【爸爸湯丸hea樂日】#BBday352 #平平淡淡一日是福
👨👦爸爸單人匹馬揹住爸爸袋🎒揹埋揹帶揹湯丸仔，推埋BB車由屯門到元朗交收 #對爸爸來說零難度
。
然後到老夫子餐館食飯，我有我食海南雞飯
佢有佢坐bb凳玩。佢又好乖好專心玩筷子 🥢
(要望住佢唔好督到喉龍放入口)
佢忽然想伸手摸d前菜，由得佢拎d榨菜自己玩
之前BLW都係咁，污蔑咁抹手lor 🤷🏻♂️
#總之食飯唔淮睇手機睇YouTube
。
之後3點鬆d去到天水圍政府遊樂場拎籌
(本來唸住去天暉路果間，但交收物主遲咗到)
好彩，最後拎到 🎫 然後去育嬰室沖奶餵奶 🚼🍼
💯分乾淨清潔零臭味
。
3點半準時入到玩，玩足45分鐘
其實預1歲Bb玩唔到大型瀡滑梯
但志在俾BB喺個安全地方爬吓企吓
唔知湯丸係咪扯高咗呢？佢爬多咗快咗
同埋佢好專心，一個蘋果🍎裝置可以企足15分鐘玩玩
其實都係轉轉積木，沿軌左右移，同埋識企高推高 👏🏻👏🏻
💁🏻♂️💬 好彩你身手敏捷似媽媽，千祈唔好似我手腳唔協調
。
佢都有玩BB瀡滑梯，佢試圖由底爬上頂
但對佢嚟講都高都斜，爬到一半高度已經好叻 👏🏻👏🏻
。
其實呢個post，唔係咩玩樂好去處介紹文
只係父子軼事
但係，有時無聊一日，都係一份福氣呀
起碼，有意義過今日個presscon啦
