#又係悶鬼死你幾粒鐘時間😂🤣
#2018復活鳥在鬼怒川捉鬼再返東京氹氹轉
講過好多次，去日本去邊都好，好唔想入東京，次次都迷失，一個十字路口，4 條行人過路線，行足 6 次先搵翻啱條路 😑 教我如何喜歡呢個地方
走入鄉下地方，走上高原已經唔慌買到手信；居然走到入大城市，我迷路迷到連藥房都搵唔到間 😵 我發生咩嘢事😢 二爺叫我做嘅。。。唔好意思，搵路搵到我頭痛兼發爛，咩嘢都冇買，連想買嘅 eye liner 都買唔到枝，日本通通到我咁都算係失敗中嘅典範🙄
人太多嘅地方都係唔啱我，我以後都係留响深山，唔入大城市喇👩🏻🌾
第一日，落機後入到大城，放下行李就走咗去新橋，一個超多打工仔放工後聚集嘅地方，到了百年老店包場（堅係冇人喎😳）吃了個百年鰻魚飯同嫩滑冇肥膏煎雞晚餐；餐後肆圍閒逛，找來一間有坂本龍馬伴吃嘅居酒屋，跟打工仔們打成一片 🤣
新橋不是旅遊區，沒有大百貨店，沒有大型電器店，更加沒手信店，但食店就超級多，在這裡不用仇沒好的吃，諗下自己的胃有沒有足夠容量吧！居酒屋、鳥燒、近江牛肉專門店、意大利餐廳、烏冬、寿司、一蘭、海鮮。。。😵 太多太多了
酒店就在隅田公園旁，淺草寺近在咫尺，夜桜在 power point 的襯托下，狂影相是必然的🤣🌸🗼🏮⛩
第二日一早，坐在桜滿開🌸🌸的隅田公園旁吃半自助早餐，邊有咁爽架🤣
鬼怒川捉鬼行動。。。起程
兩日一夜，鬼怒川👉👉塩原高原👉👉鬼怒川👉👉下今👉👉日光
一個只準備好旅館及車的旅程，落火車前連地圖都沒睇過，有咩地方值得去、我呢啲膚淺旅客要去邊打咭都未知😅😅 （其實全程咁多日都冇plan過行程，每日見步行步😝）
到了車站，🤩剛巧遇到「大樹🌳」起程（下今至鬼怒川區間的 SL 火車）立即超 High 的跟她揮手送行🤪好正啊！
打開地圖，即見肚餓，搵下谷哥，找來當地高分食店，沒遊客的食店，多添 真 · 親切笑容嘅嬋嬋，一客燒鳥一客燒章魚定食，配上那大大大大碗的殺食日本米飯，說好的減少澱粉質😞🤨😏食咗先算
山上有水，最好的行程就是行山追滝（龍=瀑布）😂🤣 大大小小，各有特色，當中最可愛的要算是「虹見滝」，故名思義的一個好名字🌈
又越過高山又越過谷，九十幾曲十九幾個髮夾彎，最後到了旅館，唔係呀，今次唔係入深山，係穿過深山上高原，我都唔知有幾高，佢個名叫咩高原囉😅
找好水，一定去源頭 ♨️ 有呢個燈籠嘅，冇走雞，媽呀！我儲咗 8 個印仔喇✌️✌️ 有冇人知係咩？😅
第三日，倒塔咁早起身，為咗浸下，行下再浸下，食完個早早早餐（响屋企我仲瞓堅😴），响旅館內巡下，同女將九唔搭八講下笑下，又係時候撤退喇
返入捉鬼川，改行一下大吊橋，唔似行山嘅山路，走到觀景台鳥瞰鬼怒川，好幽靜耶😇
下今市，四圍都係杉樹，走入著名嘅並杉路，好舒服，好舒服
回到日光都已兩三點，快快走到二荒山同東照宮，原來鄉下地方，一樣係超多人😱
返到迷失嘅東京，一落車又迷咗😵點解咁對我？？？
第四日，一早帶晒架撑，先去築地入倉，點知自己白痴唔記得星期日築地買好嘢嘅舖係休息嘅😑魚生飯賞桜嘅如意算盤打唔響，立即轉軚買魚餅，🐠🐙🦐買紀文出品，唔驚食到噴🤣
去完長途，唔想再搭咁耐車，近近遠遠都咁逼人，就近近地去上野公園賞桜🌸🌸🌸嘩嚡！早有心理準備都冇用，人多到真係嚇親寶寶，花落了七成，心情已經麻麻，死人老細仲要嘰嘰嘎嘎，即時火起😡😡🔥🔥🤬🤬🤬 😤😤😤
轉個身，搵個位坐下，呷啖茶，諗下下一個目的地，坐夠就行去地鉄站。。。𠱓吔！柳暗花明又一村呀！轉個彎 😍😍 花路呀！心情變靚晒，📸相機、📱電話好忙碌😂
聞名已久嘅自由丘☕️🍰🍨🤤😋😋環境清幽，有好多好多咖啡甜品店😋行下坐下，霎下眼又幾小時，好舒服呢！
坐電車一個站（特急）就到了下個拍烏桜嘅地方😂🤣人頭湧湧，嘩！仲多人過維園行年宵呀！
今日起身戇烚烚，不停記錯地點，不停左兜右轉，幾乎在地鉄喊出嚟😭
豬標s嘅標示不停錯，在十字街頭不斷走錯方位 😠😠😠😠 頂
返到嚟喇，弊！坐响巴士好肚餓🙄 慘！今晚要餓住瞓😭
