📍ᴛsɪᴍ sʜᴀ ᴛsᴜɪ, ʜᴏɴɢ ᴋᴏɴɢ 🇭🇰
<厚福街新晉茶飲店 PTL泡茶>
呢期尖沙咀厚福街又多咗一間新開嘅茶飲店，店舖出售嘅飲品種類都幾多下除咗有大熱嘅芝士奶蓋同黑糖珍珠之外，竟然乳酪飲品都有啊😱另外店舖裏面仲有售賣少量嘅台式小食。飲品嘅定價就由＄20至＄38不等，另外台式小食嘅定價就＄18至＄24。大部份嘅價錢都算合理，而且係正常市價嘅範圍😂
PTL個芝士奶蓋有唔少人大贊都話好味☺️難得一場去到就梗係要試晒兩款大熱嘅飲品，黑糖珍珠鮮奶同芝士奶蓋茶啦✌️
🍴黑糖珍珠鮮奶
評分：6/10
佢哋呢度個黑糖珍珠系列選擇真係超多👍除咗可以配鮮奶之外，仲可以配奶茶、抹茶鮮奶或者紫薯鮮奶。
飲品攞到上手雖然就冇其他店舖嗰啲整得咁靚，不過個人都覺得算係咁😂而且飲品亦都好聚手。入口隱約都可以飲到鮮奶味，而且個黑糖味亦都好足夠😊雖然略為甜左少少。不過就略嫌飲品裏面嘅冰份量有少少多😅溝淡晒成杯嘢飲😑另外黑糖珍珠方面，口感亦都唔夠Q彈😖偏向比較軟糯。不過黑糖珍珠裏面嘅黑糖味有確實會越咬越出😉所以整體來講飲品都係唔錯嘅，不過小編建議大家如果想試的話要叫少冰或以下🤫咁樣味道應該會更加好。另外值得一提其實店舖嘅黑糖珍珠份量比得都算幾多下架👍
價格：HKD $30
🍴芝士凍頂烏龍［微糖］
評分：4.5/10
芝士奶蓋茶個茶底就有四款茶可以選擇，分別係綠悠、凍頂烏龍、碧螺春同玫瑰烏龍。而呢度個芝士奶蓋就分咗兩款芝士，分別係普通芝士同輕芝士👍真係好貼心啊😍不過小編今次第一次試就梗係叫個普通芝士試咗先啦！
茶底入口確實有驚喜☺️烏龍茶味超突出，而且味道唔會太甜，雖然叫咗微糖但茶底都唔會有一種澀味👍至於個芝士奶蓋竟然俾咗三份一杯👏真係超級開心。不過入口就到真係幾失望，稀到奶泡咁，完全冇左本身芝士奶蓋個種濃厚嘅口感😔但好彩芝士嘅鹹香味都係有嘅。整體來講都幾失望下，因為都冇expect過個奶蓋係可以咁差😢
價格：HKD $28
——————————
店舖名稱：PTL 泡。茶
環境：3.5/5
服務：4.5/5
地址：尖沙咀厚福街7A號地下
交通：港鐵尖沙咀站B2出口，步行約4分鐘
——————————
#hkfoodie_life_尖沙咀
想睇翻同類型既食評👇
#hkfoodie_life_茶飲
．
．
．
．
．
#milkcaps #tea #cheesemilktea #cheese #powtealite #PTL泡茶 #泡茶 #烏龍茶 #芝士奶蓋 #奶蓋 #奶蓋茶 #中國茶 #茶飲 #奶霜 #黑糖珍珠鮮奶 #黑糖珍珠 #珍珠 #飲品 #台灣 #台式飲品 #手搖飲料 #鮮奶 #手作珍珠 #タピオカ #黒糖タピオカラテ #黒糖タピオカ
