2021年8月8日 低醣增肌減脂計劃 day 7
我發覺真係放假先至有心機下屋企煮低醣餐，平時返工放工返到屋企咁夜又攰真係求其Hea煮就算😂
.
所以我琴日就把握放假機會煮返個豐富嘅低醣all day breakfast🤗有西瓜鳳梨🍍牛油果🥑雞扒，煎蛋，菠菜，同紫薯蓉仲勁有心機加橄欖油黑椒同埋少少鹽整成薯蓉一球咁，我發覺每當我整嘢食時就會進入一個忘我嘅狀態🥳過程相當愉快，忘卻一啲壓力同埋唔開心嘅嘢，對於我來講係一個幾好嘅抒壓方法🤩而且整完出嚟擺得靚啲，減肥都減得賞心悅目同開心一啲啦🤩
.
晚餐突然想食粉面？蒟蒻麵幫到你，喺759度買呢類型嘅蒟蒻麵低卡而且好味😋呢款成包都係44卡咋，我見過另一包仲低啲嘅27卡，不過嗰隻我就覺得冇咁好味，而且蒟蒻麵爽口得來又彈牙同真麵好鬼似，可以滿足一下口腹之欲，不過一包份量真係唔多，得幾啖㗎咋，我會一開始沖水沖得好乾淨沖走佢嗰浸鹼水味，下面仲加咗豐富菜底，一個水煮蛋同埋一隻雞髀🍗飽晒啦😋
.
咁就低醣完咗一個星期感覺非常良好，身體pick up 得好快，亦唔覺得有咩唔慣😆繼續努力💪
