【 #港式戀愛日常 - 懷疑自己中肺炎嘅情侶 】
呢排肺炎疫情再爆，搞到我同女朋友都好緊張，早排日日懷疑自己中肺炎嘅情況又出返嚟... 話說前幾日同佢去餐廳食嘢，啲冷氣太凍搞到佢連續打咗幾個乞嚏，佢即刻好驚咁同我對望，然後講講下仲覺得自己有啲食慾不振，又有少少喉嚨乾。我同佢講：「但你啱啱先食完米線加底」，點知佢仲擔心：「而家好多都無病徵㗎！」、「我係咪要去check下喇？」、「你摸下我有無發燒！」、「死啦，我早排去過新城市廣場」...
.
跟住我安撫咗佢一輪，佢終於冷靜返。不過而家到我唔冷靜，因為我聽完佢講驚埋一份，仲要唔知係咪食得太多有啲肚痛... 原來情侶之間嘅擔心會傳染，結果我哋一齊驚咗一日...........
.
其實有危機意識係好事嚟嘅～ 不過大家可以放鬆啲，唔好兩個一齊傻奸奸覺得自己瀨嘢先！不過如果真係有懷疑，就去check check啦～ 想問下大家另一半係咪都會疑神疑鬼🤣？
.
P.S. 呢兩日有啲好重要嘅嘢，大家記住做呀，一齊珍惜大家擁有嘅權利！但係天氣熱又人多，除咗小心中暑，仲要小心要做好個人衛生同唔好同排隊嘅大家企太近呀，一切小心💪🏻😀
.
#今次瀨嘢喇 #bb你覺得我係咪發燒 #肺炎 #香港 #香港人 #確診 #隔離 #情侶 #愛 #愛情 #愛情語錄 #女朋友 #男朋友 #女生 #男生 #拍拖 #拍拖活動
.
即like @港式情侶 HKstyleCouple 緊貼更多港式愛情生活資訊❤️！
IG : https://instagram.com/hkstylecouple
歡迎Dm投稿戀愛趣事，我哋等緊你㗎😙！
