工作真是很累, 經營真係好難, 開發新産品每一步都如履薄冰, 同行又好, 百貨Buyer又好, 同事又好, 朋友又好每一次介紹新樣板我都好興奮咁講"真係好正, 但係如果少人買就執笠", 閒話一句, 雖然個個都唔信, 但係真架
今天八個人企了九個鐘, 我無坐過, 無去過廁所, 真係好多人支持, 人人鬧我定價定得平, 我笑說希望多D人買客又開心D, 廠友又開心D, 今天場內有D熱, 小朋友玩到出晒汗, 排隊入場, 無人話唔靚, 無人話貴, 啱Budget的買走, 唔啱Budget也影幅相走, 大人小朋友樂在其中, 你問我們一班做玩具的大細路, 最開心就是這樣!
鴻興嫻姐, 名車Cherry, Toyzone Raymond, 仲有隔離超跨張的Peter, 大家風雨同路十五載, 一齊再做展銷那種情懷絶對無"錢"的味道
今天多謝Auto Model Alex Couple的Lemon Tea, Wilson的壇香蛋鐽, Johnson的蛋卷, 要知道他們好像探班咁嘅心, 真的十分窩心! 也多謝無數朋友如Depot Dennis, Mazda Team...仲有好多Tiny facebook fans,我可能唔知你們的名字, 但你們親身, Whatsapp, Messanger的支持, 真的好感動, 香港人就是情深義重!
最估唔到, 可能是我們的Display set枱咁高, 大人企直望不到燈閃, 反而所有小朋友正是Eye Level望, 他們看紅綠燈是最耐最入神, 見到消防警署他們不是好像大人那樣計較比例, 性價比...而是愛恨分明, 要警局的堅定不移, 要消防局的專一不二, 問他們為什麼㨂這個, 全部不答我, 現在的新生代表現出"喜歡就是喜歡,不用解釋"的思維, 有一半買紅綠燈的竟然是家長, 他們不是collector, 原因他們告訴我是"我小朋友真係望左好耐, 佢真係好鍾意"
最後我要感謝全公司同事萬分疲倦九点才從會場走, 十点才晚餐, 沒有他們的投入, 便沒有動人的創作展示, 我相信除了親人其實做同事也是一分緣份, 大家很辛苦, 但見小朋友collector讚賞時大家都覺得辛苦是值得。
明天見!
