《工廈日本菜🤩》▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
👁🗨龍卷風沙律(7.5/10) $68
.
➰一離到枱比呢碗野嚇一嚇😂因為佢好大碗，有啲驚食沙律食飽🤣不過好在最後都輕鬆咁清哂🤓講番個沙律，佢入面其實除左有普通既沙律菜之外，仲有蟹柳，海藻脆片同埋蟹子配沙律醬同少少日式燒汁，簡單離講，係蟹子沙律既升級版😎所以整體普普通通，冇咩大特別，不過多左海藻就令到口感增加，夠哂fresh🤩
.
👁🗨紅龍卷(8/10) $105
.
➰紅龍卷同另外叫左既卷物-蜘蛛放埋左一齊，紅龍卷有大概八舊，睇個名吾會知佢即係咩野既配搭，佢實質係呑拿魚炸蝦芝士卷物，呑拿魚面頭有蛋黃醬，所以就咁成舊食吾洗點醬油都已經夠哂好味🙃呑拿魚食落新鮮，炸蝦香脆，絕對岩哂鍾意食炸蝦壽司既你😌
.
👁🗨蜘蛛(8/10) $85
.
➰由炸軟殻蟹，青瓜，牛油果，蟹柳配成既蜘蛛卷物都幾有質素，平時好怕炸軟殻蟹既食物，因為好易會整到太過油膩，軟殻蟹質感吾好😶不過佢呢個就完全冇呢個問題，食蟹幾舊都吾覺heavy,加上佢有牛油果夾埋一齊，食落會更清新，比起紅龍卷更輕口味，話咁快就食哂🤭
.
👁🗨茄子燒(7/10) $35
.
➰平時好鍾意食茄子既我，又點會吾叫茄子燒🥲不過個人就覺得佢冇我想像中咁好食，因為佢個茄子燒上面加左極大量既櫻花蝦，所以食每一啖，你都會食倒濃郁櫻花蝦同本身茄子既味道😳由於個人一向都麻麻地櫻花蝦果種味，所以茄子上面有咁多既時候，確實影響左我對佢既評價😅撇除個人因素，佢既味道係正常，吾算差既
.
👁🗨三文魚頭湯鍋(7/10) $88
.
➰最後食埋個三文魚頭湯鍋就夠哂飽，佢入面有大量既娃娃菜，紅蘿蔔同埋份量適中既豆腐，三文魚頭亦都相當大，豆腐滑身，三文魚亦都香口吾太肥膩，雖然個湯鍋飲落有三文魚味，不過個人認為略咸左些少，飲左細半碗就已經停左手，決定食哂啲入面啲菜豆腐紅蘿蔔同三文魚就算😂不過味道係好既，如果冇咁咸會加番分😅
.
🔛 整體評分（7.5/10)
▪️▫️▪️▫️▪️▫️▪️▫️▪️▫️▪️▫️▪️▫️▪️▫️▪️
📍 古今二 (官塘工業中心) (觀塘)
地址：觀塘觀塘道436-446號官塘工業中心4期1樓B室(觀塘站D4出口)
營業時間：
星期一至日 12:00-16:00;18:00-23:00
#FoodiesDNN觀塘
#FoodiesDNN香港
foodiesdnn觀塘 在 Foodiesdayandnight - Home | Facebook 的推薦與評價
呢日去開觀塘拎野，記得有間前排都幾出名既打卡餐廳好似吾錯咁，就順便去食個晚餐 成個餐廳環境確實幾岩打卡，但係因為用左開放式既關係，冷氣吾係話太夠，亦都有蚊會 ... ... <看更多>