幾relax，有少少旅行嘅感覺！
整體嘢食都唔錯，食咗幾樣都幾OK！
.
🍴Prawn Tempura（$158）
正常tempura，唔係話特別好好食嗰種，但口痕想食吓tempura都可以叫嚟食。但佢個汁做得好好，為整體加咗唔少分。
下次我想叫火燒牛油帶子！因為見到隔離枱叫咗，真係有火燒住碟帶子，waiter會一邊幫你炒熟佢，超重牛油香味搞到我好想食！
.
🍴Kimchi Udon（$228）
呢間餐廳嘅其中一樣signature烏冬，雖然有泡菜，但係佢唔辣嘅，因為溝咗好多芝士做咗個汁有啲似韓國餐廳食到嘅卡邦尼年糕嘅汁，d烏冬就好似舊年糕咁，係幾得意，但唔係話好食到有驚喜嗰種，但個感覺幾新鮮，好食嘅，所以我都會想食。
.
🍴Crispy Caramel Butter Corn（$98）
呢個其實見到個名已經好想食，用焦糖燒到佢表面香脆嘅牛油粟米，呢個係好推介要食，啱晒鍾意食甜野又香口嘅人！我下次去都會再食！
.
🍴Agedashi Tofu（$98）
呢個豆腐係因為見到隔離枱叫咗，見賣相幾好又幾香所以跟人叫。佢係一個極之濃味嘅汁，有好多菇碎，質地濃稠，好容易掛汁上去豆腐到一齊食，呢個都幾有特色。
.
🌟佢有個好多人叫嘅雪糕餡macaroon甜品，我好想食，不過嗰日冇叫到，好想下次去試吓。
.
📍餐廳：
Fukuro (中環)
中環伊利近街1-5號永利大廈地舖