關於 clipping意思 ，我們在網路上蒐集到這些相關的討論、資訊與評價

【Merry Yellow Christmas】
今日講下工作。

「失戀」過後工作當然繼續。今天和客戶討論所剩無幾的聖誕工作。今年的pitching特別難做，雖然很多商場都scale down了聖誕promotion，但如此時勢，幾靚嘅decoration都無心機pitch。每當遇上社會氣氛緊張，同事們都不好意思打電話給記者朋友：出面打緊仗，你依家叫人出去玩？會唔會太平衡時空？好唔好意思呀？

與客戶報告今年clipping成績較差之際，感恩客戶安慰：「大家盡力做啦！講真，今年叫我地好似平時咁歌舞昇平慶祝，我自己都頂唔順。大家共度時艱啦！」客戶是中層客，當然上面仲有大客和大大客和大大大客會壓下來，我不知道中客會否頂得住，或是她根本未能為我們說什麼。

在亂世裡，簡單的一句人話，已經是種安慰。因為，這幾個月，我們實在聽到太多不是人的話，不是人的畫面。

無論商場攪得如何漂亮好玩，在公關仔心目中，都不及與手足在煲底相見，開Christmas Party開心。

預祝大家Merry Yellow Christmas！

PS：昨天的割蓆Post，估不到大家如此踴躍的回覆。還收到不少窩心的Inbox，更陰功是原來不少朋友有相類的經驗，與多年朋友從此分道揚鑣，真係痛過失戀。昨日網友Inbox一句感受甚深：「人生旅途上，有些人註定會同你一齊上車，也有人註定會落車的，即落定慢慢落架啫。」

本來這個page是想和大家風花雪月鬧下客，意想不到得到大家的厚愛，雖然沒有見面，但幾年下來與好幾位網友經常聯絡，成了真正朋友。昨天得到大家留言和鼓勵，亂世裡同行互勵，感恩感激。雖然近日運動算是平靜，但民憤未熄，人心不滅；我們爭取的還沒有達成，各位手足一齊努力！

愛你哋呀！ <3 <3 <3 (係有啲老土，但我係真心架)

再PS：如果有客戶見到呢個Post，希望大家明白公關們的難處。相信能夠做嘅，各位公關都已經努力做緊。但現今free clipping已經難攞，加上咁嘅時勢，每一粒clipping都超級唔容易。能夠體諒或幫公關們出句聲，感激不盡。

#五大訴求缺一不可
#祝各位要跑Clipping嘅公關都可以跑到數
#祝各位記者朋友平安健康這些日子辛苦你們了
#祝香港人個個齊齊整整
#圖片來自 眾新聞

【辱公關罪】
警察覺得工作壓力太大，覺得市民唔尊重要訂立「辱警罪」。咁我哋呢班有返工無放工嘅公關仔，都應該幫我哋訂立一條「辱公關罪」啦！其實我哋好多時做野都會俾人問候，而令到公關從業員工作壓力大到想暗角打鑊嘅，仲有以下事件。
如果可以按呢啲幫公關仔們立法，咁我支持「辱警罪」立法！

客戶：
- 自製公關災難，然後大聲兇個公關：「你公關嚟架嘛！單野你攪返掂佢！」
- 亂Q咁改啲新聞稿，寫錯字白字口語字：「我一向都咁寫。」
- 是但淘寶淘舊嘢返嚟做Decoration然後同個公關講呢單嘢好excited，你幫我pitch 100份free coverage
- 想搵劉德華級數明星出show但budget只得1萬：「你公關嚟架嘛，搵人脈攪掂佢啦！」
- 放工前周五晚或深夜打嚟話有份嘢叫你做，「你公關嚟架嘛，好快攪掂啫，我聽朝要。」
- 推自己啲嘢俾公關做然後係咁奪命追魂call：「我好急要交俾老細，你公關嚟架嘛，做野咁鬼慢。」
- 工作好滿意但我要cut budget：「你公關嚟架嘛，你咪向啲contractor壓價囉！」
- 「我要個Project從來無人做過，但要俾successful case我做reference。你公關嚟架嘛，唔係少少reference都俾唔到下嘛？」
- 開完通宵聽日準時9點開會

Contractor：
- Confirm晒design開工時叫公關覆個客：「唔好意思其實我做唔到。」
記者：
- 「唔即時做訪問我哋拉隊走。」
- 活動期間向台上大叫：「做訪問呀，rundown唔會寫架」

artist：
- 出show唔背稿
- 後台對working level西面無禮貌，台前對management笑晒送波功
- Confirm前經理人咩都應承，confirm後咩都唔得：「你公關嚟架嘛，同個客講講artist唔想做囉！」
- 整容，明明邀請佢出席講event變成講一號眼二號鼻嘅新聞

Clipping House：
- 明明出咗coverage但永遠唔提clip唔到：「你公關嚟架嘛，實知記者出咩架，我哋點夠你嚟呀？」

#寫到呢度已經想爆血管 #其他麻煩各位公關仔繼續寫