冇得飛嘅日子，我已經盡量唔去諗旅行，偏偏Facebook好似同我過唔去咁，個「回憶」功能間唔時就會彈返啲當年今日嘅旅行相出嚟，你叫我點畀心機做嘢呀😭？
身邊嘅朋友同樣捱緊苦，就早兩日咋嘛，見到舊同事Stanley分享咗個「回憶」，仲打咗句喊晒口嘅caption：「幾時可以再去美國睇NBA呀😭😭😭？」明白嘅，大家都好懷念昔日去旅行嘅時光，但係當我睇見Stanley分享嘅呢幅NBA球場相，唔好話我黑心，我嗰刻真係笑咗！
話說當年佢攞咗annual去紐約玩，難得夾啱時間，就去睇咗場波。人生第一次入場睇NBA喎，唔打卡點得，而呢個Facebook post好快就畀同事發現，Stanley個WhatsApp之後未停過咁響，個個同事都叫佢去球場專門店買紀念品，又波衫、又tee、又頸巾、又水杯，唔知嘅話以為Stanley係做代購。
講真，人哋去旅行嘅時間都好寶貴，同埋你當人哋個喼係叮噹百寶袋咩，有無限空間㗎？不過又唔怪得晒人嘅，Stanley輸經驗，換轉係我會隔多日先出post，到時想幫手買都買唔到啦😁！
估到Stanley會躁，所以當晚我WhatsApp咗佢，睇吓呢隻叮噹咩情況。
「喂老友，爆喼未呀？」
Stanley：「好躁！幫你哋買嘢冇問題，但一次過啦，嗰個阿John正話先WhatsApp嚟叫我幫佢買波衫，我走咗九世啦，唔幫佢買又話我大細超！」
「可能佢啱啱先睇到你個post，唔好嬲唔好嬲。」
Stanley：「佢當紐約係香港呀？一出酒店門口就有得買呀？」
「冷靜啲先.......」
Stanley：「Sorry，激動咗少少，同你呻完舒服返。」
「兩兄弟唔好講埋啲衰嘢啦！係呢，方唔方便幫我買對波鞋？」
Stanley：「##$%@」
今個月26號就係Thanksgiving，然後Black Friday同Cyber Monday又跟住嚟，每年呢個時候美國大小商戶都會瘋狂減價，唔知Stanley又會唔會勾起返當年嘅回憶呢？疫情關係令大家都冇得飛，不過今時今日有Online Shopping㗎嘛，仲使乜麻煩人哋吖，揀間好嘅代購公司先係最明智。 Buyippee買+易 HK 一條龍負責晒代購、代運同售後服務，兼且以貨物實重嚟計算運費，並唔係將貨物所佔嘅空間化為公斤去計算，均真之餘仲隨時慳多咗運費添。
加上Buyippee喺美國免稅州份俄勒崗州設有倉庫，又有repack服務，慳咗稅買得抵啲，仲可以減低遺失貨物機會。佢哋嘅美國線係用UPS或FedEx快遞運送，旺季期間保持3至5個工作天出庫到港，絕少出現delay情況，買完心頭好仲要咁快收到，開心好多。
提提大家，Buyippee而家做緊Thanksgiving期間限定優惠，只要喺11月27至12月11日呢段期間落單，即賺20蚊Buyippee points獎賞，可以當20蚊運費日後使用。Click呢條link👉🏻(https://bit.ly/390ZblE)註冊做會員，接收最新資訊兼拎埋Buyippee美國倉庫地址，咁就唔會錯過Thanksgiving同Black Friday嘅折扣優惠嘞。
時間寶貴，我都要嗱嗱聲上Amazon睇吓有咩好嘢買畀阿媽，係咁先！
#美國感恩節 #Thanksgiving #BlackFriday #Buyippee #全球代購
amazon black friday幾時 在 【持續更新】Amazon 黑色星期五2021 優惠大集合、入手攻略 ... 的相關結果
Engadget 中文版現在為大家整合所有Black Friday 黑色星期五2021 相關折扣和優惠，同時還有代運、代購教學，讓大家順利買到心頭好，大家只要定期回來看就能追蹤最新 ... ... <看更多>