#找數真漢子
#處男入廚記
男人，講得出就要做得到，講過話有朝一日會煮嘢畀阿太日常食，見今日得閒啲，即刻入廚房。
係就係拖得耐咗啲(七年咋嘛)，不過拖事少，唔欠就得啦，right？🤣
呢啲咁歷史性嘅事件，真係要出個po記低我嘅心路歷程。老老實實，搞呢壇嘢呢，我係真心有plan過嘅，仲專登趁阿太落街買嘢嗰陣請教過我家姐姐 #伍家姐；當佢了解咗我嘅背景同入廚經驗之後，佢畀咗個好有建設性嘅建議我：
「Forget about it 啦 sir hahahaha。」
我發覺，佢係完全唔驚冇得撈嘅。
返番嚟我嗰part。其實我一早都知自己冇可能煮啲太複雜嘅嘢，一來能力所限啦，如果煮出嚟根本唔食得，又或者食得而我拆咗個廚房嘅話，咁就找數變找死，咁樣死，唔值得；第二，其實我想趁阿太出咗街嗰陣拿拿臨煮，等佢一返嚟就見到個製成品放咗喺枱面，然後我就問佢：意唔意外呀？開唔開心呀？咁。疫情之下阿太wfh，單獨出街嘅話通常都係去樓下supermarket買棵菜；所以，我可以煮嘅時間其實唔多。
煮個麵？
嗱，唔好笑住先。喺考慮過我嘅能力同有嘅時間之後，其實煮麵係唔錯嘅選擇，況且阿太又真係鍾意食麵喎。
咁麵都有好多種選擇嘅，就算我份人再求其呀，都唔會就咁煮個即食麵當找咗數咁hea🤣；又諗下阿太嘅喜好，佢鍾意食麵，特別喺魚麵，佢鍾意飲魚湯；終於，畀我諗到煮個魚湯魚麵。
喺超級市場左揀右揀，揀咗一包「濃白湯魚麵」。佢個介紹話呢，啲魚麵係用鯛魚製成嘅，而啲湯就係丁魚熬成嘅，咁多魚，啱喇啩怕且。
煮嘅過程比plan呢件事輕鬆。最難嗰part係就時間；等阿太出咗門口冇耐，我就衝入廚房開爐。煲水、落湯磚；湯磚煮開咗，已經聞到一屋魚香。
一邊煮，一邊仲要掛住叫伍家姐幫我影相(等阿太懷疑唔係我煮嘅時候我都有證據😂)；佢嘅攝影技術好明顯冇湊bb咁好，影咗十幾次😅
見個湯差唔多ok，我就落麵；啲麵睇落好有彈性，應該幾煙韌幾有咬口嘅。
我估計得冇錯。到我煮好碗麵，幫佢擺靚靚再影埋相之後，阿太就返到。
我：「Suprise！」
太：「Sub咩派呀。」
我指一指飯枱：「碗麵呀！我煮㗎！」
Skip 之後一啲冗長嘅對話。佢坐低，靜靜哋咁食麵；期間佢冇乜講嘢，不過，我相信佢係開心嘅。
到佢連湯都飲晒之後，我問咗一句：「好唔好食？」
太：「好食，我冇諗過你真係會煮，好食。」
佢停一停之後再講咗句：
「不過下次啲麵可以煮耐少少。」
好似有啲剎風景😅，不過喺嗰一下，我相信大家都開心；村上春樹講嘅小確幸，大概就係咁。
Btw，我煮嗰款係LGH嘅濃白湯魚麵，真係值得一試嘅，喺百佳超級市場指定分店、HKTVMALL、YATA超級市場、AEON、UNY 同APITA就有得賣喇。
#LGH #LetsGoHome
#濃白湯魚麵 #甜蜜初登場
#一生一世一麵之緣
#各大超市及hktvmall有售
uny 朝市 在 【#UNY星期日早市優惠】... - UNY 生活創庫Hong Kong 的推薦與評價
UNY 星期日早市優惠】 想安心在家抗疫，屋企少不免要買定多啲食物同日用品！ UNY 生活創庫Hong Kong 本週日舉行星期日早市優惠，多款超市食品及生活日常用品進行限時大 ... ... <看更多>