#在日落前交換日記
星期一至五 5-6 叱咤903
阿檸 - 毒檸王國
【娛樂的惡夢】
去旅行前仍會緊張的孩子 檸：
由於節目調動，今個禮拜其實有好多嘢想分享但係冇分享到，唯有喺週記度盡量抒發啦。係咁嘅，講起惡夢，上個禮拜咪話比你知我瘋狂咁發咗四五個不停咁鬧人嘅夢嘅，之後我都冇乜發惡夢啦，但係惡夢嚟講，其實唔駛訓覺都四圍揾到呀，今個禮拜打開報紙，單單都係惡夢，為咗避免呢篇日記淪為政治評論，我今日想分享下啲娛樂類別惡夢。
話說上個星期六日我都出咗街食飯，餐廳開住部電視，我就習慣性地望一望啦。星期六嘅惡夢，係難堪嘅惡夢。
個節目係一班演員，一齊用7，80年代嘅硬滑稽嘅形式，扮鬼扮馬去演出一段又一段一啲都唔好笑嘅短劇。難堪嘅地方係你感覺到佢哋好努力，好認真，但係你真係完全笑唔出甚至感到非常惡俗，我阿爸阿媽，我，定係我阿妹都會覺得無謂，已經唔係代溝嘅問題，係節目製作人品味嘅問題，辛苦晒班演員，亦都辛苦觀眾難堪到好似睇咗十次家姐攞錯獎咁。
然後星期日，係嘔心嘅惡夢。
一個節目，請一班有家室嘅藝員一家大細咁上去傾吓生活得幾甜蜜，ok，我覺得嘔心啫，難保有人睇到感動流涕嘅。但係佢玩嘅遊戲係要啲爸爸企喺一塊佈景板後面，露出着住孖煙通嘅臀部，然後叫啲仔仔吖老婆吖摸勻晒咁多個patpat去認人，其實係想啲觀眾比咩反應？笑？然後到傾偈環節，傾甜蜜嘢，okok，但係我其實唔會喺我食飯嘅時候想知道一名藝員喺被竇放屁之後嘅處理方法囉。
睇完呢啲節目，你會發現呢個世界嘅事真係息息相關，嗰啲反智嘅求情理由吖，無理嘅集會吖，唔恰當唔尊重無人性嘅比喻吖，全部會出現，係因為好多人都係比呢啲低水平嘅資訊養大。
發洩完畢，準備去日本啦，唔返黎啦，係咁。
去旅行前充滿怨氣的孩子 Oscar
903節目調動 在 my903.com 商業電台- 【 最新節目調動】 今日黃昏起，#叱咤 ... 的推薦與評價
最新節目調動】 今日黃昏起，#叱咤903 節目將有全新安排！ ... DJ除了主持節目外，亦有責任在其負責之時段內留守直播室應付一切突發事情。作為本台全職DJ，節目如須 ... ... <看更多>