關於 excel前五個最大值平均 ，我們在網路上蒐集到這些相關的討論、資訊與評價

［In維基we trust］係喎，業績麻麻。但，股票睇將來嘛。況且，仲有北水。未有？就係未有先有得升，到有就沒戲唱啦。

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
月尾join Patreon有得回水一個月呀下，當然係要下個月你仲訂緊先回畀你，即係免費益你睇幾日。仲可以睇晒舊文。睇完覺得垃圾都只係一舊水啫。拎晒我啲Excel唔使自己data entry 搵晒我啲Good Read save起佢睇到下年都夠抵啦
＝＝＝＝＝＝＝＝＝＝＝＝＝＝

1. 哇，幾日就14%呀，annualize 返仲勁過畢菲特！不過有春用咩，買得嗰小小，叫做幫補下打邊爐咯。係喎，有嘅錢我都瞓晒落去了，我而家已經得返幾十蚊 — 冇錯，嗰466蚊剛剛都提埋！夠食埋今晚同聽日！

2. 你可以話「做才俊做到你咁撚霉，霉過楊玉梅」（俊？邊撚度俊？）。但，認真，我身體力行話你知咩叫stay invested．唔借錢唔做槓杆，但100%股票（未計我層樓啦），都話戶口唔會超過五位數—實情好多時去到五六萬已經買股票，好似今次咁。

3. 拿，Patreon一早講咗的，冇點你，仲有讀者跟。甚至買之前都話定畀讀者知，當然因為成交都算多（咁我買5萬蚊啫），太少成交我就唔寫或者唔會買，免得你覺得我買完唱好沽畀你。

4. 驚？有乜驚！「唔驚跌咩？」「咁如果升呢？」。咁你話升多定跌多？更唔好講咩一秒鐘印緊100萬美金呢啲衰嘢。Repeat after me，一隻股票最多只能跌100%，但可以升100萬倍．或者現實啲，升10倍，夠你冚好多隻輸錢嘅股票啦（況且，好少真係跌100%嘅）

5. 好多人以為投資，就係隻嘢10蚊我9.5買入9蚊止蝕11蚊止賺，或者27000沽咗佢 23000再買返。你應該去睇下《莊子》（＊），係喎，《莊子》真係有講，你見啲狐狸為捉嘢食跳嚟跳去，咪又係中機關。係咁易嘅，你就發咗達啦。If you guys were the inventors of Facebook, you'd have invented Facebook

6. 咪話唔提你，仲有排炒，我先唔會升十幾二十巴仙就沽咗佢「止賺」。當然有排唔等於永遠，對我嚟講，呢隻都唔似係可以長渣嘅股票，冇法，偶像都係咁講。當然我嘅長渣講緊三五七年。

7. 炒乜？入北水嘛，港股通嘛，雖然話「大陸佬冇興趣買呢啲」，但真係「本斥但大」，人太多，錢太多，你求其一條村有個微信女吹雞買都已經夠。應該係

8. 唔好只係望住恒指執位邊隻入邊隻出先得架，要走窄的路。有冇睇埋個「恒生綜合指數」？固然「恒生綜合指數」唔係「恒生指數」，正如「神聖羅馬帝國」唔係「羅馬帝國」，但，入到「恒生綜合指數」，就有機會入港股通嘛！

9. 當然唔係自動波，要50億市值，同埋亦唔係一個月，要12個月平均。咁幫你計埋，當然已經夠，就算唔夠都好快夠。不過，仲要成交夠，夠唔夠？我就唔知，「星展年代都係踢畀junior做」，但，大行報告話夠。

10. 又，呢個華盛倉，就只係買咗呢隻股票，一眼睇晒。非廣告。做乜開華盛？都係呃下迎新咁咯。

（＊）認真的，有一期我真係想出本書，《莊子中的投資智慧》，不過實在實在太老餅。都係好似而家咁比較啱我風格。但，其他小朋友去遊樂場玩嗰時，我咪在石園角村阿公（遲下會再寫佢）睇舅父嘅《莊子》咯，當然只係蔡志忠漫畫版，但夠啦。然後再大啲我就睇阿公嘅《不文集》，冇耐阿公就死撚埋了。

＝＝＝＝＝＝＝＝＝＝＝＝＝＝
一週年！比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1900人訂！ 畀年費仲有85折，20/40年費VIP 送本人著作一本。
月尾join Patreon有得回水一個月呀下，當然係要下個月你仲訂緊先回畀你，即係免費益你睇幾日。仲可以睇晒舊文。睇完覺得垃圾都只係一舊水啫。拎晒我啲Excel唔使自己data entry 搵晒我啲Good Read save起佢睇到下年都夠抵啦
＝＝＝＝＝＝＝＝＝＝＝＝＝＝

［今日寫呢啲］呢篇就勁咯，週末專題，有埋個Excel畀你Download 返屋企。嘔心瀝血，冇苦勞都有肺癆呀

TLDR：邊個話大股唔識升？Big Tech年初至今升25%，跑贏晒絶大多數指數。枉我推介時仲有人話升得慢。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝

