今日DSE放榜，又令我諗返1x年前會考放榜嗰日。
我中四中五係讀理科嘅，諗住讀理科，第時揀大學可以有多啲選擇嘛。一開始都讀得好地地，但係一升到中五就完全追唔上，學校考試 Phy Chem Bio 入面好似得bio合格。其實無理科頭腦就係無，所以習我都無補（因為真係聽唔明），最後我靠喪背past paper，僅僅夠分升中六。
放榜嗰日，我同老師講：我要轉科。
老師呆撚咗，問我：er...你轉咩科？除咗讀過Econ之外你咩都無讀過，無科俾你揀喎。
我答佢：我想修會計！我考完會考就去讀咗個會計初班，考咗個證書試合咗格㗎！
可能無咩學生無啦啦會轉科，佢哋傾完一輪，走去問中六會教會計嘅老師收唔收我，個會計呀sir話收我都得，不過要過埋佢俾我嘅test，最後當然pass咗啦。
成件事由plan報會計course到轉科，都係我16歲嘅時候一個人決定，因為老豆老母都唔識俾意見我🤷🏿♀️
而家諗返，如果我無轉科，Alevel一定收皮，咁我就入唔到大學，又讀唔到nursing，又識唔到🙎🏻♂️，更加移唔到民。
我好想多謝16歲心口有個勇字頭腦又咁清晰嘅自己。又，年青人其實真係好知自己做緊咩，因為我都曾經年輕過。
PS1 會考高考而家諗返真係乜9都唔係，畢咗業咁耐，從來都無人問過我當年拎幾多分🤷🏿♀️
PS2 我相信命運，同埋天無絕人之路，大把人考得唔好未一樣撈得好掂 （EKids除外lol）
