入面有解釋我呢兩日去咗邊──去咗另一個香港……
過咗兩日非人生活以後，今日終於重回人間：響呢兩日我總共打咗40個鐘《Cyberpunk2077》，平均每日訓得四個鐘；基本上係無食過飯乜滯（印象中好似食過一個杯麵），唯一將注意力離開電視一刻，就係當隻GAME撞Bug彈Game嘅時候。然後因為公務纒身，再加埋補眠回復元氣，拖拖拉拉就去到呢刻先寫完呢篇感想鳥……
其實本身無打算咁早買隻Game玩，因為網上評價實在唔係太好：PS4／XBOX One嘅畫面極度劣化，啲Bug多到令人髮指嘅地步（但無諗過後尾竟然變成咗防沈迷機制），自己部電腦又未Upgrade，所以其實我係建議未買Game嘅大家，有得揀都都等出年年頭PS5、XBox S Version，同埋網上反映Bug方面有明顯改善先至好買番黎玩，唔係遊玩樂趣至少打咗個七折。
叫人唔好買住，點解自己又9衝咁早買Game呢？主要係身邊唔止一個從來無打機嘅朋友竟然都話要買隻Game，搞到都係忍唔住第一時間買番黎玩。同埋本身只係諗住「淺嚐」一下隻Game睇下點解之前吹到咁巴閉，點知一玩上手就不能自拔。
首先要講，我個人對於家用機畫面劣化呢樣嘢就經已習慣哂，當年Bioware嘅《Dragon Age》經已係Console版同電腦版一個天一個地，同埋咁啱今次隻Game用Cyberpunk做主題，D畫面崩崩地似80年代Game咁反而啱啱地Feel，隻Game Bug到奇洛里維斯啱啱出場果陣個畫面花撚哂我都仲以為係隻Game嘅效果（我知啦這是自欺欺人）。
另外《Cyberpunk2077》亦唔係咩驚天動地嘅新遊戲，基本上每一個部份你都會見倒其他遊戲嘅影子：例如任務系統就係我地見慣見熟嘅Sandbox Mode，由《GTA》、《Red Dead Redemption》去到《Assasin Creed》，經已成為美式RPG嘅ISO；Hacking System基本上就係《Sleep Dog》加《Mass Effect》嘅混合簡化版；而第一身射擊果住打擊感、荒誕人物同故事設定、再加埋用一大堆霓虹燈充斥住嘅Cyberpunk，就係《Botherland》再加少少《Fallout》調味嘅風格。
但無創新、大雜燴並唔係一個缺點，正如《鬼滅之刃》，呢套作品的確係將好多王道動漫橋段炒埋一碟，但當每樣嘢撚好少少，經已足夠令佢成為一套日本歷來最受歡迎嘅作品之一。
見倒有人話要識欣賞《Cyberpunk2077》，大前提係要你肯投入故事之中──我覺得呢句根本係廢話，有邊隻RPG唔係你要投入故事之中先享受得倒全部樂趣？撇除畫面同Bug問題，《Cyberpunk2077》我覺得做得最好嘅地方係遊戲節奏：首先PS 4嘅Save &Loading比我想像中快好多（可能就係畫面劣化嘅回饋），至少唔會比起我玩《FF15》、《刺客信條》時等到我極不耐煩；
然後好特別係，佢會將每一個小區都劃分得好緊湊，好多大大小小嘅罪案同事件都同時發生緊；而同《GTA》往往要你遊一輪車河先去到「犯罪現場」唔同，每個大區嘅勛離都比想像中短，所以感覺就好似響你身邊不定爆發無窮盡嘅槍戰、幫派勒索、黑市交易，然後當你下定決心要將該區罪案「清零」嘅時候，幾個鐘頭不經不覺經已過咗去。
至於Sandbox任務嘅重複問題，《Cyberpunk2077》當然存在，來來去去唔殺人、搵嘢就係護送任務；另外就算標榜有Hacking、潛入同強闖三種路線，但你唔好預期有啲乜嘢令你驚喜嘅新元素。不過隻Game嘅獨特性並唔係響玩法而係響劇本本身，即使最細微嘅重覆性事件，其實會透過人物嘅電子留言睇倒少少嘅故事背景，細心程度就好比《Fallout》系列。
相反主線同支線任務，就有非常豐富嘅故事劇情於其中，當中甚至會比你選擇幾個唔同解決事件嘅手段，令你體會倒唔同版本嘅故事內容──甚至因為有人叫你坐低而你掛住撻哂人地間屋啲道具，搞到對方唔耐煩，都會因此明明一場順利嘅談判流血收場。
當然，相比起RDR嘅西部、GTA嘅繁華罪惡城、Fallout嘅核災末世，我對於Cyberpunk仲有一種特殊感情：因為無論係《Blade Runner》定係《攻殼機動隊》呢啲Cyberpunk嘅經典作品，佢地嘅原型都係響香港。科幻小說所謂嘅Cyberpunk其中一個定義，就係「響科技日益發展嘅同事，社會卻並未有因此同時進步，只有極少數人享受到科技帶黎嘅美好生活，而絕大多數人卻仍然身處朝不保夕嘅痛苦生活之中，甚至比起科技未發展之前更差──
今時今日呢個深水埗「潮點」，背後就係靠迫遷、迫死露宿者換番黎，好改唔改叫做「數碼龐克號」，完全符合哂Cyberpunk嘅定義。甚至有好多網友講，今時今日香港一邊強調自己創科產業有幾先進、科技有幾進步，一邊就有班執紙皮阿婆食都食唔飽，玩呢隻Game嘅時候果種親切感，係上面其他幾款殿堂級神作所比唔倒我嘅。
總括黎講，就算玩法略有重覆，但經過三四十個鐘頭嘅遊玩體驗過後我仍然唔會覺悶；而且從佢技能樹會發覺玩法係有好多變化，可能好似《Mass Effect》咁砌一個新角色出黎就會有完全另一種體驗，然後最正嘅當然係去第二部奇洛李維斯出場一刻，劇情去到新一波嘅高潮，始終故事先係遊戲嘅靈魂所在，唯一遺憾嘅係佢比較遲出，今時今日對一隻Game黎講要成十幾個鐘先入倒戲玉真係算比較慢熱一啲……
Anyway對於未玩隻Game嘅朋友嘅忠告係，真係比啲耐性，等到明年年頭DLC同重大Bug Fix出咗先好開黎玩，因為隻Game嚴格黎講只係處於beta test階段，咁多拎出黎賣其實係有啲無品──所以我明白點解佢個Multi-Play mode要遲啲出，因為連隻正Game都未搞掂。但對於不幸開咗隻Game嘅我黎講，又唔會話好後悔嘅，可能PS4先爆一次，之後預咗Upgrade完電腦再爆一次咁囉！
xbox iso 在 Original Xbox ISO Converter - YouTube 的推薦與評價
extract-xiso To Convert XBE To ISO & Convert ISO To XBE Easily | Original Xbox ISO Converter ... ⭐ Kite is a ... ... <看更多>