補貨剛剛到埗，現貨發售中。擁有落場版七八成球感，但價錢更加抵玩，有朋友試完之後都讚抵踢，用黎友賽比賽性價比更高。
歡迎whatsapp 51288455查詢
【實測報告】Nike Magia
其實番左貨都冇拎出黎賣嘅原因係想試真啲個波嘅特性。經過差唔多兩星期測試可以正式動筆。作為Nike嘅中高階嘅足球，因為香港冇番過。結果手痕訂左番黎試，睇下同踢開嘅落場版有咩唔同。
Nike 足球大致上分開左5個唔同級數，除左最頂級嘅落場版Merlin，一般大家常見嘅係賣$199嘅Strike，而今次介紹嘅Magia喺級數上僅次於頂級，同樣係擁有FIFA 認證。整個系列分為5個級數。
Nike Pitch < Nike Strike < Nike Strike Pro < Nike Magia < Nike Merlin
Nike Pitch係最最最入門嘅款式，冇記錯係賣$99-$159呢個價位，而大家喺坊間最容易買到嘅係Nike Strike ，之後Strike Pro 係比較近期見到嘅款，之後直上Magia ，而最頂級嘅係港超英超西甲都用緊嘅Merlin。因為版主已經用緊Merlin，大約知道球感同特性。而Magia係香港冇引入，就連落場版連零售店都難搵，要從特的渠道先可以買到。不過就算比你買到，見到賣成千蚊，又未必捨得買黎踢，所以今次試一試呢個中階款，希望喺價錢同質素上取得較好嘅平衡。既然要試要比較，搵番個同樣有FIFA Quality Pro 認證嘅落場版相對公平啲。
如果分別兩個波，拎埋個落場版對比就會搵到。首先兩款波已經採用黏貼皮革嘅方法生產，同普通及入門版機縫皮革少左爆線機會。落場版用4塊皮革形成球體形狀，令到波嘅飛行路線更加穩定。而Magia採用12塊皮革連結而成。而皮革用料上，Merlin加入ACC技術，不但皮革較Magia厚，而且面層紋理更具抓著力，喺控球嘅時候更穩定，Magia皮革表面都會有防滑嘅物料，但一摸上手就會知道唔同。不過已經屬於「準頂級」嘅配備。喺球重方面，Magia係較為輕一啲，感覺約同頂級差10%，但踢開業餘波嘅朋友未必鐘意Merlin 嘅重量，而且比較「墜腳」，甚至射波斬波未必會好去。相比之下Magia 重量較輕，但輕得黎又唔會好似Strike 好難食得應個波，外觀上雖然差唔多，但Magia會少左落場級嘅「X」準星位，不過踢波都係咁射咁傳，影響冇咩大影響。
喺實測呢段時間，個Magia嘅特性都幾多。通常個波好肯去又未必會好飄，好飄嘅波又未必好穩定。但Magia嘅特性上述嘅條件全部都有齊。只要輕輕力起腳射，個波好肯去飛，你係會感受到食得好應。個波已經直飛，球速上甚至比落場版更加快。用黎做長傳好似有距離加乘，以版主嘅腳頭，五六成力已經由半場踢到入龍門，飛行路線係擁有唔錯嘅穩定性，大約已經有7成，但感覺上個波嘅球速同飛行距離比落場版更快更遠。而呢個波嘅特性，應該可以令到好多龍門頭痕。個波一方面夠去夠快，但你要個波飄或者曲墜都較落場版容易，對於玩開射波嘅朋友應該係恩物。你越大力Ban，個波就會越去，球速夠快，好多時令龍門睇住個波入，不過接上手又冇落場版咁重手，一般業餘龍門手法都可以接得舒服，冇落場版咁重炮。到版主用黎試踢曲墜球，因為球速夠快，只要食正波嘅正中心點，就好容易射到曲墜，試過擺喺23碼範圍，就輕鬆射死打龍門嘅朋友，喺連撲嘅機會都冇😂。至於傳控方面，個波又同一般足球差唔多，唯獨係冇落場版咁墜腳，所以輕輕放鬆腳腕就控到你心目中想要嘅地方。對於版主黎講，呢粒中階版嘅玩味更高，我會覺得比起Adidas嘅落場版更肯飛，球速更快，但你要個波曲墜，個波就好易踢得到，而且變化會大啲。用黎做長傳，穩定性就同Adidas落場版唔會差大遠。即使基本技術唔係太好嘅朋友，都好容易控制到個波點射點傳。係一個幾好「夾人」嘅足球。
喺測試期間，除左自己拎黎踢，同時亦搵左位踢緊港超同港乙嘅朋友試過呢個波。希望得到嘅意見更加持平，兩位朋友都覺得個波相比落場版略為輕啲，同時都覺得個波好肯去之餘，又好容易射到飄。但喺長傳上係以差唔多嘅力量，可以踢到更遠同球速更快嘅波。
總結
版主踢開較墜腳嘅足球，呢款波係相對容易控制，特別係斬波同生球，個波遠得黎，飛行嘅穩定性都同落場版唔會差太遠。比起一般嘅練習版 (Nike Strike) ，感覺會重啲啲，但不論飛穩定，同射門等都擁有唔錯。而且球速更快更穩定。以一般踢開業餘比賽嘅朋友，控傳射都易控制。加上採用嘅物料同貼皮方法已經擁有頂級嘅質素。價錢上只係落場版正價嘅
約1/3，但已經有Fifa認證，不論作為業餘比賽嘅用波或者練習用波，已經足夠有餘。
Size: 5
Price: $500 (現貨發售）
歡迎whatsapp 51288455訂購
fifa 23控制 在 【WoS】FIFA 23 遊戲畫面&控制設定FIFA 23 ... - YouTube 的推薦與評價
【WoS】 FIFA 23 遊戲畫面& 控制 設定 FIFA 23 Controller and Camera Settings Tutorial. 4.2K views · 10 months ago # fifa23ultimateteam ... ... <看更多>