先解下呢張圖，就係個Excel，當然唔止Facebook 蘋果，我hide咗啫，有齊晒啲數字。另外右邊嗰張圖係另一張sheet，各自公司特有嘅嘢，貼埋過嚟等你知道有。

咁你話，扯，我搵個皮幾嘢嘅junior去入都得啦，或者去Bloomberg download都得。的確係，但即使我有個皮幾嘢嘅junior（其實唔止）又有Bloomberg 用嘅年代，我都仲係好多嘢自己入的！一來入data係我興趣，二來，我幫你入埋，你連個junior都慳返！Bloomberg錢都慳番。雖然唔係你畀，但，「有啲人係冇junior同Bloomberg」嘛。而家只係一舊水，我就幫你搞晒，仲附送過往幾百篇文。幾時都係嗰句，覺得唔掂嘅，月尾咪cut咗佢，我幾時有阻止過人？但就係而家已經1700人。斷估唔係貪我靚仔。

況且，你個junior或者部Bloomberg，唔識寫文下話？識嘅我就冇得撈啦。講真，一舊水，我請我junior食早餐都唔止（一百蚊嘅早餐唔係好出奇啫），齊齊開夜我請佢食飯都唔止啦（有當事人可以做證）。

言歸正傳，我一向都係Big Tech支持者，五隻我都買齊（但留意我仲有買舊經濟股）。成日都推，舊年就不用多講，但我講係今年！我相當唔開心嘅係，我同啲讀者叫佢地買Facebook 買Google Microsoft，都畀佢地話升得慢，唔郁，唔知想點。可能咁啱嗰時3月吧（今年3月！唔係舊年3月！）

有數字你計，Big Tech今年平均回報25%，跑贏晒咩道指納指標指恒指。咁你仲不滿嘅，我都唔知有乜可以安慰你，唯有祝你下次甘心。我知，我一講平均，你想講睪丸嘛（呢啲睪丸撚真係好撚煩，再次證明識少少嘅人，比完全唔識嘅更加煩）。咁好丫，唔講平均，根本5隻有3隻都25%以上。我當你最黑仔買著最廢嗰兩隻，都8—10%。好失禮？如果以後次次半年都有咁回報，我還神了（甚至全年我都OK）

咁但你係要捉住今年3月嗰時講就冇計。之前講過，美股標指由舊年3月到而家升咗年半，都冇一次10%嘅調整。但納指就有的，今年3月嗰一浸咪回咗10。同舊年一樣，你唔使叻到撈底，但唔畀人震走已經掂啦。呢啲心法成日講。

但同樣地，你見Cathie Wood隻ARKK，3月已經好多人叫救命，叫開契媽就改晒口叫人臭X。最慘係5月再一棍，高位到5月低位，插咗36%，個個咪去「止蝕」。留意我買標指根本連5%回調都冇，坐得安心，仲要年初至今升18%。咁你又想講，睇乜位買嘛。但根本有數做到，你計money weighted嘅，買ARKK嘅人係輸錢的，亦即係多數錢係高位衝入去（最正係而家又返返年初嘅位了，但好多人已低位「止蝕」）。而點解ARKK堆嘢會咁（剛剛先返年初嘅位），Big Tech就升到25%？就文入面講了

每間公司嘅數，我會在Patreon入面講，但分分鐘你download咗個Excel都知道七七八八。咪就係疫情受惠股，明明原本2019年Big Tech收入增長已經放慢，但疫情下又增速。亦唔止係因為低基數，你見有啲公司根本冇受過影響，有啲就先受少少打擊然後先再加速，文入面細講。

而基於Big Tech嘅本質，都唔使講，收入增長，純利就必然跟住升，甚至升得更多啦。反正都唔使點請人（Amazon例外）。點解股價升咁多？咪因為好賺錢！有幾難明？ 固然你如果扑中啲人人以為死得結果唔死嘅公司，回報仲勁，但事實見到絶大多數人都頂唔住嗰啲波幅，或者係咁意買小小。

最後會講多兩樣嘢。第二季增長一定勁，但去到第三四季增長會放慢（基數嘛），但Big Tech仲有一個殺著：就係回購！咁當然唔止Big Tech做回購，但點解佢地做得特多？就文入面講。

而家呢啲Big Tech公司，技術已經唔係問題（$之嘛），收入增長利潤增長亦都唔係問題。咁問題嚟自邊？當然係對手。對手有兩種，可以係Big Tech之間互片，或者係政府片佢地

Big Tech之間嘅互片，文入面會我會講幾個例子。至於政府片嘛，上星期咪見到Facebook 1萬億市值咯，點解呀？因為（暫時）告佢唔入。而家Big Tech新請請得最多咩人？唔係工程師唔係金融人，而係律師！是真的。政府監管有幾大影響？都係文入面講

