關於 2008國際中華小姐 ，我們在網路上蒐集到這些相關的討論、資訊與評價

31.12.2015 @ 蘋果日報
華姐客串　邊拍邊食
陳智燊宋熙年　大牌檔影婚照

現年38歲的陳智燊（Jason）早前成功向現年30歲未婚妻、2007年國際中華小姐冠軍宋熙年求婚，兩人將於明年年尾拉埋天窗，為了有個完美婚禮，兩人開始着手籌備婚事，暫定先在港擺酒，再到英國或澳洲宴請親友，他們日前拍攝了pre wedding照片。

李亞男教做人妻
這輯婚紗相除了有一對準新人外，新娘子宋熙年還邀得3位好姊妹出鏡，她們分別是其同屆華姐季軍陳爽、2008年落選港姐高海寧和2005年國際華裔小姐冠軍李亞男一齊出鏡，四大美女都是選美出身，她們更戴上后冠，配上高貴晚裝造型，令畫面更添美艷。其中陳爽和李亞男先後升呢幸福人妻，兩女當然有向宋熙年傳授人妻心得。
準新郎Jason特愛香港地道特色，所以選定到中環大牌檔取景，甚至走入梗有一間在附近的7仔拍照。Jason表示當晚先跟大牌檔檔主借用枱凳，熱心檔主還給他們炮製小炒，所以他們絕對可以邊影邊吃，Jason昨日在電話訪問中說：「我哋一邊飲紅酒，一邊食咕嚕肉，好正，全部唔係道具，熱辣辣好好味。」Jason笑言咕嚕肉是他至愛，問到婚宴是否也要準備這味餸菜招呼親友，他即說：「咁又普通咗啲。」
此外，宋熙年昨日在將軍澳出席宣傳活動，她表示和陳智燊的婚期仍未訂下，因仍在物色宴會場地。

30.12.2015 @ 蘋果即時新聞
【地道風味】陳智燊宋熙年 大排檔著晚裝食小炒影婚照

現年38歲嘅陳智燊（Jason）早前成功向年輕8歲嘅宋熙年求婚，出年年底就拉埋天窗，佢哋兩人都開始慢慢籌備婚事，暫定先喺香港擺酒，再到英國或澳洲宴請親友，佢哋日前出外影咗pre wedding相。 準新娘宋熙年係2007年國際中華小姐冠軍，佢圈中閨密有同屆國際中華小姐季軍陳爽、2008年落選港姐高海寧同2005年國際華裔小姐冠軍李亞男，宋熙年情商咗3位好姊妹出鏡，四大美女都係選美出身，佢哋更戴上后冠，配上高貴晚裝，畫面變得更艷麗。其中陳爽同李亞男都成為幸福人妻，當然有向宋熙年傳授人妻心得。 準新郎Jason愛地道香港特色，所以呢次影相佢揀咗喺中環大排檔取景，甚至走入梗有一間喺左近嘅七仔影埋一份。Jason話拍攝當晚佢哋先跟大排檔檔主借用枱櫈，熱心檔主仲為佢哋炮製小炒，於是佢哋就絕對可以邊影邊吃，Jason今日接受電話訪問時話：「我哋一邊飲紅酒，一邊食咕嚕肉，好正，全部唔係道具，熱辣辣好好味。」Jason笑言咕嚕肉係佢「飛彿」，問到婚宴係咪打算有呢餸招呼親友，佢話：「咁又普通咗啲。」