我真係恭喜你呀.... 呔仔！
入左 district既 Swim Team喇~
🥳🥳🥳🥳🥳
好似我都好耐無寫野咁。你地見呢期好多時都係回顧吓日本之旅。而其實除左日日同呔仔游水之外。我真係無乜野做過。所以好少update 😅😅
係咁既。呔仔pandemic 之前跟 swim team個 coach游水。游左幾堂個 coach覺得呔仔可以入 team。正當tryout果個禮拜。swim pool 就疫情關閉。到而家成年幾。得知swim team 開返。加上呔仔又打左兩針。我7月頭就幫呔仔約左再去 tryout。 果次唔得因太耐無落水。游到好似遇溺咁... 🙈🙈
咁我成個7月就幫佢報左堂每日游一個鐘。我見佢個 level 都幾癲吓。果一個鐘不停咁 10個直池 freestyle / 10 個 Backstroke / 8個 Butterfly / 8個 Breaststroke 再加 跳水 踩水影 turns 果D。recall 返佢之前學既野 又有教新野。再同時 之前教開個coach好好人。另外幫呔仔執左幾堂姿勢~
我就日日陪佢去練水囉。無堂D日子就車佢去其他泳池游。我等佢慣左要practice。佢而家發育時期唔消耗佢D精力唔掂呀！一日游得1 個鐘我都覺得少。全日就無聊響屋企睇電視打機。得閒就backyard打吓波咁~
好似有2個禮拜係中午游完水。下晝去陪個同學打羽毛球既 😄
細佬同佢相反。自己要求日日都去 full day basketball camp。非常好 😃
就係咁。經過呢一個月訓練。呔仔進步神速。最勁係 coach次次教完佢。佢都好似開左竅咁！睇到佢個泳姿係好大分別！要好多謝 coach成日比信心呔仔。次次我問呔仔係咪麻麻。佢都話佢覺得好好。已經好 ready入 team.... 令呔仔充滿信心！真係好多謝！♥♥
你地睇吓呔仔個眼神幾有希望！😂😂