最後，買邊隻？Er……其實呢度一開頭已經答咗你啦。不過真係揀一隻？我都好似有提過。呢排請律師請得最多嗰間。照計你自己搵到答案。

但，你估真係我畀個冧把你你就發達咩。同樣地一隻股票，都有啲人賺到笑，有啲人輸錢係咁鬧啦。問題在邊？問題咪在你自己。呢個亦係我啲文一路要做嘅嘢。

＝＝＝＝＝＝＝＝＝＝＝＝＝＝
月頭訂最抵！2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100，已經1700人訂！ 畀年費仲有85折
＝＝＝＝＝＝＝＝＝＝＝＝＝＝

［今日寫呢啲］真係結果在我生日前（七一呀！）夠1700人！多謝大家。我信相讀者嘅眼睛係雪亮嘅，最重要係，我又唔係有線，你覺得垃圾嘅，一個月後咪停咗佢咯！從來都冇人阻你。仲有，而家月尾訂嗰啲，因為即時扣錢，咁下個月我會退返一個月錢。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100港紙有找，半年已1700人訂！ 畀年費仲有85折
＝＝＝＝＝＝＝＝＝＝＝＝＝＝

快講，因為昨晚我係懷住悲痛嘅心情打文的（知點解呀可？）。咁今日奈雪之茶2150上市，照計唔使講都知點做。之前Patreon都分析過間公司，4000字，但其實講到尾，唔好賺，貴，亦冇乜咩咁高門檻。照計抽孖展嘅要輸錢啦？教訓兩個，首先香港抽新股普遍都搵笨（你有冇見人咁倒米？因為我唔打券商工咪可以講），第二，你啲咩幾百倍超額認購嘅「供求」，係假嘅。

大快活業績，實情冇乜好講，又唔係大。不過我之前都有跟進開，咪繼續，同埋有埋個Excel畀你玩，你自己入嘅時間肯定超過你畀Patreon嘅錢啦！而家大家crowdsource畀我做呢啲粗重嘢咪好。當然你可以話搵個南亞仔或大陸仔入仲快仲平，但，其實入data都要啲腦嘅。

我幫你拆開返晒4次半年，拎咗幾多補就業，你完全會睇到呢四次半年（留意第一個半年時都未有疫情，但有社運），收入毛利等等點變。公司派息不錯，你襟股票機都4厘，計最新嘅5厘。咁維唔維持到？就文入面話你知

美股嘅，Microsoft Nvidia Nike日日新高就不用講啦。見到耐唔耐有人話中咗嗰啲就大大聲，唔中又唔出聲。Yes and No。Patreon入面我連輸錢嗰啲都貼晒，但反正贏錢嘅夠冚晒輸錢嘅。仲有，唔會真係只講過半句我就龜公自己。呢幾隻，Facebook Page Instagram 我年頭講到年尾，成日講，自己都買埋。點會係提過半句就當中？貨真價實呀。同埋都係嗰句，我係咁無恥嘅，讀者都走啦。

好，講返正經，美股差不多半年，已經升14%左右，想講遠比我預期好（你啲網友個個一年可以升四成嘅就睇我唔起啦）。呢個數亦都遠比美股年度平均好。當然這不代表下半年會一定差，但，美股牛市已經一年多啲（未到年半），仲有幾多有得升？以前嘅歷史走勢係點？就文入面講。

Facebook （股票）嘅，我力推咗N次啦下話，明報 經一 蘋果都寫過，亦都自己買埋。係因為就住好多人聲稱唔用Facebook（咁，又會睇到我篇文嘅？）我先就住講。咁而家成為第五間1萬億市值嘅Big Tech，當然一樣有人話，超，人地蘋果 微軟2萬億市值啦。係喎，Faecbook係最遲達到呢個成就嗰間，亦係FAANG之中最細嘅，一直都係。但，有冇諗過，佢有一樣嘢同其他四間好唔同？

最後，美國銀行股，其實之前寫過，但我都冇乜理。過到壓力測試嘛，預咗啦。咁過到又點？咪可以回購同加派息。咁但，估唔到咁快公佈！摩根士丹利昨晚就公佈加派息，一個開！其他幾間都係

但你見股價反應？都係麻麻。係摩根士丹利升3%咯，其他有啲仲要跌。點解？

另外，知唔知之後睇乜？梗係睇匯豐！係喎，匯豐唔係美國銀行喎，我唔知呀可？

又，講明先，冇叫你買匯豐，千萬千萬唔好買。唔好輸咗錢又出嚟鬧。實情我到而家都唔明我有幾時拎住支槍叫你做，或唔做任何嘢。

＝＝＝＝＝＝＝＝＝＝＝＝＝＝
2021比別人知得多。subscribe now（https://bityl.co/4Y0h）。Ivan Patreon，港美市場評點，專題號外，每日一圖，好文推介。每星期6篇，月費100港紙有找，半年已1700人訂！ 畀年費仲有85折
＝＝＝＝＝＝＝＝＝＝＝＝＝＝