夢的花嫁2小時版
如當呢套係《花與愛麗絲》第三部﹐黑木華Kuroki Haru的日文也可寫hana﹐咁條女即係鈴木杏。
卡通版講「花」係隱蔽青年；真人版「花」識朋友(蒼井優)、幻想溝仔；《夢的花嫁》則係條女進入現實社會﹐無工作無夢想無家庭無朋友無生活無老公。
對照言﹐《花與愛麗絲》的所謂「小確幸」﹐其實係少年時的放任/率性﹐溝唔到仔、讀唔成書﹐遊手好閑﹐統統唔所謂﹐做到15分鐘英雄就好high(跳ballet、做時裝雜誌model等等)。
港台左膠、文藝界幾廿歲人重鼓吹呢o的﹐小小的幸福﹐當然係打壞。
呢套「花」真係入到大人世界(重係後311)﹐想繼續自high﹐當然冇咁簡單啦。
呢個係岩井最大的問題﹐劇情超現實得咁緊要(如最後葬禮)﹐但佢一點諧謔、嘲笑、異樣的感覺都拍唔出來(如剛哥喪喊﹐你話係真定假？)﹐而最後一鏡亦一樣﹐一點反諷都沒有。唔去探索人物最深入的情感﹐就叫膚淺。
(爆橋)
看了半小時﹐呢套野直情係《尸奔女子高校》啦。
不同的是﹐園子溫套野班女係有進化﹐殺到埋身﹐想唔拔刀都唔得。呢套野裡條女都唔係好人(即係沒有誰比誰更高尚啦)﹐由頭到尾﹐都係一個面目可憎的廢人。
《夢的花嫁》結局黑木華重同阿剛哥講多謝﹐好笑到極﹐畀人玩殘玩謝廢物咁丟﹐你重多謝佢。你諗下《尸奔》結局條女典對個百歲老人(齊藤工)？
片如其人﹐又一例證。岩井時代﹐真係過去了。
