有個廿歲妹妹仔，不嬲都冇做開運動。突然的起心肝Join左個 HIIT Course 即係乜乜 high intensity interval training。一句講晒，辛苦到爆，自己攞嚟賤”有益身心”嘅運動。🤣
佢連續上咗幾堂之後話太Chur，搞到兩隻膝頭哥好痛，自己已經休息左一個禮拜。今日睇醫生名義上就係想睇膝頭哥痛。實際上就係想攞封醫生信，寫佢要停個course三個月。冇封信，佢就一路要俾錢交月費。
今日見佢兩個膝頭唔紅唔腫唔痛，行路健步如飛。我點寫三個月俾你休息呢？最多寫住一個禮拜，跟住返嚟複診做Reassessment，睇下有冇需要再續封信，咁都好合理呀？我都冇一嘢拒絕要請你。你下個禮拜返嚟，有需要嘅咪再出第二封信囉～～～ 一人行一步呀嘛～～～～～
我梗係諗多咗啦。囡囡跟住當然唔多歡喜。止痛藥又唔肯食，照X光又唔肯，淨係要封信。佢講我唔過，要求睇第二個醫生。個結果咪又係咁，維持原判。
我想講我上次入廠，開埋刀就嚟死咁滯，都係得兩個禮拜病假。妹妹你不自量力做唔到咁犀利嘅運動，麻煩你自動退出。俾少少錢當上一堂寶貴嘅人生課，7左次咪算囉。同埋有啲嘢都係循序漸進好。你平時唔郁開嘅，又點一下子跑馬拉松呢？
依家啲病人入到黎，覺得你乜嘢都要幫到佢。幾唔合理嘅你都要做。乜嘢都係佢話點就點。滿足唔到佢就發爛渣。比得個少少錢就當正自己係大爺。我有小朋友一定唔會叫佢做呢行。做醫生唔係一個高尚職業，甚至乎連專業/尊嚴都會俾人挑戰/踐踏嘅行業。
～～～
有個容光煥發嘅病人黎探我地，佢就黎結婚，派餅氹番我。恭喜恭喜！要幸福喔～～～～～
chur點寫 在 回應同學問題！「Chur」字嘅正確解釋係咩？#shorts - YouTube 的推薦與評價
DSE中文#同音字#正字「 Chur 」字講就講得多，但你知唔知個正確字義？【相關影片】 ▻DSE中文｜O型血有義氣又有超強 ... ... <看更多>